العنيده المتمرده
الفصل 13 (2)
الجزء الثاني
بقلم الكاتبه/ ريناد بلال
عجبني جدا تفاعلكوا مع نص الفصل اللي فات وعشان كده وهديه مني ليكوا كبرت نص الفصل ده ومتاكده انه هيعجبكوا جدا 🖤 المهم لاحظت ان معظم الكومنتس في الفصل اللي فات عباره عن
( حلو ... جميل .. تحفه .. روعه .. كملي )
انا عارفه ان الروايه جميله وكل حاجه بس انا برضو عايزاكوا تتناقشوا في أحداث الفصل بجانب كلامكوا القمر اللي مقدرش استغني عنوا 🖤
شكر خاص لصديقتي اسراء حسن على تشجعيها الدائم ليا بحبك جدا يا My Sweata 🖤
*******************
صحيت من نومها وهي مفزوعه وعماله بتنهج جامد
و مراد كان جنبها لحظه ب لحظه عشان يهدي فيها و يشربها مايه و يطبطب عليها ويمسح على شعرها بأيديه ..
مراد:- بس بس اهدي يا حبيبتي !!
فضلت في حضنه وقت طويل لحد ما هديت خالص !!
مراد:- شوفتي ايه ؟؟
فريده:- شوفت
حست انها لو حكت لمراد هيعرف عبد الحميد
.. و عبد الحميد هيعرف آدم .. وآدم هيخليها تتدخل المصحه تتعالج فقررت تحتفظ باللي شافته لنفسها .
فريده:- كابوس مش اكتر .. هي الساعه كام دلوقتي
مراد:- فريده !!
فريده:- مفيش حاجه حصلت يا مراد متقلقش .
مراد بقلق:- انتي كويسه !!
فريده:- بحاول اكون كويسه .. عايزه اشم شويه هواء هنا خنقه اووي !!
نزلت من على السرير بسرعه وقالت:- نام يا مراد انت طول الليل سهران جنبي ..
مراد:- يجيلي نوم ازاى وانتي كده !!
وهي في طريقها للباب:- هفضل طول عمري كده للأسف لو كل مره انت هتفضل صاحي يبقي عمرك ما هترتاح ..
ولسه هتفتح الباب و تتطلع بره مراد فاجئها وقال:- ليه منزلتيش من العربيه !!
وقفت مكانها وهو كمل:- ليه محاولتيش تعرفي هما مين !! ليه كنتي ضعيفه و قليله الحيله !!
ليه منزلتيش يا بنتي ليه !!
كنتي واقفه بس تتفرجي يا فريده !!
بصت لمراد بحزن وهو فتحلها ايديه فجريت عليه وخدتته بالحضن !!
مراد:- بتعيطي ليه يا حبيبتي !! مكنش في ايديك حاجه تعمليها .. مزعله نفسك وبتقهري فيها ليه !!
بعدها عنه و مسحلها دموعها وغسلها وشها بمايه من جنبه و نشفه كمان "
وهي كل اللي عليها تبصله بتأثر و تتأمل ملامحه
فريده:- انا مش عايزه اروح المصحه انا كويسه مش مجنونه يا مراد !!
مراد:- ايه اللي جاب سيره المصحه دلوقتي !!
أنت تقرأ
العنيده المتمرده
Romanceعشقت تلك المتمرده التى تخطت كل الحدود وسرقت قلبي ! حطمت كل الجدران المحاطه بي لأقع بحبها وهى لا تدرى ماذا تفعل ! جعلتنى مثل المجنون أُتيم بها ،، سحرتنى ببحر عيونها الزرقاء التي تشبه المحيط ،، جعلتنى مثل العاشق المتيم بجمال روحها العنيده ! تفاجئت بإ...
