حكايات العالم التالت

ماكس

زميلي ماكس اختفي من ٦ ايام .. ماكس زميلي في العمل بستلم منه الوردية الصبح .. بس بلاحظ في ماكس انه مبيتكلمش ، منطوي وغريب ! مبيتكلمش مع حد ! اخر مرة شوفته قالي وهو بيترعش الصبح ! .. وليام متيجي نبدل الشيفت ؟ قولتله لا انا ملتزم باسرة ومتزوج مينفعش اخد وردية مسائية ، اتنهد وقالي هشوف شغل تاني اخر الشهر ، سالته بفضول ليه ماكس المدير ضايقك .. بصلي بخزي وهو بيقولي لا وسابني ومشي.. كان اخر  يوم اشوفه في ، من بعدها مجاش الشغل تاني ! المدير اتصل بي من ٦ ايام كان تليفونه مغلق .. اليوم التاني مغلق ، اليوم التالت قولت للمدير علي ان ماكس كان بيفكر يسيب الشغل ..وعشان كده قالي انه هيعمل اعلان لشاب للعمل جديد ، بس الغريب ان الشاب الجديد اتصل ب المدير الساعة ٤ بعد منتصف الليل وقاله انا مش هشتغل وتعالي امسك المحل انا سايبه مفتوح .. المدير اتصل بيا عشان اوصل علي شروق الشمس بقينا يومين مبنفتحش الكافية في الوردية المسائية ، بس الغريب ان امبارح اخو ماكس جه الكافية وهو بيسال عليه ، كنت سامع الحوار مع المدير وهو بيقول .. ماكس مجاش البيت من ٦ ايام ، المدير رد وقاله انا معرفش حاجة عنه لدرجة اني جبت شخص جديد ومشي .. اخو ماكس خرج حزين بس انا فضولي مسابنيش وقررت اني اعرض عليه اني اخد الوردية المسائية ، بقالي يومين في الوردية المسائية مفيش غير زبونين تقريبا  ..اثناء متابعتي دخلت غرفة اللبس كانت خزانة ماكس مقفولة بالقفل ، دورت علي المفاتيح في كل مكان وملقتهاش لحد مقررت اني اكسر القفل ولما كسرته !!.. لقيت في مجلد قديم  !! كانت شبيه للمذكرات مكتوب فيها ..!

١/٢/٢٠٠٣ انا ماكس .. ماكس ادم ، طالب جامعي مش من هنا بصرف علي نفسي ..في روح بطاردني !! اه انا متاكد انها روح شريرة ، انا قررت اكتب كل حاجة هنا بعمل نفسي اني مشغول عشان مبصش عليها !! .. قعدة بتبصلي الساعة في ايدي ٢:٥٥ دقيقة بعد منتصف الليل ، كل يوم بتخش المكان ده .. بتطلب قهوة ومبتشربهاش ، بتقعد تبصلي وبس !! مش عايز افتح معاها كلام ..

.
٢/٢/٢٠٠٣ ..
جت تاني في ميعادها !! .. مش عارف عايزة ايه مني ؟ طلبت قهوة .. ابتسامتها غريبة بتخليك تشعر بالرهبة علي قد ما سنها ميتجاوزش ال ثلاثين !! .. مبتشربش القهوة ! ٣:٠٥ نادت عليا دلوقتي ، بتقولي ماكس !! انا عايزاك .. مش عارف عرفت اسمي منين !! انا مبلبسش النيم تاج ، انا خايف اروحلها !! ..
.
٣/٢/٢٠٠٢
النهاردة انا خايف .. النهاردة لابسة اسود ، ملامحها تجاوزت الثلاثين !! .. بقيت عجوزة بس نفس الملامح ، طلبت قهوة !! ٣:١٥ .. زعقتلي .. بتقولي تعالي اقعد معايا !! .. روحت قعدت وقالتلي كلام غريب .. انها ماتت من ٢٠ سنة في نفس المكان ده ومدفونة هنا !! وانها لو دخلت المكان ٣ مرات انا بقيت بتاعها .. قالتلي انها بتحبني ..!! وروح غير هدوم الشيفت !! وشها اتقلب بطريقة غريبة !! .. انا بكتب وانا خايف !! ..
.
خلصت المذكرات  وانا بترعش .. علي كلمة غريبة خارجة من طربيزة ٤ !! خلصت المذكرات وليام !! .. كانت البنت ال بتيجي بقالها يومين !! كانت لابسة اسود .. مركزتش ازاي انها بتطلب قهوة ؟؟ النهاردة اليوم التالت !! طالبة مني اني اجي اقعد جمبها !! .. ازاي مخدتش بالي ان ماكس طول الوقت ده بيتكلم عنها هي !! ازاي مجمعتش من بدري ..  تليفوني فاصل شبكة وباب الكافية اتقفل !! .. طالبة مني اني اغير هدومي واقعد معاها .. انا مش عايز اروح معاها زي ماكس ..!!