إنتقام القدر

_13_

الحلقة 13:

في الصباح كي العادة وجدت روحي باه نروح نقرا و كي وصلت دخلت ديراكت لكلاصة كانت فارغة غير شويا بنات حكمت بلاصتي نخمم

نورهان : كوكو ...ألووو ...روااان

روان : آآه ....وش كاين

نورهان : وين راكي من قبيل و أنا نحكي وحدي

روان : أقعدي ..أقعدي ..

هي قعدت ودخل البروف سكتت وبقيت نخمم ساعة و نص كامل

نورهان: إيييه يا لالة وش كاين

روان : ماراكيش راح تصدقي تايغر هو فهد والبارح جا خطبني

نورهان : ههههههه .... ضحكتيني منام هايل هذا ( دارت عندي لقاتني نشوف فيها مسريزا حارت)....منك صح ؟؟

روان : وش نربح كي نكذب عليك

نورهان : ما دخلتليش لراسي فهميني ملييح

حكيتلها كلش من الاول للخر بقات مشوكية كيفي

نورهان : والله تحير حكايتك شكون كان يقول بلي مكتوبك هو صاحب لي حبيتيه الأنتيم ...... و نتي وش قلتي

روان : نثم صبتيني نخمم

نورهان : من نيتك مازالك تخمي ؟؟ ... يا طفلة فيقي الباب تفتحلك من جديد هاذ المرة نتي لي راح تقفليه في وجهك ماكلاه تلومي مبعد زهرك ...

روان : نورهان راكي علابالك بلي تبدلت عقليتي و وليت باردة ... ومانحس بوالو من جيهتو

نورهان : كي كنت تحكي معاه في الفيس كنت بزاف مرتاحة معاه و كنت دجي تقوليلي غير نحكي معاه تتناحالي القنطة ...و هو لي عاونك باه تخرجي من الكآبة لي كنت فيها ... وذرك تقوليلي ماكي حاسة بوالو

روان راكي غير تكذبي على روحك

روان : صح كنت مرتاحة معاه بصح كصديق ... جامي خممت تكبار الحكاية

نورهان : نتي وش خاسرة ... أعطيلو فرصة و ديجا علابالي بلي يقدر يبدلك رايك بعد الزواج

روان : علاه راكي واثقة لهاذ الدرجة ؟

نورهان : يعني ماتقوليليش مالاحظتيش تعاملو معاك بذكاء ... غير ديسيدا يتزوج وجد سع روحو باه ماتلقايش سبة باه تقولي لالا ...و لي عجبتني ماضيعش الوقت و ولفك بيه بلا ماتحسي يعني مام عقليتو عاجباتك ...ماكانش كيفاه تقولي لالا

روان : إييه صح ماعندي حتى سبة تخليني نقول لالا

نورهان : ملييح كي بديتي تستوعبي ... ذرك شوفي عندنا فراغ مبعد عيطيلو وتفاهمو

روان : ونتي ؟؟

نورهان : ههه علاه أنا طفلة صغيرة حتان تخافي تخليني وحدي ؟؟.... روحي أفري شغلك و كي ترجعي عايطيلي

روان : أوكي