العنيده المتمرده

وجهه نظر للتناقش

وحشتتتتتوني بدون مبالغه وحشتوني ❤️❤️ الحمد لله كابوس الامتحانات خلص وناقص ان الواحد ينجح وبكده اكون تمام اووووي 😂😂 وبشكر اى حد سئل و اطمن عليا وقت الامتحانات وكمان اللى كانوا متابعين و اول ما خلصت سالوا علي آلروايه حقيقي شكرا جدا وحبي ليكوا زاد جدا جدا 💙

آدم و فريده وحشوكوا ولا نسيتوهم لو هما مش وحشوكوا انتوا وحشتوهم جدااااااا .. ان شاء الله وبدون مقاطعه الفصل هينزل بكره او اول ما اخلصه  بس متقلوقوش عامله مفاجأه ليكوا فى الفصل إنما ايه جامده 🌸

ندخل فى المهم من فترة فى بعض التعليقات السلبيه وصلتني من واحده بتقرا الروايه كانت عباره عن ان علاقه آدم ب فريده كلها محن وتخلف وان قرائتها للروايه توجع البطن وان الاحداث فيها افوره جامده !!

وحاولت بقدر الإمكان ارد عليها بثبات من غير ما افتعل اى مشكله معاها برغم غضبي من كلامها . وساعتها كان ردي واضح وصريح
* طالما مش عاجبك المحن متقرايش كفايه عليكي وجع بطن *
واكدت عليها تبطل تقرالى اى حاجه !! وعرفتها ان معندهاش الخلفيه الكافيه للقراءه او بمعني أصح معندهاش القدره على فهم الاحداث كويس

عارفين ليه قولتلها كده / لان كلامها كان عباره عن سخريه و تنمر !! يرات انتقادها كان نقد بناء بالعكس ده كان حاجه فى منتهي الا وعي !! حاجه في منهتي قله الذوق "

ليه فى منتهي الا وعي وليه معندهاش الخلفيه الكافيه لقراءه روايتنا / لان الروايه فيها صغرات و أحداث و الألغاز من النادر ان حد يفسرها وكل كلمه بتبقي مكتوبه بحساب لان بيكون وراها مغزي ضمني !! وده انتوا اكيد عارفينوا من اول الروايه في أسرار كتيره لسه مبقتش واضحه !!

طبعا لما شافت ردي معجبهاش ازاى انا اقولها متقرايش الروايه تاني .
فردت عليا وقالت / إن الروايه فيها أخطاء وان فى حاجات كتير مش عاجبها وان انا لازم اقراء لكتاب كبار عشان افهم قصدها وافهم الحياه الرومانسية عامله ازاى !!
بذمتكوا مش حاجه تتضحك 😂😅 وربي من ساعتها ما بطلت ضحك على كلامها .

انا اسكت لا طبعا اتكلمت كتير بس فى الاخر قولتلها عرفيني الاحداث المافوره اللى انتي شايفها عشان اعرف هي بتتكلم عن ايه بالظبط .. كتبتلى كتير وانا المفروض ارد عليها دلوقتى بس عايزاكوا انتوا كمان تكتبولي فى التعليقات ايه الحاجات اللى مش عاجبكوا فى الروايه و تتناقشوا معايا كده .. اتكلموا عادي يا جماعة وبلاش تبقوا مكسوفين وانتوا ببتكلموا و تحطوا اى حدود بينا .. وكمان تتناقشوا معايا اذا كان كلامي صح ولا مقتنعتوش بيه  .

1- هو فى أصحاب رجاله بيقولوا لبعض بحبك اوي

ردي:- ايوه طبعا فى دي مش حاجه خارقه عن قوانين الطبيعه .. هو الحب بيبقي ما بين واحد واحده بس هو الحب مينفعش يبقي ما بين اتنين صحاب اذا كان رجاله او ستات .. مبتحبوش صحابكوا كأنهم أعظم انتصارتكوا .. مين قال ان مفيش صحاب ولااااد مبيقولوش لبعض بحبك .. أسهل حاجه ممكن تعمليها ادخلى فيس اى حد من قرايبك و شوفي التعليقات
( بحبك ياسطا او يا باشا او يا صاحبي ) الكلمه الدارجه بين اى اتنين صحاب او اخوات + الناس مش هتقول لبعض بحبك قدام الخلق .. الرجاله مش هتمشي فى الشارع وتقول لبعض بحبك او حتي الستات .. انا مثلا مبقولش لحد من صحابي بحبك الا اذا كان يستحق الكلمه دي .