من اول ما نزلت الاستفتاء بين القرارين و الإجماع كان على القرار الأول قولت تمام ماشي هعمل بيه وهنزل كل فتره فصل وهنا حاولت اوفق بين الاتنين معرفتش للأسف .. كل الموشرات كانت بتدلني على التاني .. كل الأشخاص اللي بقعد معاهم بيقولوا ذاكري ذاكري .. انا بهمل في دروسي اكتر من الاول ومش عارفة اظبط اي حاجه حقيقي ..
سمعت قبل كده جملة بتقول فيما معناها انك لو سبت حاجه بتحبها عشان تحقق هدفك او ترضي ربنا .. هتلاقي التوفيق بيهل عليك من إلا شئ ..
انا عايزه اعمل اللي عليا و الكليه اللي ربنا كاتبهالي هدخلها بس اكون عملت اللي عليا ومحسش في يوم بالتقصير او الندم .. هاضظر ابعد عن اكتر حاجه بحبها للأسف
اكتشفت موخرا ان من غير الكتابه حياتي واقفه ملهاش طعم مفيهاش لذه بس غصب عني هوقف وعشان كده اسمحولي اعتذر لان دي هتبقي المره الاخيره تشوفوا فيها نوتفيكيشن من روايه العنيده المتمرده .
اقولكوا على حاجه وانا بكتب الكلام اللي بتقرائوه دلوقتي عيني دمعت .. مش حاسه براحه نهائي لأن الكتابه هي صديقتي الاولي و الأخيرة اللي بحبها و دلوقتي بستغني عنها بكل سهوله .. اعترف اني كنت مستهتره في كتير من الأحيان بسبب ضيق وقتي و تاخري عليكوا .
هرجعلكوا تاني يمكن الفتره تتطول بس لما ارجع هكون على أتم استعداد بحاجات كتيره و مفاجائات اكتر و روايات ملهاش زي مختلفه و غريبه مليانه غموض وتشويق مع أبطال انتوا عمركوا ما هتكونوا قرأتم عن شخصياتهم قبل كده او حتي قصصهم
و الأهم استكمال العنيده المتمرده .. ربنا ييسر ولو حبيت العقد هوقعه وبقيت الروايه هتبقي كتاب .. صحيح كان في ناس سألتني على أن ازاى الكتاب هيوصل وانا مكاني بعيد !!
أحب اطمنكوا ان الكتاب هينزل لكل مكان في مصر و بره مصر .. هيوصلك كمان لحد عندك واكيد بسعر كويس عشان انتوا حبايبي .. كان في مسابقه هدخلها ولاني هسافر كذه بلد عشان التصفيات غيرت رأيي وتخليت عن 50 الف انتوا متخيلين !!
الفكره كلها اني محتاره أوقع مع انهو دار لان في كذه دار عرضت عليا لسه بدرس الفكره ولو محصلش نصيب يبقي الروايه هتنزل هنا من تاني بس ساعتها الوضع هيختلف تماما و هتنزل كامله مش كل شهر فصل و التأخير هيكون مستحيل ..
ده قراري اتمنوا تتدعموني و الطلب الوحيد اللي هطلبه انكوا تتدعولي بالخير في حياتي .
و اوعي تنسوني يا شباب انتوا هتفضلوا ديما في قلبي اي حد عملي كومنت في يوم من الايام عمري ما نسيته و علطول عارفاكوا و بحبكوا جدااا ❤️
و اسفه على عدم ردي على الكومنتس بس كل كلمه قولتهوها فاكرها كويس .. على العموم انا قدامي اسبوع واقفل سوشيل اي حد عايز يقولي حاجه في خلال أسبوع انا هنتظرها وشكرا ليكوا على حبكوا اللي ديما بيغمرني ❤️
والي اللقاء في موعد جديد يا أحبائي 🙂❤️
أنت تقرأ
العنيده المتمرده
Romanceعشقت تلك المتمرده التى تخطت كل الحدود وسرقت قلبي ! حطمت كل الجدران المحاطه بي لأقع بحبها وهى لا تدرى ماذا تفعل ! جعلتنى مثل المجنون أُتيم بها ،، سحرتنى ببحر عيونها الزرقاء التي تشبه المحيط ،، جعلتنى مثل العاشق المتيم بجمال روحها العنيده ! تفاجئت بإ...
