إنتقام القدر

_6_

الحلقة 6:
بقيت زماااان داهشة فيه : راك سامع وش راك تقول ؟؟ أمجد حنا صغرنا و كبرنا مع بعض .. يعطيك قلبك تهدر معايا هك ؟؟
أمجد : نتي لي وصلتي روحك ديما نقولك راكي كي ختي و نتي ماتسمعيش الهدرة حابة تدي حاجة مايش تاعك
روان دمعة راح تهبط و حاكمتها بالزور : مادام هكا تبالي مابقاتش هدرة ( و عطيتو بظهري وروحت
أمجد: إييه مزيا كي فهمتي
دخلت للدار ديراكت لبيتي بقيت نبكي على زهري حتان داتني عيني و كي فقت لقيت ورقة فوق البيرو تاعي كتبتلي ماما علابالي بلي عيتي من لافاك ماحبيتش نحيرك كي تنوضي العشا راهو الميكو اوند سخني و كولي رحت رقيت فريت و جاج سخنتهم و كليت و حليت الفيس نشوف لقيت نورهان بعثتلي الكور و سقساتني وش درتي فيها ما جاوبتش باكو ماكانتش أون لاين اييه ناس راقدة و أنا كي الفامبير هاذا وي نوض طليت على الساعة لقيتها 1:20 بقيت مع الفيس حتان وضلتني أنفتاسيون من واحد مانعرفوش مسمي روحو تايغر قرعجت شوي في بروفيلو السيد باين من الحطة عايش في الخارج و زيد زيين يهبلل (كنت نخمم بين نقبل ولا نن و كي تفكرت أمجد كيفاه هدر معايا و قالي تحبي تدي حاجة مايش ليك جرحني بزاف بهاذ الكلمة و طبعا كل كلمة كان يقولها كانت تنحي طرف من قلبي ) و مافهمتش كيفاه أكسبتيت هذا تايغر و خليتو بقيت نقرا في الكور لي بعثتهولي نورهان حتان نسمع بلي لحقني ميساج كان من تايغر قالي : هاي
و أنا : إيييه طايحلي فيها أنغلي مانيش قاعدة باه نكتب بلونغلي كتبلو سلام
قالي : صفا؟؟
أنا : الحمد الله ..شكون نتا ؟
قالي : أنا فهد يعني تايغر
أنا : آآآ ذرك فهمت علاه مسمي روحك تايغر
بقينا نقسرو حتان جاني نعاس قتلو تصبح على خير و رقدت
و الصباح يا دلالي نضت روتار و مافطرتش و خرجت مبهدلة أول مرة كي وصلت لافاك رحت ليفيستيار عدلت روحي و جيت داخلة للكور روتار ب 20 د و تلقيت طردا مبهرا لأل مرة (منعرف وش بيا مع أول مرة ) بقيت قاعدة قدام الباب تقول عليا متشردة حتان نسمع في صوت الضحك درت لقيتها نورهان
نورهان : ههههههه آآآ بزاف هاذي تتسجل في التاريخ روان تتغيب البارح واليوم تتحاوز هههههههه هاذي وحدها ...يا عمريي راح تبكيي ...خلاص خلاص تتعوض نوعدك
روان : نحي يدك ... نتي صحبتي ؟؟ قاعدة تتمعكسي بيا ... صحة أشفاي عليها
نورهان : لوكن ماجيتش صاحتك مانخرجش على جالك ....ههههه نخليك متشردة
روان : آآهه متشردة ؟؟ ذرك نوريلك متشردة كيفاه (تهارشنا ضحكنا حتان فسخو قلوبنا علابالي راح تقولو راكم كبار و لافاك و منا ....نن مازلنا صغار كي مانبروفيتيش في صغري وقتاش مالا ياك يقولك لي راح وقتو ما يطمع في وقت غيرو مالا نتمتع مازالني صغيرة )
ريحنا شوي و مبعد سقساتني : فريتي حكايتك أصحبتي؟؟