العنيده المتمرده

العنيده المتمرده 23

العنيده المتمرده
الفصل 3
الجزء التاني
بقلم الكاتبه/ ريناد بلال
ليه منزلتش الفصل فى المعاد اللى حددته عشان التفاعل قليل جدا ناس كتير بتقرا من غير ما تحط لايك ارجوكم يا جماعه بلاش كده انا بزعل لما مبلاقيش تفاعل وده بيخليني أوقف كتابه يالا اسيبكم مع الفصل الجديد و يارب يعجبكم
*************
آدم دخل بابتسامة و اول ما دخل بالفعل المكان كله نور بضوء ابيض زي ضوء القمر . بص حواليه ولاقي أن الاوضه مفيهاش حاجه مثيره لاهتمام اوضه عاديه جدا بس اللى شده ان تركيز الضوء متركز على مكتب موجود عليه حاجه غريبه .. بيقرب خطوه ب خطوه لحد ما وصل للمكتب اللى اول ما شاف اللى عليه قلبه دق جامد .. مسك الشئ اللى على المكتب بسهوله بس أول ما مسكه فى حاجه جواه زلزلت كيانه .
أول مره يحس بأنه مسلوب الاداره . ليه حاسس أنه كان غرقان و اول مره رجع للحياه .

مسكه ب ايديه وفضل يتأمل فيه كتير و هنا فهم معني كلام فريده كله "
واعرف ديما أن انت نور فعلا لما بتدخل على اى مكان بيدخل فى الحياه .
نور الضلمه يا آدم انا متاكده انك هتقدر .
لو مفهمتش حاجه اسأل النور وهو يجاوبك على كل اسالتك .
" نور الضلمه اللى جواك "
" محدش دخلها غيري وانت الوحيد اللى هتدخلها عشاني .. هتنورها و تنور قلبك معاها وانا قلبي نور من يوم ما شافك .. قريبه منك أدخلها وسمي "

" فاق من شروده وبص على الرساله اللى موجوده مع الشئ اللي مسكه "

حبيت الهديه ؟؟ كنت محتاره فى أول هديه اجبهالك وملقتش أفضل و احسن من كتاب ربنا:) عارفه انك هتتصدم لما تشوفه بس الاكيد انك هتحس براحه و أمان أول ما تمسكه انا مقدره اللى انت حسيت بيه  وعارفه انك أول مره تمسك المصحف ب ايديك بس مش هتبقي آخر مره وعد مني ليك .. أنت إنسان كويس جدا بس اتربيت غلط وده انت ملكش ذنب فيه لكن طالما انا موجوده هتتربي من جديد :) اتمني تكون فهمت كلامي فى الرساله اللى قبل دي .

آدم ابتسم:- فهمت يا حبيبتى من غير مساعدتك مكنتش هحس ب اللى انا حسيته النهارده .
بص للمصحف اللى شكله ابهره وسما الله و باسه وضمه ليه جامد .

بعد كده كمل قراءه من تاني / فاكر لما كنت بتخانق مع صاحب المعرض اللى ضرب نور وانت جيت مسكت أيدي و طمنتني انك هتحل كل حاجه بدون مشاكل .. دي كانت اول مره تمسك فيها أيدي بمجرد ما مسكت أيدي ساعتها حسيت احساس أول مره أحسه فى حياتي كلها !! قلبي دق ساعتها .. الوقت وقف للحظه ودي كانت أول مره احس ان قلبي فرحان و راضي عن الدنيا .. بمجرد ما ببص فى عينيك الحياه من حواليا بتتلغي .. عارف ليه ؟! عشان عيونك بتسحرني و بتشدني كان نفسي اقولك كده من زمان بس معنديش الجرأة أقف واقولك كده .. تعرف إني زعلانه من نفسي اوى عشان مديت أيدي عليك كل ما بفتكر اللحظه دي قلبي بيوجعني بدون سبب و بكره نفسي اوى بس بحبك اكتر لأنك مفكرتش ساعتها تمد ايديك عليا اللى انت عملته قمه الرجوله وكل يوم بتكبر فى نظري عن اليوم اللى قبله.. انا كنت غبيه جدا لما عملت الحركه دي .. أسفه أسفه أسفه متزعلش مني يا احلى آدم ربنا خلقه فى الدنيا كلها . ايديك طلعت حياه أتنين من البشر للحياه وكنت السبب فى وجودهم معانا فى الدنيا .. روحلهم وخد منهم اللغز الجديد :) بحبك فوق ما تتصور يالا حل اللغز بسرعه عشان هتوحشني:))