الحلقة 23:
يوسف ولا عندو قريب عام و أنا ماوليتش نخدم بزاف بحكم أنا مرت المعلم يعني غيرر نعاونو واحد نهار كنت ندير في الكوكيز ليوسف .. (يموت عليهم) حتان يصوني تيليفون
روان : ألوو ؟؟
&&&: وينك ...علاه ماتعيطي ما تسقسي بالسيف لا حكمتك عندي شحال و أنا نسيي نعيطلك حتان جبت نيميروك من عند يماك وعيطتلك بالفيكس
روان : شكون معايا ...سمحيلي ماعرفتكش
&&&: خسارة علييك حتى صوتي غابلك آآآ لندن نساتك فينا آآه ...أنا نورهان
روان : آآآ نورهاان والله توحشتك ختيتو مام أنا عييت شحال من مرة نعيطلك ماحكمتش ...وش راكي صافا
نورهان : والله لاباس الحمد الله ....عيطلك باه نعرضك لعرسي و مانسحقش لالا و مانقدرش ومنا
روان : ههه راح تتزوجيي كلشي مبروك حنونة والله فرحتلك ...و ايه باينة نجي عندي ياسر ماجيتش توحشت دارنا
نورهان : هيا مليح ... هاذا وش كنت حابة نسمع ذرك راني مشغولة كي تهبطي عايطيلي لازم نتلاقاو ونديرو فيها قسرة شابة عندي بزاف حوايج نحكيهملك
روان : أأويي لازم مام عندي مانحكيلك
قفلت و كملت الكوكيز نتاعي .... و في العشية كي رجع فهد
روان : صفا؟؟.....كيفاه كانت الخدمة اليوم
فهد : لاباس كوم توجوغ ... مضينا العقد لي كنت نخدم عليه هاذ اليمات
روان : ايي ملييح الحمد الله
فهد : يوسف بابا ... أرواح هنا ....جيتك جييييتك ( و بقا يجري موراه حتان حكمو و بقا يلعب معاه و أنا نضحك عليهم )
روان : فهد خلي الطفل ... عندي هدرة معاك
فهد : وش بغات عمري
روان : عيطتلي نورهان صحبتي ... تشفا عليها ؟
فهد : ميش حاجة ...وش بيها
روان : راح تتزوج و عرضتني ....لازم نوقف معاها كيما وقفتلي في عرسي ... و زيد توحشت بزاف دارنا وش تقول لوكان نروحو كيف كيف
فهد : هذا ماكان خلعتيني أنا قلت كشما كاين ...إييه ديسيدي النهار لي يساعدك و قوليلي
روان : ملييح هكا ...مشات نروح نحطلكم تاكلو
فهد : مازال شوي ندوش و مبعد نتعشا
روان : كيما تحب
أنت تقرأ
إنتقام القدر
Fanfictionكرونيك جزائري من تأليفي يحكي قصة طفلة حبت صديق الطفولة نتاعها بصح هو ماكانش مهتم بيها و تدخل في حياتو طفلة واحد اخرى و يولي مهبول بيها و هي تحاول دير مشاكل وشنو هي هاذ المشاكل ؟و كيفاه تطور هاذ العلاقة ؟ وين توصل ؟ راح تعرفو هذا و كثر مع الأح...
