الحلقة 24:
كيا كان الحال درنا نهار و رجعنا للبلاد كي وصلت جاني واحد الإحساس غريب بلاك من ريحة البلاد
وصلت للدار و كنت مدايرتها سوربريز ماقتلهمش بلي راني جاية و تفاجؤو بزاف ماما من الشوك ماعرفتش وش تهدر ضحكنا و قسرنا و لعبو مع يوسف ... و يوسف تقول جامي شاف عباد قريب يلسق في البلافو رايح جاي هبلني ماعرفتش كيفاه نكالميه حتان داه فهد و خرجو برا
سعاد : هههه ذرك نورمامون حسيتي بيا
روان : أأ ماما نن أنا ماكنتش هك خلاااص ....هذا بزاف
سعاد : كنت ولا ماكنتيش الأمومة صعيبة
روان : آآ هييه والله عندك الحق ..أأ قوليليوش راهي طاطا سليمة؟
سعاد : إيي يا حليلها هاذيك
روان : علا وش بيها
سليمة : الهم مرضها راهي فراش
روان : أوو ..وش صرا
سليمة : قولي وش ماصراش ...هاذيك مرت أمجد أأ
روان : مايا
سليمة : ايه هاذيك ... وكيلها ربي دارت فيهم لي مايندارش
روان : ماستغربتش بصح أحكيلي وش صرا
سليمة : ياك كانو عايشين هنا تسمعي غير العياط و الضرب صباح وعشية و لات دير المشاكل في الدار و تلبس لبسة مايش مستورة عيا فيها أمجد تبدل لبستها الناس ولات تهدر عليه تعاودلو الهدرة و تقولو ماعندو ما دخلك و تخرج ماتوليش حتى ورا المغرب مرات توصل حتى العشا و ماكفاهاش هاذ الشي كامل زادت قاتلو أنا مانعيشش مع والديك هاذو إما ديرلي داري وحدي ولا تحطهم في دار العجزة دبر راسك
روان (مشوكية أحدث شوك): أوو لالا ماكانش منها
سعاد : أصبري مازال ...راح سوفرا و دارلها دار وحدها و هنا زادت فيها ديما هاملا لا شغل الدار لا والو مامبا ماطيبلوش ياكل باسكو كان يجي هنا عند مو و ياكل في الغدا و يدي معاه العشا
روان : علاه تزوج إذا راح ياكل في دارهم
سعاد : قولي نتي ... و لي قاتلهم أسكتو حملت و طيحت البيبي بلا ما قاتلو و هبل هو ماخلالهاش و طلقها
روان : تعرفي والله عييت وش نقول ....يعني كنت علابالي بلي راح ديرلو مشاكل بصح ميش هك ....بزاف ..أنا نروح نطل عليها و نولي
سعاد : إيه روحي بنتي روحي
أنت تقرأ
إنتقام القدر
Fanfictionكرونيك جزائري من تأليفي يحكي قصة طفلة حبت صديق الطفولة نتاعها بصح هو ماكانش مهتم بيها و تدخل في حياتو طفلة واحد اخرى و يولي مهبول بيها و هي تحاول دير مشاكل وشنو هي هاذ المشاكل ؟و كيفاه تطور هاذ العلاقة ؟ وين توصل ؟ راح تعرفو هذا و كثر مع الأح...
