انا لاحظت في الكومنتس الاخير بعد التطاول عشان التأخير وده حقيقي زعلني بس بما انكوا مش عارفين ظروفي لازم أوضح وانا متأكده انكوا حبايبي هتتفهموا .. انا ثانويه عامه السنادي ومش اي ثانويه دي تابلت و حوارات وحاجة كده مش انسان بيتحملها ده غير اني ذات نفسي بفقد شغفي في الحياه مره في مره مستقبلي بيضيع بسبب نظام فاشل جداا ده مبدئيا .
بعضكوا معتقد اني قاعدة في البيت لا بيا ولا عليا محدش فاهم اني بنزل من بيتي كل يوم 8 الصبح برجع 6 بليل كل يوم بنفس المنظر وقسما بالله مش بمسك الفون الا بس عشان جروبات الدروس
فكل حاجة بتتقفل قدامي حتي المذاكره مفيش من كتر اللف طول النهار برجع انام واصحي الصبح تاني يوم مش فاكره حاجة الموضوع صعب جداا
الكتابه في وقت زي ده صعب طبعا بس انا بدأت اظبط جدولي و هيبدأ اليوم يتظبط ويبقي في وقت فراغ ف هعرف أوفق بين الدروس و المذاكره و الكتابه .
مش هعمل كده لوحدي بمساعدتكوا طبعا كل حاجه هتتيسر .. هفهمكوا ازاى !
الرواية فاضل فيها بالظبط 5 فصول بس الفصل الواحد مليان أحداث و كشف أسرار من الماضي و مغامرات وآدم وفريدة حكايتهم مشوقة و جميله عشان كده بأخد وقت في الكتابه بس بما اني ظبط الجدول كل حاجه هتتحل بإذن الله تعالى ❤️
انا من رأي ننزل بشكل أسبوعي نثبت يوم وانزل فيه بشكل مستمر لو خلصت الفصل قبل اليوم اللي متفقه عليه انزله . ايه رايكوا في يوم الجمعه الساعه 8 بليل نثبت اليوم ده وننزل فيه لحد ما ال 5 فصول يخلصوا .
اه صحيح اي حد بعد كده هيتطاول بالكلام هيزعل مني جامد المهزله اللي بتحصل عشان التأخير مش هسمح بيها تاني .. انا عارفه انكوا بتتضايقوا بس غصب عني بتأسف للمره المليون
اتمني منكم تتفهموا كلامي .. عارفة اني زهقتكوا بيها بش لازم اقولها عشان هي طالعه من قلبي بحبكوا جدااا انتم عائلتي الجميله اللي بتغمرني بحبها و كلامها اللي زي القمر ❤️
اخر حاجه هقولها ان العنيده المتمرده مش آخر رواية لا بالعكس .. انا بس اخلص السنادي و هتشوفوا روايات كلها افكار جديدة واحداث مش متوقعه وانتوا تشهدوا على ده و هتشوفوا بنفسكوا بعدين ❤️
بحبكوا تاني + الفصل هينزل بكره في المعاد اللي اتفقنا عليه 😉❤️
أنت تقرأ
العنيده المتمرده
Lãng mạnعشقت تلك المتمرده التى تخطت كل الحدود وسرقت قلبي ! حطمت كل الجدران المحاطه بي لأقع بحبها وهى لا تدرى ماذا تفعل ! جعلتنى مثل المجنون أُتيم بها ،، سحرتنى ببحر عيونها الزرقاء التي تشبه المحيط ،، جعلتنى مثل العاشق المتيم بجمال روحها العنيده ! تفاجئت بإ...
