العنيده المتمرده

الي أحبائي الأعزاء ❤️🌝

ازيكوا عاملين ايه كلمه وحشتوني قليله جدااا على اللي انا حاسه بيه دلوقتي .. معرفش مين ممكن يشوف النوتفيكشن دي .. معرفش عدد الناس اللي لسه مستنيه العنيده المتمرده ترجع .. معرفش مين نسي الروايه ومين منساش .. اي كان كل ده مش مهم اللي يهمني دلوقتي اني اطمن عليكوا لانكوا فعلا وحشتوني ♥️

كنت قاعده مع حد من صحابي وكنا بنتكلم عن الروايه واني لازم أكملها عشان اكيد الناس بعد الفتره دي كلها مش هيبقوا فاكرين الروايه واني هخسر الفانز بتوع آدم وفريده و الحقيقه الكلام أثر فيا جداا ومبقتش عارفه إذا كان الكلام ده صح ولا غلط .. كل اللي قولته ان آدم و فريده ميتنسوش ابدا .

بس انا برضو قلقت من كلامها عارفة انها معاها حق في بعض الأمور بس انتوا عارفين ان الامر خارج عن ارادتي .. بالظبط 3 شهور وكل حاجه هترجع احسن من الاول وان شاء الله ارجع وانا معايا كليه كويسه بإذن الله وتفرحوا بيا .. وتقولوا كاتبه العنيده المتمرده بقت في كذه علي حسب بقي اللي ربنا هيرزقنا بيه ساعتها 😂♥️

معرفش بعد ال 3 شهور دول الروايه هتبقي كتاب ببقيت الأجزاء كلها او هتنزل تاني واتباد .. لان الدار اللي كنت هوقع معاها متفقناش في بعض الأمور فانسجبت تماما وفي بعدها كذه دار عرضت عليا بس الفكره ان هدفي اكبر من كده انا عايزه دار كبيره أعمالها معروفه في كل مكان تقدر تعمل تسويق محترم للروايه وفي نفس الوقت تبقي علي مستوي محافظات مصر كلها وكمان تبقي بتوزع خارج مصر لان الحمد لله عندي عدد كبير من المتابعين بره مصر .. ف اللي يعرف دار فيها المواصفات اللي قولت عليها ياريت يقول في الكومنتس ..

وممكن جداا عن قريب الروايه تبقي مسلسل والحقيقه مكنتش متوقعه حاجه زي ديه بس اهوو اديني هحاول مع كذه مخرج ولما اقدر اتواصل فعلا بشكل رسمي هعرض عليهم الروايه ك سكريبت ونسأل الله التساهيل 😂♥️

اللي مش عارفة اتخيلوا آدم وفريده مين ممكن يمثل ادورهم لان زي ما انتوا عارفين انا كنت قايله كل واحد وخياله مفرضتش شخصيات و حطيتها .. لا قولتلك انت وخيالك تقدر تتصورهم بشكل اللي انت عايزه ..

ولو فعلا بقت مسلسل مين يقدر يمثل الأدوار اللي في الروايه ياريت تقوليلي لان رايكوا مهم جداا بالنسبالي ♥️

اخر حاجه عايزه اقولها ان من بعد ما بعدت عن الكتابة وانا مش عارفه اعيش حياتي من تاني .. آدم و فريده كانوا مديين لحياتي لذاذه غير متصوره .. كانت حياتي لذيذة و ممتعه بشكل مش متصور دلوقتي وبكل معني الكلمه اقدر اقولكوا اني حاسه بالغربه في حياتي وديما في حاجه نقصاني .. مع اني عايشه فترات حياتي بكل اريحيه وبتعرف علي شخصيات مهمه و جديدة وبحقق نجاحات بس برضو في حاجه جوايا ناقصه ..

اقولكوا ليه حاسه بالغربه لاني كنت بعتبركوا عائلتي الجميلة اللي ديما بيشجوعني ورافعين لي معنوياتي .. والناس اللي كانت بتتضايق من التأخير بيفكروني بوالدتي وهي ديما بتزعق علي اني مهمله ومش بتلزم بمواعيدي 😂 دي أكبر مشكلة عندي علي فكره مش بس الكتابه انا كمان في حياتي العملية عموما ديما متأخره علي اي معاد وده ديما بقع في مشاكل بسبب كده 😂

حقيقي معرفش بقول ليه كل الكلام ده بس انا مفتقدكوا و مفتقده كلاكموا جدااا .. بقالي يومين فاتحه الروايه و بقرأ فيها مش في كل الفصول .. اللي بيجي في أيدي بقراه علطول من كل حته شويه .. وكل شويه في فصل مختلف .

حاجه اخيره عايزه اكد عليها لان في آخر كلامي معاكوا قولت اني هنزل كتاب عدد كبير جداا فضل يقول ان مش هقدر اشتري الكتاب ومش هقدر اوصله .. معلش يا جماعه طب انتوا لما تقولوا كده انا هيبقي موقفي ايه ؟؟ طب تعرفوا اني مرضتش اطبع الكتاب واكمل توقيع العقد بسبب ان الدار كانت عايزه تعلي سعر الكتاب عن السعر المتفق عليه من البدايه .. انا في الأول وفي الاخر تفرق معايا مصلحتكوا انتوا .. الدار اللي هتفق معاها هتوصل الكتاب لكل مكان في مصر حتي الصعيد وبرة مصر كمان فمفيش حاجة مستحيله يا شباب فبلاش كلام من ده تاني لو سمحتوا

وعشان مطولش عليكوا و تزهقوا لازم اوجهه بخالص الشكر لعدد من أصحابي الأعزاء اللي ديما بيكلموني علي الروايه و علطول بيكلموني عن آدم وفريده .

من فتره فتحت واتباد وشوفت عدد من الكومنتس الجميلة جداا عن الروايه وكان من ضمنهم دي

عايزه اقولك يا ملك ان المسدج دي فرحتني جداا وحقيقي شكرا ليكي ❤️

رساله وصلتني علي صراحه مجهوله المصدر بشكر اللي بعتها من كل قلبي ♥️

واخيرا عايزه اشكر سما و شيري لأنهم ديما بيدعموني و بيفكروني بالروايه
و طاهر اللي نفسه الروايه تنزل من تاني وكل ما يشوفني بيفضلي يكلمني عن آدم و فريده وقد ايه بيحبهم .

اخيرا هقولكوا باي ولو لاقيت ناس كتيره لسه موجوده هنزلكوا كل فتره اقتباس عن الروايه سلام أحبائي في الله ❤️