الحلقة 25:
رحت عندها و كي صونيت حلي أمجد الباب ...تشوكييت ماوش هذا هو أمجد لي نعرفو مذبال و هذاك الزين راح و مشيان .....بقييت نخزر فيه مشوكية
أمجد : إييي عسلامة شكون شفنا ....كيفاه غلطتي و حطيتي رجلك هنا
روان : أأ.....
يوسف :ماما ثوفي وث ثرالي بابا
روان (هبطت هزيتو ) : وش شرالك أ ماما ....شيكولا ؟؟ فهد ياك قتلك ماتزيدش تشريلو الشيكولا ميش ملحة ليه
فهد: ماحكش يسكت ... و ديجا وش فيا مرة في الفال
روان : كل مرة تقولي مرة في الفال ... و زيد كل ما يبكي تراضيه ؟؟ دلل فيه و مبعد نحصلو فيه
فهد : كي ماندللش ولدي شكون ندلل
درت عندو تبسمتلو و لمحت أمجد كيفاه يشوف فينا متعجب
فهد : وش أصاحبي ...راك شينت بزاف ماكش تاكل ولا كيفاه (بضحكة )
غمزتلو و عطيتلو الطفل و قتلو : هاك يوسف دخلو أنا نطل على طاطا سليمة و نولي
فهد : ايه ماعليه ماطوليش ...و نتا لازملنا قعدة
أمجد : هه .. إيه لازم
دخلت طليت على سليمة دعاتلي دعوة خير و قاتلي ربي يرضا عليك و لربي يحفضك حتان حشمتني
كي جيت رايحة لحقني أمجد و قالي
أمجد: باين بلي خرج علي الزواج و راكي عايشة حياتك ورميتي كلشي وراك
روان : الحمد الله
أمجد : علابالي بلي سمعتي وش صرالي ...تقدري تشمتي فيا و تقولي شتت قتلك أخطاك ...
روان : هه لحد الآن مازال مافهمتنيش ؟ ...أنا كي قتلك هكا في هذاك الوقت كنت شافة مصلاحتك حتى لو كنت مجرد صديق بالنسبة ليا كنت راح نتصرف بنفس الطريقة .... و ماعندي مانستفاد كي نشمت فيك
أمجد : علابالي ...أنا لي تعميت صح ذرك وليت نشوف و استوعبت ملييح ....بصح ندامتي ذرك ماتنفعني في والو ( شاف عندي و قال ) كي عرفت قيمتك راكي مرت أعز صديق و أخ
روان : حتى لو ماجيتش مرتو حتى لو كنت عزباء ... ندامتك ماكانتش راح تفيدك
حليت الباب و خرجت رحت عند يوسف حضنتو وبستو و شفت في فهد و حمدت ربي على هاذ النعمة
أنت تقرأ
إنتقام القدر
Fanfictionكرونيك جزائري من تأليفي يحكي قصة طفلة حبت صديق الطفولة نتاعها بصح هو ماكانش مهتم بيها و تدخل في حياتو طفلة واحد اخرى و يولي مهبول بيها و هي تحاول دير مشاكل وشنو هي هاذ المشاكل ؟و كيفاه تطور هاذ العلاقة ؟ وين توصل ؟ راح تعرفو هذا و كثر مع الأح...
