" الفصل 19 الجزء الثانى "
مصطفى بسخرية:- بدأت تزهق !! ده انت بتتمنى تسمع اسمها ؟! بتحب اوى تقعد تتكلم عليها !!
ديه لو بعدتت عنك ساعه بتتجنن عشان تشوفها !! مجرد ذكر اسمها بيخلى قلبك يطير من الفرح ومش كده وبس ده فى حاجات تانيه كتيره جدا تحب اقولهالك ؟!
آدم:- لا شكرا كفايه كده . خد بقى المعلومه الاضافيه ديه كل اللى انت قولته ده كان زمان إنما دلوقتى مفيش حاجه اسمها فريده فى حياتى .
مصطفى:- هتندم يا آدم على انت عملته معاها !! شويه وقت وكل حاجه هتبان !
آدم :- مش هندم على حاجه صح يا مصطفى .
اللى عملته كان صح ! اللى قولته ليها كان صح ! بعدى عنها هو الصح "
مصطفى:- كل حاجه قولتها كانت من وراء قلبك !!
عملت كده عشان تكسرها وفعلا حصل فريده انكسر قلبها وانت السبب .. كانت هتقولك على كل حاجه وانت مديتهاش فرصه ولما تعرف الحقيقه هتتمنى الزمن يرجع بيك !!
آدم:- فريده مكنش عندها حاجه تقولها هى بس كانت هدافع عن نفسها وأنا منعتها عشان أخلص كلامى للآخر و بعدين حقيقه ايه اللى أعرفها !؟ انا أكتر حقيقيه متأكد منها انها عمرها ما حبتنى نص الحب اللى كان فى قلبي ليها !:^
مصطفى:- يبقى انت مش عارف فريده كويس !! كلمه بحبك مش لازم تتقال عشان تثبت حبها ! ملاحظتش من تصرفاتها !! ملاحظتش نظره عينيها ليك بتبقى عامله ازاى !! غيرتها لما بتكون اى بنت جنبك برده ملاحظتهاش !! خوفها عليك وانت تعبان ده يسمى ايه !! فريده بطبيعتها مبتحبش حد يدخل حياتها فجأه وانت دخلتها بسرعه البرق .. ومع ذلك مرفضتش دخولك و
قاطعه بقوه:- مرفضتش دخولى !! أنت بتكلم جد !!
ده انا من أول يوم شوفتها فيه و هى رافضه وجودى كام مره قالتلى بكرهك ومش عايزه أشوفك وانا كنت بستحمل و اعمل كل حاجه عشان تحبنى وفى الآخر لاقيتها بعتالى مع جلال تقولى انا مش عايزه أشوفك تانى !! قولى يا مصطفى انا عملتلها ايه عشان تعمل فيا كده !! كل ده عشان حبيتها !! انا غلطان فى حقها انا اسف عشان حبيتها .. قلبي هو اللى أختار وغلطتى انى مشيت وراه .. مش هو اللى أختار يبقى لازم يستحمل غلطه و دلوقتى هو بيتعصر جوه من الألم !
مصطفى بحزن:- مش عارف أقف مع مين !! انتوا الاتنين عندكوا العذر و السبب الكافى اللى يخلي كل واحد فيكوا عنده حق فى تصرفاته !! مفيش حد فيكو غلطان هى تراكمات و اتبنت فوق بعضها لحد ما خلتك مش قادر تستحمل و هى عنيده لدرجه انها كابرتت عن حبها ليك "
آدم:- فريده محبتنيش '
مصطفى:- حبتك يا آدم محبتش حد فى حياتها قدك "
آدم:- ايه الإثبات ؟! ايه الدليل !!
مصطفى:- موجودين بس انت اللى مش عايز تشوف حاجه بعنيك انت عايز تسمع الكلمه اللى هتخليك تستريح ..مش كده ؟؟"
أنت تقرأ
العنيده المتمرده
Romanceعشقت تلك المتمرده التى تخطت كل الحدود وسرقت قلبي ! حطمت كل الجدران المحاطه بي لأقع بحبها وهى لا تدرى ماذا تفعل ! جعلتنى مثل المجنون أُتيم بها ،، سحرتنى ببحر عيونها الزرقاء التي تشبه المحيط ،، جعلتنى مثل العاشق المتيم بجمال روحها العنيده ! تفاجئت بإ...
