الحلقة 11:
كيما كان الحال ماما في الصباح فاجأتني مافهمت منها والو هههه أصبرو ذرك نعاودلكم
سعاد : راهم جايين يخطبوك اليوم
روان : آآه .... وقتاش .... كيفاااه .... مافهمتش ؟؟
سعاد : وش بيك حرتي ... راح يخطبوك ميش ياكلوك
روان: ايي بصح شكون ؟
سعاد : البارح في العرس سقساتني عليك رحمة قاتلي علاه ماجاتش قتلها ماحبتش بالاك ماحستش روحها مليحة سقساتني على قرايتك كيفاش ماشية ....و مبعد قاتلي مانخبيش عليك أنا بنت عجبتني و عجبت ولدي و حابة نخطبهالو أنا قلتلها ماعندي مانقول في ولدك بصح الكلمة الأخيرة لبنتي قاتلي ماعليه حنا غدوة نجو نشوفوها مالغري شفناها من قبل بصح خلي كلش يكون بالأصول قلتلها مرحبا بيكم
روان (حايرة و مالقيتش وش نقول ) :والله ....عييت وش نقول .....
سعاد : جوزي هاذ النهار كلي ضياف نورمال أحكي مع فهد و مبعد قري .... ماتشوفيش للباسي الباسي فات و صاي
روان (حسيتها تمعني بلي مانسيتش أمجد ) : ماما تعرفيني بلي مانشوف اللور
سعاد : أي مالا أعطيه فرصة
سكتت مالقيتش وش نهدر رحت لبيتي نوجد روحي بعثن ميساج لنورهان أنوليت الموعد
لبست جبة شابة و درت مايك آب سامبل و مام شعري سامبل
وبقيت نسنا كي طبطب الباب قلبي حبس مانعرف علاه حلت ماما الباب و دخلتهم للصالون
و أنا زدت شوي و رحت عندهم قعدت قدام ختو و قدامها يماها من الجهة لاخرى حكينا و ضحكنا و فات نهار عادي وقاتلي
رحمة : يعني ماتحتاجيش شوفة من بكري تعجبيني ذركة حاباتك تحكي مرة مع فهد و اتفاهمو
روان بحشمة : لي تشوفيه
قبل ماتروح دات رقم الهاتف تاعي من عند ماما
في الليل عيطلي طبعا بعد وش راكي صافا ؟
فهد : أنا عجبتيني بزاف و مانيش حاب نطول اذا موافقة نخطبك و عير تكوني واجدة نديك باسكو أنا أني واجد
روان: كيفاش عجبتك و انا جامي شتك جامي حكيت معاك و كيفاه راك واجد حيرتني
فهد : ذرك نفهمك
أنت تقرأ
إنتقام القدر
Fanfictionكرونيك جزائري من تأليفي يحكي قصة طفلة حبت صديق الطفولة نتاعها بصح هو ماكانش مهتم بيها و تدخل في حياتو طفلة واحد اخرى و يولي مهبول بيها و هي تحاول دير مشاكل وشنو هي هاذ المشاكل ؟و كيفاه تطور هاذ العلاقة ؟ وين توصل ؟ راح تعرفو هذا و كثر مع الأح...
