الحلقة 5 :
بعد سكات كبير نطقت نورهان باه تكسر هاذ السكات
نورهان : ونتي ذرك ماكيش راح تحكيلي وش صرا
روان : مانيش قادرا ... ديجا حابة نروح ماشكيتش نقدر نكونصونتري مع البروف
نورهان : أأوو الطفلة لي باه تراطي كور واحد قريب تبكي قالت اليوم مانيش قادرة نقرا ... لهاذ الدرجة أثرت عليك الحكاية ؟؟أحكيلي ذرك وش كاين و ماكانش كيفاه تهربي غير أحكي
روان سكتت شوي وقالت: شوفي هاذا أمجد جارنا ملي كنا صغار و انا نحبو و هو ماكانش حاسس بيا صح كان يدور بالبنات بصح كنت علابالي بلي ماوش سيريو كنت نقدر نصبر روحي بصح باه نشوفو مع هاذي لي مانعرف وسمها مشبكين يديهم و جابها بلاصة غالية كيما هاذي ماقدرتش تستوعب
نورهان : أنا هاذ الطفلة نعرفها ... بصح خسارة علييك ماتحكيليش ماديريش فيا ثيقة ولا كيفاه
روان : لالا ميش هك ماجاتش فرصة برك .... وش تعرفي على الطفلة هاذي أنطقي
نورهان : خلينا منها أنا أصلا مانحملهاش نأكدلك على حاجة برك بلي مستحيل يطول معاها كوني هانية راهو ليك
روان : وش قصدك .. شكون هاذي وسمها ...علاه هدرتي هاذ الهدرة عليها ....ماتهبلينيش أحكي وش تعرفي
نورهان : مانعرف إذا لي راح تسمعيه يفرحك ولا يقلقك بصح راح نقولك ... هاذي اسمها مايا و سمعتها سابقتها ديجا البارح كانت مع واحد داسر بزاف و كل مرة مع واحد و المفييد مانعرف كيفاه ديير بصح مايفيقولهاش تلعب بيهم لعب تقرا في الجامعة لغات
روان : ذرك هذا بغل ولا كيفاه دار دار ولقا غير هاذي كون جات خير مني وتستاهلو نقولو نسمح فيه بصح أنا كامل و تعمى عليا وراح لهاذي لي ماتسواش وش بيه هذا
نورهان : ماشتيش لاتاي تاعها و زينها و ماكياجها هاذو كامل ياتيريو واحد مايقدر يقاومها و هذا بلا طريقة هدرتها
روان : ننن مانخليهش يغلط الغلطة هاذي لازم نبهو
نورهان : أنا من عندي أخطاك راهي سوسة خليه يفيق وحدو
روان : لالا كي يفيق روتار راح يندم ...مانيش حابة طفر فيه باه يفيق
نورهان : وش راح نقولك نتي أهدري معاه بصح متانسيستيش بزاف
نورهان كملت راحت للجاميعة و أنا روحت و أنا طالعة في الدروج مروحة للدار نسمع واحد يعيط مورايا
أمجد : وش هاذ المسخرة لي درتيها قدام حبيبتي
روان : آآه حبيبتك مالا شوف ...
أمجد : إيه حبيبتي وش دخلك نتي و كي تقيسيها راكي قستيني أنا و هاذي آخر مرة تسمحي لروحك تحكي معايا بلا رسمية تبالي دسارة بزاف معاك ميش مليحة الغلطة تاعي قيمتك شوي تبزعتي مالقيتيش شكون يلمك
أنت تقرأ
إنتقام القدر
Fanfictionكرونيك جزائري من تأليفي يحكي قصة طفلة حبت صديق الطفولة نتاعها بصح هو ماكانش مهتم بيها و تدخل في حياتو طفلة واحد اخرى و يولي مهبول بيها و هي تحاول دير مشاكل وشنو هي هاذ المشاكل ؟و كيفاه تطور هاذ العلاقة ؟ وين توصل ؟ راح تعرفو هذا و كثر مع الأح...
