روما

جزء ٦

الحلقه ٦

مراد راجع من فرح نيللى ال مكنيش فرح خالص , بيدخل الفيلا الصغيرة ال عايش فيها لوحده بعد موت ابوه وامه , بتقرب منه الخادمه وتخد شنطة الاعمال الصغيرة ال فى ايده
_____________________
الخادمه : احضرلك العشا ياسيدى ؟
مراد : لا اعمليلى قهوه دوبل , واظبطى الوش يا سنية
الخادمه : حاضر يا سيدى
بيدخل مراد اوضة المكتب ويقعد على الكرسى ويقرا فى اوراق قدامه , شوية وسيب الورق ويفتح درج يطلع منه البوم صور يفتح ويفضل يقلب فيه لحد مايلاقى صورة ليه هو وروما يوم عيد ميلادها الـ 19 يبص للصورة ويفتكر لما كانو صغيرين والعب والضحك والهزار بتاعهم يفتكر يوم عيد ميلادها اخر عيد ميلاد يحضره مع روما , وقتها كانو قعدين مع بعض فى جنينة الفيلا بيهزرو ويضحك
روما : هات بقى
مراد : مش هديهالك
روما : الله , هو انت جايب ليا الهديه وطمعان فيها ولا ايه !
مراد : بت اتلمى انا اكبر منك
روما : ياسلام ماكنيش 5 سنين دول ال كل ما تشوف وشى تقولى اكبر منك , وبعدين انا خلاص النهارده عندى 19 سنه وكلها سنتين ومحدش يعرف يكلمنى , هات بقى
مراد : يووووه خدى اهي
روما : واو حلوة السلسله دى من امتى زوقك اتعدل كده يا مضروب
مراد : لمى لسانك يا روما , ادفع نص عمرى واعرف سموكى روما ليه ؟!
روما : بابا دايما يقولى النادر اسمه نادر
مراد : والله , ماشى يا نادره هانم
روما : هو انت متخانق مع ابوك ليه هو انت دايما مزعلوه كده
مراد : بقولك ايه مالكيش دعوه , وبعدين انا مش مزعلوه هو ال شغال زن على دماغى اخطب اخطب بقى عندك 24 سنه لازم تخطب
روما : طيب ماتريحو وتخطب
مراد : ماانا هخطب بس لما الاقى واحده شبهك كده
روما : لا يبقى هدور طول عمرك اصلك عمرك ماهتلاقى شبهى
مراد : لو ملاقتيش هكون مجبر اتجوزك انتى وخلاص بس هلاقى وهتشوفى
روما : ده بعينك
مراد : طب خديها اهى
روما : ههههههههههههههههههههههههه
يفوق مراد على صوت الخادمه
الخادمه : القهوة يا سيدى
مراد : ماشى روحى انتى
تخرج الخادمه يرجع مراد يبص للصورة بكل حزن
مراد : يااااه يا روما كانت اخر مره اسمعك فيها بتضحكى من قلبك اتغيرتى يا روما , خساره خساره اوى يا روما
_____________________
فات اكتر من شهر على فرح نيللى رجعت هى وعمر من شهر العسل ال كان على حساب شاهيناز بالكامل , وطبعا الفيلا النار ال فيها زى مهى لا تهدء ولا بتسكت
نيللى قعدة مع شاهيناز بتعيط وبتشتكلها من عمر
شاهيناز : خلاص بقى يا نيللى كفايه يا ماما
نيللى : يا مامى ده من يوم الفرح وهو بيعملنى دايما بزعيق ونرفزه
شاهيناز : معلش يا حبيبتى يمكن يكون لسه زعلان من ال حصل فى الفرح
نيللى : ده حتى شهر العسل كان مخليه شهر نكد , وانا ذنبى ايه فى ال حصل فى الفرح
شاهيناز : معلش يا روح مامى متزعليش انتى نفسك بس
فى الوقت ده بتدخل عليهم ندى
ندى : الله مالك يا نيللى فى ايه ؟
نيللى : وانتى مالك وبعدين ازاى تدخلى من غير ما تخطبى الاول
ندى : بقى كده انا غلطانه , ماما انا خارجه عايزة حاجة
شاهيناز : لا متتاخريش , خلاص بقى يا نيللى كفايه يا حبيبتى
_____________________
بتخرج ندى وتروح كافتيريا شيك اوى وتقعد , شويه ويدخل شاب يدور بعنيه فى المكان لحد ما يشوف ندى يبتسم ويقربلها
_ اتاخرت عليكى
ندى : اهلا أحمد , ابدا انا ال جيت بدرى
أحمد : القمر عامل ايه ؟
ندى بكسوف : تمام
أحمد : اااه يااا قلبى , انا مش مصدق انا قاعد معاكى اكيد انا بحلم
ندى : ولا انا بصراحه عارفة انا ازاى وافقت اجى اقبلك
أحمد : يمكن صعبت عليكى ولا حاجة
ندى : ههههه لالا مش قصدى انا بس عمرى ما عملتها
