العنيده المتمرده
الفصل الفصل 8
الجزء الثاني
بقلم الكاتبه / ريناد بلال
ليه اتاخرت اووى كده !! عندي اكتئاب شديد وتعب أشد ومنهم بطلت اكتب عدة ايام بس الحمد لله بحاول اتخلص منه ب اى طريقه والدراسه برده واخد وقت كبير + الفصل هينزل يوم فى الاسبوع ولكن الفصل الجديد هينزل يوم الاربع بإذن الله من غير مقاطعه ❤️
لكل اللى بيقولوا رد فعل آدم اوفر وانه اللى عمله غلط تعالوا نتخيل لو انتي واقفه مع واحده صحبتك وحبيبك او خطيبك او جوزك اي كان .. وقف و اتكلم قدام صحبتك بأسلوب مش كويس و هزئقها وشتمها بدون اي سبب ولما تسأليه يقولك اصل انا محبتهاش ساعتها هيكون رد فعلك ايه ؟؟
و آدم راجل مش ست و عصبيته وارده فى موقف زي ده !! بغض النظر اذا كان احساس فريده صح ولا لا وده هنعرفه بعدين بس مينفعش انه يسكت كان لازم ياخد موقف !!
******************
طلعوا على الشجر و قعدوا على غصن قوي و جبلها توت وبقي هو اللى بياكلها بايديه وهو مستمتع جدا
وبعد فتره اتفاجا ب فريده بتقوم تقف وبكل توتر قالت:- آدم انا عايزه اقولك على حاجة مهمة !! مش عارفه هتصدقني ولا لا بس انا هقولك وخلاص ؟!
آدم باستغراب:- فى ايه يا بنتي ؟!
فريده وهي بتفرك فى ايديها من التوتر:- ا انا انا لي
آدم بضحكه:- انتي انتي انتي ايه ؟!
فريده:- انا بتكلم فى حاجه مهمه وانت بتهزر
آدم:- فين المهم فى اللى انتي قولتيه لحد دلوقتي !!
فريده:- منا مش عارفه اتكلم !!
آدم أبتسم:- متوترة ؟؟
فريده:- جدا !!!
آدم قام و مسك ايديها بحنية وقال:- طب تعالى اقعدي ..
وقعدها على الغصن من تاني
وبعد كده كمل كلامه بابتسامة وحنيه اكتر :-
و اهدي وخدي نفسك كده الأول وبعد كده اتكلمي
وبالفعل سمعت كلامه وهديت تماما لحد ما بدأت تفكر بالعقل !!
:- هتقوليلوا ازاى وانتي معندكيش دليل !!
فريده:- دليل !! آدم مش محتاج دليل عشان يصدقني .. انا هقوله الحقيقه وبس "
:- هيصدقك ازاى ؟؟ فكرك مثلا لما تروحي تقوليلوا
انا لى لى اللى كنت بتتكلم عنها امبارح مع مصطفي و عمر هيصدق ؟!
فريده:- وايه المشكله ؟؟ مش هيحصل حاجه ؟!
انا هقوله على اللى حلمت بيه وبعد كده
:- مفيش بعد كده مش هيصدق .. انتي ناسيه انه حكي ل مصطفي و عمر مواقف انتي محلمتيش بيها ولا تعرفيها اصلا !! هتواجيهه ازاى لما يقولك مش مصدق ،، انتي كذابه !!
فريده:- بس انا مش كذابه !! آدم لازم يعرف أن
انا لى لى مش معقول هفضل مخبيه كده كتير !!
أنت تقرأ
العنيده المتمرده
Romantizmعشقت تلك المتمرده التى تخطت كل الحدود وسرقت قلبي ! حطمت كل الجدران المحاطه بي لأقع بحبها وهى لا تدرى ماذا تفعل ! جعلتنى مثل المجنون أُتيم بها ،، سحرتنى ببحر عيونها الزرقاء التي تشبه المحيط ،، جعلتنى مثل العاشق المتيم بجمال روحها العنيده ! تفاجئت بإ...
