الحلقة 19:
الغدوة في الصباح أول يوم ليا في الخدمة فطرنا و لبست كلاسيك جامسوت نوار مع صوندال نوار ثاني لميت شعري الفوق و هبطت لقيت فهد باهت فيا
فهد : وااو جيتي ...تهبلي ...
روان : ههه مارسي ... علاباليي
فهد : خرجت عليك الخدمة والله
روان : هيا خلينا نروحو باه مانطولوش
رحنا للشركة دخل قبلي و مبعد بشوي دخلت أنا وصلت عند السكريتيرة
روان : هل أستطيع مقابلة السيد فهد للعمل ؟( العربية الفصحى راهي أونجلي )
سكرتيرة : انتظري لحظة .... ألو سيد فهد هناك من تريد مقابلتك للعمل هل أنت متفرغ ؟.....آآ حسنا
تفضلي من هنا ( و دخلتني للبيرو نتاعو )
دخلت و قعدت ماقبلاتو وسنيت حتان تروح سكريتيرة
فهد : أهييه وش حابة تخدمي
روان : شوف نتا السيفي تاعي علابالك وش فيه نتا قرر
فهد : ايه خممت نحطك في المالية باسكو نتي شاطرة في الحسابات حاليا و مبعد كي توالفي الخدمة أني نزيد نعتلك حاجة أخرى
روان : أوكي ماعنديش مشكل
فهد : أوكي ذرك نقولهم ينعتولك البيرو تاعك
عيط السكريتيرة وقالها تديني للبيرو تاعي و كيعاد يومي الأول ماكانتش عندي خدمة كبيرة روحت بكري باه نوجد العشا
يامات و أنا نخدم في الشركة كان فهد مسهل عليا و ساعاتحتى ندي الخدمة للدار و يعاوني فيها و هاذ الشي خلاني نقدر نظم وقتي بين الخدمة والدار و كل يوم نزيد نحس بلي أنا محظوظة بيه ربي كرمني براجل متفهمويحتارمني و يصبر عليا و فوق هاذ الشي يحبني ساعات حتى نحشم بروحي ونقول رانيضالماتو يعني لوكان ماشي هو بالو واسعماكناش طولنا كيما علابالكم انا كنت باردةمعاه و مام ذرك شويا مانقدرش نقولو كلمة كيما كامل النسا و جا الوقت لي حتا نحاول كيما هو
أنت تقرأ
إنتقام القدر
Fanfictionكرونيك جزائري من تأليفي يحكي قصة طفلة حبت صديق الطفولة نتاعها بصح هو ماكانش مهتم بيها و تدخل في حياتو طفلة واحد اخرى و يولي مهبول بيها و هي تحاول دير مشاكل وشنو هي هاذ المشاكل ؟و كيفاه تطور هاذ العلاقة ؟ وين توصل ؟ راح تعرفو هذا و كثر مع الأح...
