الحلقة 18:
كي روحنا للدار أنا طلعت دوشت و هو راح للبيت ...كي خلصت لقيتو مداير فيلم و متكسل
روان : أوو الفيلم هاذا نحبو
فهد: مالا نبدل
روان : تمكر فيا ؟
فهد : اييه تساليني
روان : ممم أوكي ذرك نهبط للصالون نتفرجو
فهد : وين وييين أرواحي هنا كنت نتمسخر ....مانتمسخروش معاك نتي
روان : ههه نن ماتمسخرش معايا
رحت قعدت في الفراش لاح يدو على كتافي و جبدني لعندو حطيت راسي على كتافو و بقيت نتفرج وهو يتفرج و يلعبلي بشعري
فهد : نسقسييك
روان :أممم
فهد : كي كنا في دار يما كنت تشوفي فيا و تتبسمي ...علاه ؟
روان : مانقدرش نشوف فيك ؟ ماوش حقي ؟
فهد :أنا كامل من حقك ... بصح هكا قدام لافامي جامي درتيها ... يعني والفتك تحشمي من هاذ العفايس
روان (نضت و بقيت نشوف فيه ) : مافهمتش ذرك أنا غلطت كي شفت فيك قدام داركم .....خلاص مانزيدش نشوف فيك
فهد : ايي لالا ميش هك نورمال وش بيك قلقتيي ... سقسيت برك ...خلاص ديري روحك ماسمعتيش
روان (رجعت لبلاستي ) : كي شتك كيفاه تعامل يماك و ختك عجبتني و زدت حتارمتك كثر
فهد (تبسم و باس راسي ) : ربي يخليك ليا عمري
روان : أمييين ... وذرك أسكت خليني نتفرج راحلي نص الفيلم
أنت تقرأ
إنتقام القدر
Fanfictionكرونيك جزائري من تأليفي يحكي قصة طفلة حبت صديق الطفولة نتاعها بصح هو ماكانش مهتم بيها و تدخل في حياتو طفلة واحد اخرى و يولي مهبول بيها و هي تحاول دير مشاكل وشنو هي هاذ المشاكل ؟و كيفاه تطور هاذ العلاقة ؟ وين توصل ؟ راح تعرفو هذا و كثر مع الأح...
