الحلقة 21 :
كنت خلصت شغلي و رحت نمدهملو لقيت اللالة تقول لصحباتها بلي اليوم راح دجيبو لدارها قالولها الراجل باين صعيب حاولت معاه شحال من وحدة ماقدرتلوش منين جبتي هاذ الثقة كامل قاتلهم راح نسنا حتان يخرجو كامل و مبعد نمدلو مشروب فيه مخدر ساهلة و بداو يضحكو
ههههه مع من طحتييي رحت ليها كرفصتها حكمت شعرها هذااك و مسحت بيها الأرض و هي تعيط و صحباتها ما فهمو والو حتان جا فهد
فهد (برق عينو) : وشي هذا ..وار هابند هيير
جا حكمني من اللور و جرب يكالميني و أنا نعيط (أطلقنييي خليني نربي هاذ الحيوانة .......)
دخلني البيرو و جابلي كاس ما و قالي
فهد : كالم توا ..هاكي أشربي
روان : ماتقولي ني كالم توا ني والو ..... نسحقك ذرك تحاوزها فهمتتت ذركك
فهد : أوكي ... أهداي سع و احكيلي وش صرا
حكيتلو كلش بقا يضحك زاد استفزني
روان : راك تضحك ...أنا هنا أعصابي تخلطت ونتا راك تتمعكس
فهد ( جا عنقني و حط يدو على راسي ) : مانيش نتمعكس بيك ... أول مرة نشوف غيرتك عليا و عجبني الحال
روان : كيفاه مانغيرش على راجلي
فهد : كي ماتحبيش واحد و ماتهتميش بيه ماراكيش راح تغيري عليه .... و التصرف تاعك يثبتلي بلي تحبيني بصح نتي نورمالمون ديري في ثيقة علابالك بلي مانش راح نخونك
روان: أنا مدارة فيك ثيقة بصح مانيش مدايرة فيها ثيقة ... تعيش أسمعلي باينة عليها خبيثة حاوزها
فهد : مايكون إلا خاطرك ( حل الباب و عيطلها )
دخلت و بدات تسيتت وراهي مظلومة و منا
فهد : هل ستقدمين استقالتك أم تفضلين طردك
سكريتيرة : ماذا ؟؟ لا يا سيدي أنا مظلومة لم أفعل لها شيئا هي من تهجمت عليا كـ...
فهد : إحترمي نفسك إنك تتحدثين عن زوجتي
سكريتيرة مشوكية :أوو آسفة لم أكن أعلم لو علمت لما تصرفت بحماقة ...
فهد : مازال عليك تسليم إستقالتك ... ولا نقاش في هذا هيا أسرعيي (بالعياط)
بدات تبكي و زربت خرجت و أنا تقول حجرة في قلبي و نحيتها دار عندي فهد و قال
فهد : و ذرك بردتي ؟؟
روان ( ماخممتش بزاف رحت ديراكت حضنتو) : حسيت بلي راح نخسرك و رحت من يدي ... مانقدرش نتخايل حياتي بلا بيك ...
فهد : آآه يا روان آه عذبتيني غير باه نسمع هاذ زوج كلمات
من هاذ النهار و تحلت العقدة و ماولاش عندي مشكلنعبرلو على مشاعري
أنت تقرأ
إنتقام القدر
Fanfictionكرونيك جزائري من تأليفي يحكي قصة طفلة حبت صديق الطفولة نتاعها بصح هو ماكانش مهتم بيها و تدخل في حياتو طفلة واحد اخرى و يولي مهبول بيها و هي تحاول دير مشاكل وشنو هي هاذ المشاكل ؟و كيفاه تطور هاذ العلاقة ؟ وين توصل ؟ راح تعرفو هذا و كثر مع الأح...
