الحلقة 3:
فاتو يامات و هوما يوجدو و العرس بقالو سمانة و جات رحمة و ولدها فهد من لندن و في نفس الوقت بدات القراية في لافاك و كيما علابالكم السمانة اللولة ديما تكون غير تمسخير ألوغ ماكونتش نروح بزاف
و باه تفهمو فهد و يماه يسكنو في لندن بصح كانو ديما يجو في العطل لدزاير و كي يجي لهنا يهدر غير مع أمجد لأنو كان إنطوائي و ماوش إجتماعي بزاف و غير أمجد لي يفهملو و ولاو صحاب تاع الصح حتى لو المسافات بعيدة بصح مازالهم صحاب كي الخاوة ... و أنا جامي شت فهد نسمع بيه برك
وصل نهار العرس و جدت روحي مليييح نبان أنا العروسة ههه قتلكم نحب نهتم بروحي لبست غوب غوج سوغ تاي طويلة و ظهرها عريان شوي كنت حاطة شال غير في البرا كي ندخل لاصال نحيه درت غوجألاف بوغدو و في عيني حاجة خفيفة في الباج و الماغون و شعري درتلو بابيليز و لميتو في فرد جيهة روحنا مع العروسة في الكورتاج و صلنا للاصال و درت حالة بالشطيح ماكانش غناية ماشطحتش فيها حتان ضرتني لاصوندال وعاونت سهام في تصديرتها لأنو ماعندهاش ختها وقفت معاها أنا
كمل العرس ولا أروع روحنا للدار و ماشت والو قدامش غير هذاك الفراش لي توحشتو بزاف و قبل ماتديني عيني رحت زربت غسلت وجهي ونظفتو و لبست حاجة نرتحلها و ضربتها بواحد رقدة رقاد تاع السينين
و ذرك بدا التسربييز و بدات القراية تاع الصح و كنت مانراطي حتى كور ولاتيدي و تعرفت على طفلة هايلة إسمها نورهان كنا متفاهمين في الكلاصة و برا و تعرفت على بزاف ناس كاين لي رتحتلهم و كاين لي لالا
فاتو شهورا غير روتين حتان جاه ذاك النهار لي قلبلي حياتي فوقاني تحتاني
كنت نقرا نورمال و كان عندنا فراغ قاتلي صحبتي
نورهان : ديما نقعدو هنا في كافيتيريا تاع لافاك هيا نبدلو جو و نخرجو برا وعندنا كور بعد الفراغ يعني ماتقلقيش روحك
روان : لالا علابالك مانراطي حتا كور لوكان مانقدروش نلحقو
نورهان :ايييه كي ماتحضريش كور واحد ماكيش راح تموتي و ديجا عندي آمي تاعي نوصيه يصورلي لكور و نبعثلك هيا ماديريش هكا ياك مرة في الفال
روان (بتردد) : هيا ماعليه ... نروحو بلاصة قريبة
نورهان :ماتقلقيش روحك أنا عمبالي وي نروحو
مشينا و روحنا لواحد ريستو بزاف شباب و لاكلاص يبان متحف و أنا داخلا و غايسة في الديكور و نسيت روحي ومبعد تولهت
روان : وين جبتيني .... وش بيك باين البلاصة هاذي غالية بزاف أنا مانقدرش نسلك و ماكلاه تقوليلي نسلك عليك باسو راكي عارفة بلي مانقبلش ...
نورهان : يااي أصبري نفهمك شوفي ....
روان : ماتفهميني ما .....
&&&: إيي شكون راهو هنا ؟؟ كيفا حتان جابوك رجليك هنايا
نورهان : وسيم علابالك لافاك و القراية مانقعدش خلاص ذرك عندي فراغ جينا نفطرو هنا
وسيم : إييه في أي وقت مرحبا بيكم .... آيي أسمع وجدلهم طابلة مليحة أتهلا فيهم هاذو الحباب بلا مانوصي
نورهان : ههه تعيش مارسي ربي يخليك
وسيم : آآ هكا نزعف مابيناتناش .... أيا أطلعو ماتضيعوش الوقت أنا عندي شغل مع الخدامة
نورهان : صحة مالا أومبعد
أنت تقرأ
إنتقام القدر
Fanficكرونيك جزائري من تأليفي يحكي قصة طفلة حبت صديق الطفولة نتاعها بصح هو ماكانش مهتم بيها و تدخل في حياتو طفلة واحد اخرى و يولي مهبول بيها و هي تحاول دير مشاكل وشنو هي هاذ المشاكل ؟و كيفاه تطور هاذ العلاقة ؟ وين توصل ؟ راح تعرفو هذا و كثر مع الأح...
