رفقة لا إله الا الله 😒 دي شنو حركات الشفع البتعملي فيها دي القراية وخليتها قلنا ماشي تنزلي تدريب مكياج قلت ليك خير ووديتك انا دي خليتيهو برضو خير لكن ده الخطيب الكم تطفشيهو معقولة بس ،، قلت ليها يعني قالت لي أنتي طولتي من شبشي ده مش قلت ليها أنا مش قلت ليك دايما بتخيل أني واقفة قدام الزول الخطبني وختيت ليهو الدبلة قدامو وقلت ليهو انت استهلكتني وما بننفع لبعض و....، قالت لي ما تكملي ها العواليق دي خليك قاعدة كده بس ودي المرة الخامسة لكن اصبري لي قلت ليها قاعدة في بيت ابوي 😌 أمانة الشبشب جلى بي سنتي بس قلت ليها ما وزنتيهو 😂، قالت لي كويس خلي ابوك اجي نشوف آخرتك شنو 😒 اقفلي الباب معاك عايزة انوم قالت لي اصلك ما بتبقي زي البنات اليوم كلو نايمة وعايني خلقتك دي بقت كيف ما عارفة البجو اخطبوك ديل ما بشوفو ولا كيف قلت ليها انجذاب يا ماما انجذاب 😌 قالت لي حسبي الله ونعم الوكيل الضغط حقي حيرتفع معاك ، انتي الا ابوك بس .
جاني ابوي بالليل قال لي صحي الكلام البتقول فيهو امك ده قلت ليهو يا ابوي انت عارف امي بتتكلم ساي ، كانت واقفة وراء الباب جات قالت لي مالي مجنونة ولا مجنونة قلت ليها ولا واحد 😂😚 ، ابوي قال لي انتي مشكلتك شنو يا بت لو ما عايزة الزول من الاول ترفضيهو ما تدخلينا في مكان ضيق مع الناس يااخ قلت ليهو بس يا بابا ما شفت في وشو اولادي 🌚 امي قالت شوف البت الما بتخجل دي كمان قال ليها والله صحي ما بتخجل ، وقفت فوق قلت لي ابوي نسيت لمن قلت لي انا صحبك وما تخجلي مني وحكيت لي عن حبيباتك الزمان ولمن سألتك قلت ماشفت وش اولادك فيهم امي قالت ليهو شنو يا احمد قال ليها بتك دي بتتكلم بره راسها ساي قلت ليهو باابا يعني انا بكضب 😂🤧 قال لي خلينا في الموضوع الاساسي ولحدي هنا وخلاص ولو كترتيها حأختك قدام الامر الواقع وما حأخيرك تمام عشان ما تلوميني عايزة ارد ليهو امي قالت لي ولا كلمة وده القرار الصاح قلت ليهم انا عارفة راحتي من راحتكم وما حتتصرفو كده امي قالت لي لو اضطرينا حنعمل كده قلت ليهم راغب ما حيخليكم وشكراً 😌 ابوي قال لي لا عذر لمن أنذر قلت ليهم ااا وين يااا 😂 قال لي اقعدي هظري كده لمن تلقي نفسك في بيتك ، ابوي قال لي أهو راغب زاتو واقف معانا ، قلت ليهو طلعت واطي يا بيب قال لي قلت ليك الحقيقة بس لأنك زودتيها قلت ليهم ماشي ، أعملوها وحأموت ليكم هنا راغب قال لي بعد الشر يااخ لكن أتصرفي بعقلانية يا رفقة خلي التهور تبعك ده وامورك حتمشي قلت ليهو ظابط ،،
__
'أنا رفقة عمري 20سنة أمي اسمها فاطمة وأبوي عبدالله عندي اختين رونق مستقرة في فرنسا عندها بت وولد وأسماء واخو واحد راغب ،، وضعنا المادي فوق الممتاز ' ....
