العنيده المتمرده

العنيده المتمرده 12

الفصل 12
(لايك و متابعه)

"بعد مرور يومان على نفس حاله آدم و فريده "

(فى مكتب مراد )

مراد:- اتفضل يا سيادة اللوا انت لسه واقف على الباب

اللوا جلال:- يزيد فضلك يا دكتور مراد كلك ذوق
...بس انت بتقولى سياده اللوا ليه احنا مش خلاص بقينا أصحاب :)

مراد بابتسامه:- عندك حق بلاش رسميات ...أنت جاى عشان تعرف آدم اخباره ايه"

جلال:- .انا خايف و قلقان عليه ده بقاله يومين يا مراد المفروض يقوم من فتره "

مراد:- دلوقتى هو وضعه مستقر عن الأول مش محتاج القلق هو بيقوم بس مش حاسس بحد حواليه بيفتح عينه ويرجع ينام "

جلال:- هو ده من تأثير البنج ؟؟؟؟

مراد:- تأثير البنج راح من فتره مش عارف افسرلك ازاى . ده تقريبا تأثير صدمه عليه " اقصد أن فى حاجه جواه جعلته رافض يقوم من النوم "

جلال:- يعنى آدم دلوقتى فى غيبوبة؟!

مراد:- لا لا هو فى حاله اضطراب نفسي هو رافض من جواه أن هو يقوم ومع ذلك هو بيفتح عينيه بس مش حاسس باللى حواليه "

جلال:- آدم طول عمره بيحب الفرح وديما سعيد فى حياته ومفيش حاجه اسمها تعاسه فى دنيته.. ايه بقى اللى يخليه عنده اضطراب نفسي او فى حاجه مضايقه ... بس هو سافر فى اجازه قبل المهمه ممكن يكون حصل حاجه زعلته فيها"

مراد جواه:- وطبعا بنتى هى السبب..صاحبه المشاكل
..وبعد كده قال:- يمكن الله أعلم عموما هو هنا ب نراعيه احسن رعايه ومهتمين بكل حاجه تخصه واللى مشرفه على ده فريده بنفسها "

جلال:- أيوه فعلا انا ملاحظ ده... هى من ساعه العمليه متحركتش من جنبه "

مراد:- فريده و آدم اصحاب ويعرفوا بعض عشان كده هى مهتميه بيه"

جلال:- سألت مصطفى هو قال نفس الكلام....واضح ان علاقتهم ببعض متينه اوى "

مراد بضحكه:- متينه!!!!!! تعالى شوفهم وهما بيتخانقوا هتعرف العلاقه المتينه فعلا......

جلال:- اللى عملته فريده واللى لسه بتعمله بيقول أن علاقتهم كويسه...وحقيقى يرجع الفضل لفريده بعد ربنا فى ان آدم بقى كويس "

مراد:- فريده عملت واجبها ك دكتوره وخصوصا لو كان صديق عزيز عليها كان لازم تعمل اكتر من كده .... واللى حصل معجزه و توفيق من عند ربنا
...مريض قلب وياخد رصاصه ويعيش ده شي عظيم جدا"

جلال:- فعلا شئ عظيم... الحمد لله على كل شئ...إنما انا نسيت اقولك بقى على حاجه عملتها الدكتوره بنتك خلتنى بقيت واقف فى نص هدومى...