The Slave Playboy (COMPLETED) UNDER EDITING

Chapter 12

Chapter 12

TANGING BUNTONG-HININGA ang ginawa ko habang nakatayo sa harap ng salamin. Papasok ako ngayon sa trabaho at alam ko na sa pagpasok ko ay hindi na si Sir Jam ang boss ko. May halong kaba at saya ngunit alam kong hindi magiging maganda ang araw na ito kaya pinawi ko ang nararamdamang saya.

Umalis na ako sa harap ng salamin matapos kong makita ang ayos ko.

Lumabas ako ng kwarto para pumunta sa kabilang kwarto. Dahan-dahan ko lamang binuksan ang pinto at dahan-dahan lang din akong pumasok. Maingat na humakbang ako na hindi gumagawa ng ingay.

Napangiti ako habang nakatingin sa batang lalake na sj James. Parang anghel na natutulog, habang yakap ang favorite niyang unan na may design ng batman. Love niya ang batman kaya lahat ng makitang may mukha ni batman ay pinapabili niya.

Naupo ako sa gilid niya at hinaplos ko ang maputi at makinis niyang balat. Minsan ko nang pinagsisihan ang lahat ng nagawa ko sa buhay ko ngunit ngayon ay hindi.

Hindi na ako nag-iisa.

Matapos ko siyang kumutan ay tumayo na ako at tahimik na nilisan ang kwarto ni James. Pinagbilinan ko nalang siya sa Yaya niya bago ako umalis dala ang kotseng naiwan na rito sa safety house.

Habang nilalandas ko ang daan patungong company ay iniisip ko ang dapat na gawin ko. Alam kong hindi magiging madali na patunguhan ngayon si Edward. Nung una ng sabihin ni Sir Jam na siya na ang magiging amo ko, masaya ako. Ngunit mula sa huling pag-u-usap namin ay nawala iyon. Doon ko lang napagtanto na hindi pala dapat akong umaasa sa sinasabi ni Edward kapag lasing siya. Kabaliktaran pala.

Nakarating na ako sa company at pinark ko ang kotse sa bakanteng parking slot. Kinuha ko ang bag ko at tsaka ako bumaba. Sinasara ko palang pinto ng may humintong red mercedez sa tabi ng sasakyan ko. Hindi ko na sana papansinin ngunit napatingin ako sa bumaba sa kotse at nakita ko si Edward. Nagkatinginan kami pero ako na ang unang umiwas. Binati ko lang ito bago ako naglakad pauna sa kanya.

Pagkabukas ng elevator ay sumakay ako. Sumakay rin siya. Kami lamang ang tao sa loob ng elevator.

Hindi ako umimik at maging siya. Hindi ko alam kung bakit ngayon lang ako natagalan sa pag-andar ng elevator. Gusto ko nang makalabas dahil hindi ako makahinga.

Biglang nag-ring ang phone ko kaya lihim na bumuga muna ako ng hangin at kinuha sa bag ko ang phone. Tinignan ko ang tumatawag at napangiti nalang ako bago ito sinagot.

"Hi, Baby. How's your sleep?"

(Ma, I miss you..)

Bigla ay lumalamlam ang pakiramdam ko. Almost three years old lang siya pero marunong na siyang magtampo. Alam ko na ginagabi ako ng uwi kaya saglit na oras lang din kami magka-bonding.

"I miss you, too, baby. Don't worry, uuwi ako ng maaga ngayon, okay?"

(Okay. Don't break your promise again.)

Lihim na napabuntong-hininga ako.

"Ofcourse, baby. I love you."

(I love you, too, Ma.)

Napangiti na binaba ko na ang tawag at sinilid sa bag ang phone ko. Napatingin ako kay Edward ng bumukas na ang elevator ay sinuntok niya ang alarm tone nito bago siya lumabas.

Agad na napalabas ako habang nakatingin kay Edward na patungo sa office niya na office ni Sir Jam nung una.

"Anong nangyari?"

Napatingin ako sa maintenance na agad na nagtatakbo patungo rito.

"Nasira ata. Bigla nalang tumunog." pagsisinungaling ko.