الحلقة16:
هو راح للخدمة و أنا بقيت في الدار مع النيتوياج و شغل الدار .... واحد الفيد يقتل حتى البلاد غريبة و مانعرف حتى واحد عيطت لماما قسرت معاها شوي شعلت لاتيلي و بقيت نتفرج و طالعة هابطة مالقيت ماندير و في العشية خلاص درت العشا و رحت لبيتي نجبد تيليفون نعيط لفهد نتأكد إذا يجي ولا يطول لقيتو باعثلي ميساج بلي راه مطول شوي هبطت تعشيت و درت حاجة حلوة و جبت البيسي و درت فيلم و قعدت في الصالون نسنا فهد باسكو واجبي نسناه ... حتان داتني عيني
و في الصباح لقيت روحي في سريري نضت لقيتو قدامي يشوف فيا واحد الشوفة يبان أول مرة يشوفني
روان : وش بيك ؟؟.....و كيفاه وصلت أنا هنا
فهد: ههه كنت راقدة كيما لي بيبي في صالون غضتيني هزيتك و جبتك هنا ...بصح كاينة حاجة في بالي
روان : وشمن حاجة
فهد : قتلك بلي راح نطول ...(نظرة خبث) وعلاه سنيتي
روان : أحمم ....شكون لي قالك سنيتك كنت نتفرج في الصالون و داتني عيني هاذا ماكن
فهد ( قدملي ) و قالي : راكي سوور ؟؟
روان : ويي ..سوور .... وذرك بعد خليني نوجد الفطور
وجدت الفطور و عيطلو فطرنا كيف كيف كي خلصنا قالي
فهد : وجدي روحك رانا خارجين
روان : ويين؟؟
فهد : راح نعوضك على لبارح نحوسو شوي و من جهة أخرى نعرفك على بلايص ماشفتيهمش من قبل
روان : وخدمتك ؟؟
فهد : البارح وش كنت ندير زعما ... سهرت مع نص الخدمة تاع اليوم و الباقي مديتهم للسكريتيرة و كاش حاجة كبيرة نخدمها غدوة نورمال
روان : يا عمريي هاذا كامل باه تعوضنيي ( نسيت روحي منعرف كيفاه قلتها )
فهد : آآه.. عاودي عاودي وش قلتي
روان : أأأ .. ههه هذا ....كامل... باه تعوضني؟
فهد : نو نو نو لي قبلها
روان : أممم نروح نوجد روحيي
فهد : هربتيي ...صحة مازالو اليامات
وجدت , هبطت و ركبت في الطموبيل و طريق كامل و هو يضحك قاتلاتو السعادة هههه حتان ضحكني درنا باغتو هاذ الخرجة ساعدتنا باسكو قربتنا كثر لباعضانا
فاتو يامات تعلمت نسوق و شرالي طوموبيل صغيرة ( أنا حبيتها هك ) و بديت نقرا و القراية هنا شوي صعيبة أولا لأنو لغة مختلفة و ثانيا مام البروغرام كان مختلف شوي بصح فهد كان واقف معايا لأنو مام هو درس إدارة أعمال و في هاذ الفترة تحسنت علاقتي معاه بزاف خير من الأول
خلصت عامين قراية سوتنيت ونجحت و دارولي حفلة صغيرة تاع لافامي تاعو لي ساكنين في لندن و كان لازم نبدا نخدم فقترحت ....
أنت تقرأ
إنتقام القدر
Fanfictionكرونيك جزائري من تأليفي يحكي قصة طفلة حبت صديق الطفولة نتاعها بصح هو ماكانش مهتم بيها و تدخل في حياتو طفلة واحد اخرى و يولي مهبول بيها و هي تحاول دير مشاكل وشنو هي هاذ المشاكل ؟و كيفاه تطور هاذ العلاقة ؟ وين توصل ؟ راح تعرفو هذا و كثر مع الأح...
