صحيت بدري شديد وصليت الصبح حاضر 💓 لبست عبايتي وطلعت ما كلمت زول ،، كان قراري أنزل أتمشى كل يوم لمدة ساعة واثناء ما ماشة لمحت صالة زومبا دخلت سجلت فيها ،، بعد ساعة بالضبط رجعت البيت لقيت راغب بتكلم في التلفون ،، بقى بحك في عيونوا قلت ليهو صدق دي انا طلعت أتمشيت بس 😘 قال لي والله ما شاء الله تاني صحيني معاك قلت ليهو من عيوني ،، وبالمناسبة بابا صحى؟! قال لي اي دخلت ليهو وحكيت ليه بالمشروع قال لي قدام 😂 بقيت بضحك فيهو قال لي انا ملم بلغتكم دي ما تضحكي ،، لو احتجتي لي مساعدة ما تترددي قلت ليهو دعواتك بس 💓 طلعت غرفتي جهزت راغب قال لي يلا أستعجلي الزمن قلت ليه أنا جاهزة ،، قال لي يلا ،، مشيت الشركة لقيتو مجهز لي مكتب براي والديكور رهييب 💓 قلت ليهو مكتب يفتح النفس قال لي أنسي فكرة نحنا أخوان في الشغل أنا هنا البوص يعني دلع وحركات البيت دي هنا ماف قلت ليهو حااضر قال لي حيجيك فادي يفهمك حتعملي شنو مع انك ما محتاجة وحيجيب ليك الملفات انا عندي إجتماع بالتوفيق قلت ليهو طيب وانت بالتوفيق ليك في إجتماعك 💓 ،،، قعدت أتأمل في المكتب وكل تفصيلة فيهو ،، جاء داخل فادي قال لي معقوولة !!! قلت ليهو مالك قال لي راغب ما قال لي أنك المحاسب الجديد قلت ليهو على فكرة ما ضروري واسي عرفت قال لي نحنا بقينا زملا فمافي داعي للتعامل الجاف قلت ليهو وين الملفات قال لي هدي وانا اطلعتي عليهم قبل كده ما محتاجة شرح بس راجعيهم تاني قلت ليهو شكراً قال لي العفو أثناء ما براجع في الملفات دخل علي رقم غريب رفضت الخط كم مرة ،، لمن لقيتو مصر رديت قال لي أنا ياسر أسمعيني للنهاية ما تفصلي قلت ليهو أنت قلت ما عايز تسمع صوتي تاني وانا وعدتك بكده ووعد الحر دين عليه ،، قفلت فيهو الخط وحظرتوا ،، راغب قال لي بتتكلمي مع منو قلت ليهو رقم غريب ،، وانت هنا من متين ،، قال لي دخلت قبل شوية عندي ملف عايزة اشتغل معاك فيهو قلت ليهو طيب ،، اشتغلنا لحدي العصر الدوام كان لحدي الساعة 4 ،، والزومبا من 4 لي 6 قلت ليهو يلا انا ماشة عندي التزامات تانية قال لي تمام اصلا الزمن خلص استني أوصلك قلت ليهو لاا عايزة أتمشى قال لي براحتك طيب ،، قطعت نص المسافة طلع ياسر في وشي عملت ما بعرفوا ،، لحقني قال لي سألت وريف قالت نزلتي الشغل قلت ليهو فعلاً قال لي اسمعيني قلت ليهو والله سمعت منك ما يكفي ي ياسر الله يرضى عليك خليني في حالي 💔 قال لي رفقة أنا لسة باقي عليك وبحبك 💓قلت ليهو البحب ما بيأذي قال لي بس البحب بغير قلت ليهو اذا الغيرة كده ان شاءالله تحرق قال لي ما كنت بقصد أي كلمة بس كنت خايف عليك وعلى سمعتك ،، وسمعتك من سمعتنا كمان ،، عايزة ارد كده طلع فادي فجأة كده قال لي الزول ده مضايقاك قلت ليهو لااا قال لي طيب مالوا معاك قبلت عليهم قلت ليهم الله يرضى عليكم خلوني في حالي انا بحاول اتجاوزكم واتجاوز اي حاجة ولو علي اتجاوز حياتي بس انتو ......
بقيت سامعة أصواتهم بعيدة ،، بعد فتحت لقيت معاي فادي قال لي سلامتك ألف سلامة قلت ليهو عايزة امشي البيت ما أتجارى معاي في الكلام طوالي وصلني وطول الطريق ساكتين ،، دخلت غرفتي ما أتكلمت مع أي زول حسيت أني حأنهار بس أتماسكت وقلت ما عاش اليكسرني بكلمة أو فعل 💓 ،، للمرة التانية أتصل علي رقم غريب ما رديت بس لاحظت أنو بعد العشاء تاني أتصل نفس الرقم رديت عليه قلت ليهو ياسر أنا ما بحبك يااخ هو الحب بالغصب ؟! ومش قلت انا بتاعت اولاد وبلعب عليهم يااخ أي ممكن تاني ما تتصل على الرقم ده ؟! كنت متوقعة منو رد بس الخط فصل قلت أخيراً حس ،، وياسر بالجد بستحق الأحسن مني ،، فمهما كان ما حأخليهو إتعشم اني حأحبو في يوم وهو أخوي وأكتر والأحسن يشوف مستقبلوا بعيد مني ،، لأنو اي زول يقرب مني بتعادى بحظي السئ 💔
