العنيده المتمرده
الفصل 5
فريده و نور دخلوا الملجأ وفى بنت اول ما شافت فريده قالت بأعلى صوتها :- فريده جيت فريده جيت
و راحت جريت عليها واول ما شافت فريده بتغمزلها . فهمت هى قصدها ايه وقبل ما تروح لفريده اتجهت لنور وقالتلها :-
(انتى اختى الجديده) .. وراحت باستها من وجهها وحضنتها ...وقالت :- هتحبينا اوى
نور اول ما شافت اللى عملته البنت بدأت تطمن للمكان و ارتاحت جدا وحبيت المكان لما لاقت كل البنات عملوا نفس اللى عملته البنت اللى سلمت على نور فى الأول .
وبعد ما سلموا على نور اتجهوا لفريده فورا وكأنهم شافوا ملاك وعاملين يبوسها و يحضنوا فيها جامد
فريده بضحكه رنانه جعلت كل من حولها يضحك على جمالها وهى تضحك .
فريده بضحكه :- تعالى يا داده الحقينى البنات هتاكلنى النهارده على الغداء .
داده فاطمه :- يا رب يا فريده الاقيكى بتضحكى كده علطول.. ولا أنا عارفاكى ملاقيش بتضحكى إلا مع البنات و العيال الصغيره . إنما باقى ناس ضاربه بوز وعامله فيها راجل على خلق الله كلها .... يا بنتى يا حبيبتى انتى مش بتشوفى ضحكتك عامله ازاى .
ده انتى بتخلى الدنيا تضحك .
فريده :- طب سلمى عليا الأول وبعد كده ادينى طريحه كل مره .... فى ايه يا داده كل مره نفس الكلام . مفيش جديد ؟؟ غيري طيب .
داده فاطمه:- قصدك انى واحده ممله . تشكرى يا بنت عايده "
فريده بابتسامة:- هو انا أقدر اقول كده ل ست الكل وملاكى اللى مقدرش أعيش من غيرها . ده انتى الخير والبركه يا فاطمه "
و راحت عليها وباستها من دماغها .
داده فاطمه :- كل مره هتضحكى عليا بكلمتين وانا بصدقك ..اعمل ايه يا روحى .مقدرش ازعل منك مهما عملتى ومهما قولتى . ده انتى بنتى يا فريده . بنتى اللى مربيها .
فريده بابتسامة :- خلاص بقى يا فاطمه بقى.
هنعيط واحنا واقفين .. البنات أكلوا ولا لسه ؟؟
داده فاطمه :- تعالى اقعدى معاهم لأحسن كل واحده فيهم مشغولة بحاجه شكل ومش عايزين يأكلوا .. بس الأول مين القمر اللى معاكى ديه؟؟
فريده:- ديه نور يا داده هتعيش هنا علطول ...
من النهارده ده بيتها الجديد .. تعالى يا نور سلمى على داده فاطمه .. داده فاطمه بقى يا ستى تبقى مامتك الجديده .
نور راحت وسلمت عليها وفاطمه خدتتها فى حضنها وباستها وقالت:-اسمك جميل اوى يا نور ... تعالى بقى أما وريكى سريرك و أوضتك اللى مع اخواتك .
نور راحت مع فاطمه وكل البنات مرحبين بنور جدا وفريدة مبسوطه جدا بتربيتها للبنات .
فريده معلمه البنات ان اى حد جديد يجى لازم الكل يرحب بيه ويحبه لأنهم هنا كلهم اخوات ومفيش حد أعلى من التانى.كلهم زى بعضهم ..ب عد الترحبيات ب نور ..فريده جمعت الكل على سفره واحده كبيره
أنت تقرأ
العنيده المتمرده
Romanceعشقت تلك المتمرده التى تخطت كل الحدود وسرقت قلبي ! حطمت كل الجدران المحاطه بي لأقع بحبها وهى لا تدرى ماذا تفعل ! جعلتنى مثل المجنون أُتيم بها ،، سحرتنى ببحر عيونها الزرقاء التي تشبه المحيط ،، جعلتنى مثل العاشق المتيم بجمال روحها العنيده ! تفاجئت بإ...
