العنيده المتمرده
الجزء الثاني
الفصل 10
بقلم الكاتبه / ريناد بلال
الاجابه الصحيحه هي مصطفي هعلن عن اسم الفائزين اخر الفصل 💜 خد بقي نفس عميق كده عشان تستعد للملحمه اللى انت داخل عليها 🙂🖤
*****************
كل حاجه بدأت تروح !! مفيش نور !! الضلمه بقت الوضع السائد فى عينيها !! وفجأه اليوم المشئوم ظهر قدامها بكل ملامحه /
ليلى بزعيق:- جبتي العروسه دي منين !!
ليليان بخوف:- ب بابا هو اللى جبهالى .. انتي ناسيه ان هو خدني خرجني ؟ واحنا خارجين بقي جبلي العروسه دي هديه .
ليلى:- طب و الجاكيت الاسمر بتاع مين .. و هدومك متقطعه كده ليه !!
ليليان بتوتر:- اتقطع غصب عني ففى واحد قالى خدي ده البسيه عشان الدنيا ساقعه بس يا ماما ده كل اللى حصل "
ليلى اتجهت لليليان بعصبيه و ضربتها على ضهرها بغضب شديد:- كدابة .. هو انتي مفكره لما تكدبي مش هعرف .. بتكدبي عليا ليه هاا !!
ليليان متاثرتش اووى لانها متعوده على المعامله دي من ليلى !!
ليليان ببرود:- ضهري وجعني على فكره .
ليلى:- تستاهلى عشان كدابة !!
ليليان:- طيب ماشي انا كدابة هدخل انام بقي .
ليلى:- استني عندك .. قولى الحقيقه الأول .
ليليان:- فى واحده ضربتني و قطعتلى هدومي .
ليلى:- وانتي عملتي ايه ؟؟
ليليان:- معملتش حاجه ابن عمها هو اللى زعقلها
سكتت للحظه لما افتكرت اللى عمله عشانها فكملت بابتسامة:- وطبطبب عليا وقالى متزعليش
و الجاكيت بتاعه لبسهوني !! و جابلي الهديه دي عشان يخليني اضحك !!
ليلى:- اسمه ايه الولد ده ؟!
ليليان بتفكير:- هاا !! مش فاكره هو قالى بس انا نسيت ..
وفى ثانيه نطت من الفرحه:- ايوه ايوه افتكرت هو عنده 14 سنه اكبر مني ب 7 سنين بس يا ماما .
ليلى باستغراب:- قصدك ايه ؟!
ليليان بضحكه طفوليه:- يعني لما نتجوز مش هنبقي اكبر من بعد بكتير .. احنا كده حلوين اووي
ليلى:- تتجوزا ازاي يعني ؟!
ليليان ابتسمت ببراءة:- هنتجوز لما نكبر بس احنا لسه محبناش بعض .. هو وعدني لما نشوف بعض تاني هيحبني وانا كمان هحبه اووى :))))
وبكل عصبيه مسكت ليليان من شعرها و ضربتها بالقلم و ليليان من صدمتها منطقتش .
ليلي بزعيق:- لحد امتي هتفضلى هبله و عبيطه و بتصدقي كلام كل الناس اى حد يقدر يضحك عليكي بكلمتين !!
ليليان:- يا ماما ا
قاطعتها:- يا ساسجتك يا شيخه .. انتي ليه مبتسمعيش الكلام؟؟ 100 مره قولتلك تبقي قويه و تبطلى ضعف !!
أنت تقرأ
العنيده المتمرده
Romanceعشقت تلك المتمرده التى تخطت كل الحدود وسرقت قلبي ! حطمت كل الجدران المحاطه بي لأقع بحبها وهى لا تدرى ماذا تفعل ! جعلتنى مثل المجنون أُتيم بها ،، سحرتنى ببحر عيونها الزرقاء التي تشبه المحيط ،، جعلتنى مثل العاشق المتيم بجمال روحها العنيده ! تفاجئت بإ...
