_20_

4.8K 97 4
                                    

الحلقة 20:

اليوم صباح نضت بكري و درت كيك ساهل خفيف و جدت فطور شباب و حطيتو في الجنينة الصغيرة لي عندنا لي جامي قعدنا فيها و رحت نوضو حليت الطاقة و خليت الضو تاع الصباح يدخل للبيت هو دور وجهو للجيهة الثانية و حط مخدة فوق راسو روح ناحيتهالو و ضربتو بيها

روان : هيا نوض يا الفنيان هياا

فهد : نزيد شوي برك

روان(ندغدغ فيه): اييي نوض

فهد : ههه حبسي ...أني نهدر معاك هههه حبسييييي ( ودار عندي ) حكمتك

روان : يااااه أطلقني

فهد : وي راح تهربي صاي حمتك ( و بدا يدغدغ و يعض)

روان : ياااااا صاييي حبس والله مانزييد صاااي تعييش ( و منعرف كيفاه هربتلو)

فهد : صحة سلكتي هاذ المرة المرة الجاية نشوفو لا تقدري تمنعي

روان : ماتكونش مرة جاية أوفيسيال .....هيا أ...أ ...أمم

فهد : أ...واش

روان : أهبط تفطر ( و هبطت كي العادة كلمة صغيرة عييت نقولها )

دوش و هبط مورايا و أنا قاعدة نسنا فيه في الجنينة و هو بقا يحوس في الكوزينة و الصالون

روان : راني هنا في الجنينة

جا بقا يشوف مشوكي و مبعد وصل لعندي بدا يمس في جبهتي خدي و رقتي

روان : وش بييك

فهد : نتي لي وش بيك تباني مريضة أنا قلت كاشما طلعتلك السخانة بديتي تهتوري

روان : ما بيا والوو ... مافهمتش

فهد : أنا لي مافهمتش نوضتيني و تتهارشي معايا و ذرك الفطور في الجنينة و في زوج ماهومش من عوايدك ( و مبعد قربلي وحط يديه على كتافي ) و تحبي الصح؟ عجبوني عوايدك الجديدة

روان (مهبطة راسي و حشمانة) : والفت العوايد القدم ذرك دزيد توالف جدد

قعد و هو مستغرب منها فطرنا و راحنا نخدمو .... و في الخدمة لاحظت بلي السكريتيرة تتقرب بزاف من فهد مرة زوج ثلاثة بزاف مرة تمسلو يدو مرة تسيتت قدامو مرة تمعنيلو زعما بما أنك أعزب لازملك وحدة تفرحك ..... و هو الحق كان ديما يصدها و مايديهاش فيها و مايعبرها ما يقيمها ومرة 

إنتقام القدرحيث تعيش القصص. اكتشف الآن