الحلقة 2:
اليوم يوم التسجيلات رحت أنا و البنات نسجلو ..... سجلنا و روحنا جوزنا نهار هبال عندنا ياسر ماتلاقيناش
و كي روحت مالقيتش ماما في الدار و قالي بابا بلي راهي عند طاطا سليمة (لي هي أم أمجد) رحت لعندهم حلتلي ختو سهام الباب
روان :ماما راهي هنا ؟
سهام: إيه راهي هنا ... جوزي
دخلت سلمت عليهم و غير قعدت سقساتني
سليمة : مالا سجلتي اليوم في لافاك ...ان شاء الله عطاوك وش حبيتي
روان : إيه طاطا عطوني إدارة أعمال كيما تمنيت ان شاء الله برك نكون قدها
سليمة : نعرفك شاطرة علابالي بلي تقدريلها
وهنا جابت سهام الجيو و القاتو ... و بداو يهدرو على زواجها
روان : سهام راح تتزوج ؟؟؟
سليمة : ههه هيه على هاذي عيطت ليماك باه تعاوني و بيا سور باه نعرضها
روان : إييي كلش مبرووك
بقاو يهدرو هكاك على التجهيزات و مبعد سقساتها ماما
سعاد : و زعما تقدري تلحقي لكلش ؟؟
سليمة: إيه ان شاء الله ...ديجا ذرك دجي رحمة تعاوني
سعاد : آآ رحمة جاية
سليمة : اييه لازم ... ولدها صاحب أمجد لانتيم لازم نعرضوهم و المخلوقة كي عيطلها قاتلي نجي قبل و نعاونك شوي
سعاد: اييه ملييح ... يد وحدة ماتصفقش
خلصو الهدرة .... و أنا و ماما روحنا للدار
سعاد : أيا ديري نتي العشا
روان : علاه ؟؟؟ ديري برك نتي أنا كنت برا من صباح والله عييت
سعاد (شافت فيا وااااحد الشوفة ): مانعاودش الهدرة بزااف
روان : إييه خلاص ذرك نديير
درت العشا و تعشينا و غسلت الماعن باين ( أنا مافهمتش الماعن هاذو علاه مايخلاصوش ؟؟)
المهم رحت لبيتي و قعدت نتفرج شوي و حليت الفيسبوك شويا نشوف كاش جديد نطلع نهبط ماكان والو
أنت تقرأ
إنتقام القدر
Fanfictionكرونيك جزائري من تأليفي يحكي قصة طفلة حبت صديق الطفولة نتاعها بصح هو ماكانش مهتم بيها و تدخل في حياتو طفلة واحد اخرى و يولي مهبول بيها و هي تحاول دير مشاكل وشنو هي هاذ المشاكل ؟و كيفاه تطور هاذ العلاقة ؟ وين توصل ؟ راح تعرفو هذا و كثر مع الأح...
