الحلقة 12:
فلاش باك (نهار عرس سهام)
نهار كنت لابسة غوب غوج سوغ تاي كي نزلت من تاكسي باه ندخل لل لاصال نثم شافني فهد وكان مع أمجد سقساه
فهد شاور بيدو : شكون هاذيك ؟
أمجد : شكون؟....آآ هاذي ...هاذي روان جارتا علاه ..... ماتقليش راك تصيد
فهد : وشي هاذ الهدرة تعرفني تاع هاذ الفكاير
أمجد : مين داك تحيرني علابالك؟؟ قدامك شعر الصفر و العينين الزورق و لاتاي و راك تشوف في هاذي ماعندها والو ماغركش ذرك راهي لابسة مليح وماكياج ... كي تشوفها صاح اي واحد البهلولة
فهد : كل واحد و ذوقو و كل واحد يشوف وش يساعدو ... ياخويا هاي ليك صاحبة الشعر الصفر و العينين الزورق و لاتاي أنا حبيت البهلولة الباشعة
أمجد : هههه آآآ وي صاحبي أنا كي نزوج نزوج وحدة دللني و تتهلا فيا و نعيش لافي معاها ميش وحدة تنكد عليا و نحشم بيها قدام الناس
فهد : آآه يا صحبي ماعرفتكش صطحي هك .... المهم خلينا نتا أدرى بصلاحتك بصح نقولك فرد حاجة هاذ التخمام ماخرجكش بالخير
نرجعو :
روان مشوكية : هكا قالك ؟؟
فهد : أيه بصح يبقى هاذا رايو و أنا مايهمينش أأأتنتي أنا شفت فيك حوايج ماشافهمش و مبعد تأكدت منهم
روان : كيفاه تأكدت ؟؟
فهد: بعد ما رجعنا للندن هدرت مع يما و هي ماقالت والو بصح كان لازم نوجد روحي لميت و درت دار و راني نعمر فيها و وجدت تقريبا كلش من المهر و حق الخاتم و هاذ العفايس و في نفس الوقت كنت حاب نعرف عقليتك مليح و ما منتي تعرفيني على هاذي جبت الفيس بوك تاعك من سهام و بعثتلك و حكينا و زدت تعلقت بيك كثر كي عرفتك عن قرب
روان : مي أنا وقتاش حكيت معاك
فهد : ههه أنا تايغر
روان : آآآ وييي ذرك فهمت هاذا كامل صاري و أنا ماعلاباليش ؟؟ ايي صح تايغر يعني فهد.... بصح أنا ماخممتش فيها كامل
فهد: هههه نورمال ذرك تقدري تخمي بعقلك و رديلي بقرارك و ذرك نخليك تصبحي بخير
روان : و نتا من أهلو
بقيت نطلع و نهبط و نخمم في الأحداث لي صرات ورا باعضاها مافهمتش وش نقرر
أنت تقرأ
إنتقام القدر
Fanficكرونيك جزائري من تأليفي يحكي قصة طفلة حبت صديق الطفولة نتاعها بصح هو ماكانش مهتم بيها و تدخل في حياتو طفلة واحد اخرى و يولي مهبول بيها و هي تحاول دير مشاكل وشنو هي هاذ المشاكل ؟و كيفاه تطور هاذ العلاقة ؟ وين توصل ؟ راح تعرفو هذا و كثر مع الأح...
