إنتقام القدر

_7_

الحلقة 7:
روان : تبالي كيما قلتي لازم دجيه دبزة ولا زوج باه يفيق
نورهان : وش سرا أحكيلي
روان : جيت راح نحكيلو وش قلتيلي و نحذرو سمعني هدرة في حياتي ما إماجينيت يتجرأ يقولهالي ( وحكيتلها وش قالي كامل )
نورهان :والله ما يحشم ماحقش عليه كان يسمعك و مبعد يدبر راسو
روان : أنا درت لي عليا مانزيدش ندخل روحي في بعضاه
نورهان : إيه قتلك ... المهم نتي ماتكسريش راسك راح يندم على ضمانتي ...
مايا : آآييي نتي أسمعي ..
دورنا حايرين صبناها مايا
روان : وش جابها ذرك هاذي عندي
مايا: شوفي هاذي آخر مرة نشوفك تقربي لحنوني وحدة كيفك نورمالمون تدفني روحك واحد ماراح يشوف فيك كوني هانية غير ماتمعيش في حاجة مايش ليك
روان : ههه اييه يا الفحلة ديتيه بسلامتك أشبعي بيه هاو ليك ماتخافيش مانيش ماخلوعة بيه كيفك
مايا : أني حذرتك مرة و أنا مانعاودتش هدرتي مرتين و أنا كي ندير حاجة في راسي نديرها و أمجد نديه غير أنا هو تاعي وحدي و أصبري تشوفي إذا مارديتوش خاتم في يدي في شهر مانسماش مايا فهمتييي ( و تعييط بهدلت بيا الغاشي كامل سمع)
نورهان : مايا صاي حبسي هاذ السمير
روان : راكي طولتي روحي حوسي على خواتمك شوفيلهم حل ( ودورت ضهري و مشيت ماني سامعة بحتى واحد و هي كانت تعيك مانعرف وش كانت تقول )
لحقتني نورهان لقاتني نبكي
نورهان : روان يسجيك ماتبكيش والله ما تستاهل
روان: مانيش نبكي على الرخيسة هاذيك .... أنا مافهمتش وش عجبو فيها حتى الهدرة ماتعرفش تهدر مامبا ماتحبوش راهي باينة بلي مصلحة و زيد حابة تمكر فيا و هو قاعد كي البهلول مصدق بلي تحبو
نورهان : مافيهش الخير كون جا فيه الخير كان يشوفك ... ديجا وش حكيتيلي عليه باين ماديها في روحو بزاف مام لوكان شاف فيك كنت راح تعاني مع هاذ العقلية ...والله ربي يحبك ويحبلك الخير استخفري و احمدي ربي على كلش
روان : آآه استخر الله سبحانو بصح وش فيها كي يكون معايا مام أنا نقدر ندلو و نتعامل مع عقليتو هاذي ...أني عارفة بلي راه هكا من صغر كي يتزوج راح يستعقل
نورهان : خلاص ذرك خلينا منون فكرك بلي عندنا (تي دي ) ياك ماكيش حابة نتحاوزو ؟؟
روان : هيا أمشي نروحو