الحلقة 17:
روان : فهد .. كنت نخمم إذا نقدر نبدا نخدم في الشركة نتاعك؟
فهد : أولا هذي شركة تاعنا ماكانش أنا و نتي كاين حنا و ثانيا هاذي باينة ميش حتان تشاوريني .... زعما في رايك نخليك تخدمي في شركة وحدوخرا و تاعي كاينة ؟؟
روان : ههه علابالي بلي تقبل ...بصح مانيش حابة يقولو دخلت معريفة
فهد : ههههه تضحكي علابالك؟؟ كيفاه معريفة رزقي هو رزقك و تدخلي للشركة كيما تحبي واحد ما دخلو فيك .. هاذي في أسوأ حالة ... و أنا علابالي بمستواك و حتى لو ماجتيش مرتي كنت تستاهلي تدي بوست في الشركة
روان : هكاك و مانش حابة يعرفو بلي أنا مرتك
فهد : ماعندها حتى معنى .... بصح ماعليه مايكون إلا خاطرك
روان : مشات مالا تفاهمنا وقتاش نبدا
فهد : من غدوة إذا حابة
روان : اييه خلاص .... أنا نروح نوجد العشا
فهد : أأ لالا رانا ماعروضين عند يما
روان : آآ .. ماقتليش ؟؟
فهد : هاني قتلك
روان : ههه ... وحدك اييي مالا نوجد روحي
فهد : ماطوليش أي حرقتلي التليفون
روان : هههه مانطولش دقيقة ونهبط (وجات طالعة)
فهد :إيييه نعرفو دقيقة تاع البنات
روان : سمعتتك
رحنا لدار عجوزتي لي هي طاطا رحمة بصح أنا ذرك نعيطلها خالتي
رحمة : مرحبا بيكم ... هاذي غيبة لوكان مانعرضوكمش مادجوش طلو ؟؟
روان: خالتي ماتزعفيش والله ماقعدنا راكي عارقة كنت نقرا ماكانش عندي الوقت
رحمة : اليوم قراية و غدوة خدمة و غير غدوة لولاد ديما كاين شغالات لازم الواحد يخصص وقت لعايلتو
روان : صح عندك الحق
إلينا : يما خلاص راح يبقاو واقفين هكا على الباب ؟؟
فهد (سلملها على راسها ) : حقك علينا أنا ثاني ماقعدش باه نجيبها اعذرينا
رحمة : هههه نقسر برك وش بيكم تسريزتو حبيت نخرجلكم قلوبكم شوي باسكو عندكم شحال ماجيتوش
ضحكنا و فتنا و أنا لفت إنتباهي كيفاه فهد محتارم يماهزاد كبار في عيني و كل يوم نكتاشف فيه ميزة تخليني نطيح فيه ...جاز نهار عائلي هايل وليت مانحسش بالغربةبزاف صح نتوحش يما و بابا بصح هنا ثانيعندي يما و بابا و ختي ثاني و بلا مانهدرو على راجلي و صديقي في نفس الوقت
أنت تقرأ
إنتقام القدر
Fanfictionكرونيك جزائري من تأليفي يحكي قصة طفلة حبت صديق الطفولة نتاعها بصح هو ماكانش مهتم بيها و تدخل في حياتو طفلة واحد اخرى و يولي مهبول بيها و هي تحاول دير مشاكل وشنو هي هاذ المشاكل ؟و كيفاه تطور هاذ العلاقة ؟ وين توصل ؟ راح تعرفو هذا و كثر مع الأح...
