العنيده المتمرده
الفصل 4
(توضيح)
الصوره ملهاش علاقه ب فريده ديه مجرد صوره تصويريه ليها .. إنما فريده و آدم الحقيقين اللى انت تخيلتهم وانت بتقرأ .
.......................................................
بعد اما مشيوا آدم مسك تليفونه واتكلم :- أيوه يا بنى ابعتلى عربيه على العنوان ده بسرعه الاقيك قدامى بعد ربع ساعه .
خلص مكالمه وقالها :- وبعدين ؟!
فريده :- آدم
نطقت هى اخيرا باسمه اللي فضل وقت كتير جدا مستني يسمعه منها .. قلبه دق للحظه بعد اما سمع اسمه منها وبصلها ب ابتسامه:- انتى اول مره تقولى اسمى !!
فريده تجاهلت اللى قاله:- البنت بتنام شيلها لو سمحت يا آدم .
اتكلم بفرحه باينه في عينيه:- بس عشان آدم اللي بتطلع منك حلوه هاتي البنت .
شالها وهى حضنته وقالتله:- انت قمور اوى على فكره يا عمو .
آدم ضحك:- عمو اى بس يا نور .. انا آدم .. آدم وبس مفيش عمو خالص .
بص لفريده:- قولليلى بقى يا ستى عايزه تعملى ايه ؟؟
فريده:- شوفلنا اى حته نأكل فيها لأحسن انا جوعت اوى وكمان نور زمانها جعانه .. هو انت فطرت ؟؟
آدم ب ابتسامه زادته وسامه فوق وسامته:-
لا مفطرتش انا عارف مطعم كويس هيعحبك اوى .
العربيه وصلت و فريده خدت نور من على آدم عشان يعرف يسوق
وبعد اما ركبوا آدم لاقى فريده ساكته فبدأ هو
بالكلام :- مش غريبه ديه نكون بنتخانق الصبح و دلوقتى قاعدين مع بعض ولا كاننا نعرف بعض من سنين !!
فريده :- كل حاجه بتحصل في حياتنا بتحصل لهدف معين يمكن احنا لو مكناش اتخانقنا الصبح مكنتش هقابل نور .
آدم:- فاهم قصدك بس انا بتكلم في نظريه تانيه وهي البساطه يعني اللي يشوفنا الصبح يجي يشوفنا دلوقتى فدي بالنسبالي حاجه غريبه جداا
فريده:- لا مش غريبه بالنسبالى معظم اصحابي انا اتعرفت عليهم بعد خناقه حصلت ما بينا ..
آدم:- اعتبرها إشارة أن احنا هنبقي أصحاب ؟!
تجاهلت كلامه وقالت:- وعلى ما اظن كلهم كانوا مضروبين زيك كده .
آدم :- عارفه يا فريده مشكلتي ايه ؟!
فريده باستغراب:- ايه مشكلتك ؟!
آدم:- اني مش مومن بالمساواة بين الراجل و الست .. عارفه انا لو مومن بيها كنت بدل ما اشدك من شعرك بس كنتي هتاخدي بدل القلم 10 .
اتصدمت جداا من رده مكنتش متوقعه ان هو هيقول كده متكلمتش فهو كمل كلامه:- عموما انا مش بنسي وعارف كويس جداا اللي المفروض اعمله معاكي بس انا سايبك بمزاجي يا فريده .
أنت تقرأ
العنيده المتمرده
Romanceعشقت تلك المتمرده التى تخطت كل الحدود وسرقت قلبي ! حطمت كل الجدران المحاطه بي لأقع بحبها وهى لا تدرى ماذا تفعل ! جعلتنى مثل المجنون أُتيم بها ،، سحرتنى ببحر عيونها الزرقاء التي تشبه المحيط ،، جعلتنى مثل العاشق المتيم بجمال روحها العنيده ! تفاجئت بإ...