أحمد : مهو ده ال عجبنى ال زيك مش مفيش منهم دلوقتى
ندى : على فكرة انت كده بتكسفنى اكتر
أحمد : وانا بموت فيكى انتى مكسوفه كده
_____________________
روما قعدة فى اوضتها بتلف حوالين نفسها تفتح اللاب تبص فيه شويه وتقفلو تلعب فى الموبايل شويه وتسيبو بالشكل ده
روما : اوووف على الملل , ايه اليوم ده المشكله ان الزفته شاهيناز مش قاعدة كنت حرقت فى دمها شويه , اروح اقعد مع جدى شويه يووووه ده نايم , هو مفيش غيره مراد
تمسك روما التلفون وتتصل بـ مراد
مراد : ايوه يا روما عايزانى فى مصيبة ايه المره دى
روما : مراد مالك انت سخن يا بابا , انا بتاعت مصايب
مراد : لا خالص انا ال بتاع مصايب
روما : طب بس بس انت فاضى ؟
مراد : لا بخلص شغل ورايا
روما : طيب تمام البس وقبلنى فى النادى
مراد : انتى بتعملى معايا كده ليه ؟! انا نفسى افهم
روما : يلا يا مراد وكفاية رغى
مراد : حاضر حكم القوى
_____________________
كاميليا فى اوضتها قعدة قدام المرايه بتسرح شعرها وبتعمل مكياج , بيدخل عليها شريف
شريف : ايه ده انتى خارجه ؟!
كاميليا : انت شايف ايه
شريف : جرا ايه ما تردى عدل
كاميليا : هو انت شايفنى برد بالمعوج
شريف : يوووووه انتى شكل يومك مش هيفوت على خير
كاميليا : يفوت ولا مايفوتيش , انا رايحه لـ ماما
شريف : انتى مش كنت لسه عندها من اسبوع , هو كل شويه ماما
كاميليا : مش بدل ما اقعد وشى فى وش الحايطه , انا قعدة لوحدى طول اليوم نيللى مع جوزها وندى يا فى الكليه يا قعده لوحده وانت ومامتك مشغولين ازاى تخلصو من اختك مدموزيل روما , ال من يوم ما جات وانتم بقيتو لليل نهار نار على بنزين , اقعد اعمل ايه انا بقى
شريف : ماشاء الله لسانك طول يا كاميليا
كاميليا : واشمعنى انا ال لسانى هيفضل قصير , انا خارجه اصلها مش ناقصة حرقت اعصاب , باى باى
شريف بعصبيه : ملعون ابو ده يوم رجعتى فيه يا روما
_____________________
روما قعدة مع مراد على ترابيزه فى النادى بيتكلمو
مراد : انتى عارفه ان من يوم الفرح وشاهيناز قالتلى لو دخلت الفيلا تانى هتكسر رجلى
روما : طب تبقى تورينى هتعملها ازاى
مراد : يا ستى من غير خناق كلها شويه محدش هيقدر يتحكم فى اى حاجة الصبر حلو
روما : اهو انا خصوصا المفروض محدش يجبلى سيرة الصبر , بقولك ايه ماتيجى نجرى شويه
مراد : انتى رايقه النهارده شوية ولا حاجة يا روما ؟ انا مفيش فيا حيل
روما : قوم يا مراد قوم ده انت لسه 35 سنة امال لما تبقى 50 هتعمل ايه , قوم قوم
مراد : ايه ياربى حكم قرقوش ده مش عايز اجرى
روما : قوم يلا
تقوم روما هى ومراد يجرو بعد 10 دقايق روما توقف وتمسك دماغها
روما : اااه
مراد بخضه : فى ايه مالك ؟
روما : صداع محترم مسك دماغى
مراد : طب تعالى اقعدى , ما انتى ال عامله فى نفسك كده بزمتك انتى بتاكلى ايه طول النهار , ده انتى طول اليوم مفيش فى ايدك غير السجاير والقهوة
روما : هههههههههههه شكلك يضحك اوى وانت بتدينى محاضرة فى المحافظة على الصحه , اكل ايه وشرب ايه يا مراد كويس اصلا انى لسه عايشه كويس ان لسه فيا حيل اتكلم
مراد : يا روما ماتنسى زمان بقى وتعيشى
روما : هههه انسى اعيش هههههههه اه ان شاء الله بس لما ادمر شاهيناز الاول
مراد : افتكر ان ال عملو رشوان بيه ده كفايه , ده اول ما تعرف ال هو عملو مش بيعد تموت فيها ده مش دمار كفايه
روما : انت متعرفيش شاهيناز دى زى العقرب عضمتها جامده وناشفه مش ضربه واحده تموتها , بس على مين انا وراها والزمن طويل , بقولك ايه اسكت واطلبلى قهوة
مراد فى نفسه : خايف عليكى يا روما لا تدمرى نفسك قبل ما تدمرى شاهيناز

يتبع ✍️✍️✍️