وريف جرت ياسر من يدو وطلعوا بره المستشفى قالت ليهو أنت قلت لي رفقة شنو ؟! قال ليها أنا السبب في الحصل ده كلو ،، لو حصلت ليها حاجة انا حأموت 💔 قالت ليهو قلت ليها شنو يااا ياسر ،،حكى ليها أي حاجة وقال ليها ده الشيطان ،، كنت بتكلم مع أحمد قالت ليهو أحمد منو ،، قال ليها خطيبها الأخير وقال لي كلام ما حلو عنها وقلت أمشيهو واوافقو بس 💔 قالت ليهو أنت جادي ،، رفقة دي أختك قبل أي حاجة وبدل تدافع عنها 💔 تاني حأخجل أقول أنك أخوي ،، راغب بعد طلع من المكتب الدكتور طلع بره ،، عشان يقدر يفكر واستوعب الموضوع ،، وشاف ياسر ووريف بتكلموا وكان سامعهم بس هم ما شافوا ،، بعد ياسر خلص ،، مشى عليهو وضربوا قال ليهو أنت واحد حقير وواطي يا ياسر ،، واصلا مافي حاجة بتجمعك بأحمد بس الطيور على أشكالها تقع ،، وريف قالت ليهو خلاص يا راغب حيموت في يدك قال ليهو واختي البتموت جوه دي ما بتهمكم صااح ،، رمى الدبلة لوريف وقال ليها انا ما مفروض أعمل كده بس كل ما أشوفك حأتذكر ياسر واي حاجة حصلت ،، رفقة دي روحي ما بساوم على حياتها وسعادتها وانت يا ياسر كان شفتك تاني قدامي حأقتلك ومافي زول حيحلك مني وأياااك تجي هنا أياك ،، دخل خلى وريف مصدومة وياسر ببكي ،، ياسر قال ليها اعفي لي انا السبب قالت ليهو اي حاجة انتهت خلاص💔
العملية اتقررت يوم الاحد وطول الايام دي ما فتحت بس كنت بسمع الاصوات واحيانا بميز واحياناً لااا ،، وبابا كان كل يوم بجي بتكلم معاي وبدعي لي
جاء يوم العملية الدكتور قال ليهم اتطمنوا إن شاء الله خير ،، رونق قالت ليهو إن شاء الله ،،، العملية أستغرقت سااعتين ،، بعد طلع قال ليهم العملية كانت ناجحة بس ... ، قالوا ليهو بس شنو يا دكتور قال ليهم احتمال تفتح بعد يومين ، اسبوع أو سنة بس أنتو أدعوا ليها ،، كلهم دخلوا في حالة هستيرية وياسر لمن عرف طوااالي مشى لي أحمد قال ليهو أحمد رفقة احتمال ما تصحى تاني كده أنت مبسوط قال ليهو وانا أعمل ليك شنو قال ليهو كيف يعني ؟! قال ليهو كانت عايزة تجاكرني وجاتني في عرسي وكانت حتفضحني قال ليهو أنت مجنون رفقة ما كانت عارفاك أصلا حتتزوج بس مرتك صحبت أختي وجات معاهاا ،، أنت عارف قالت نهائي ما حتفضحك إحتمال أنت أتغيرت وربنا هداك بس انت زي ما أنت ،، وبعدين أنت صاحبتني لشنو خليت حياتي مكركبة واتقلبت💔 قال ليهو يعني ما عارف ،، أختك من شفتها في العرس دخلت مزاجي وقلت حأجيبها ووصلني ليك فادي قال عندو تار وجبتها يا ياسر قال ليهو تقصد شنو قال ليهو انت وفهمك بت وحيدة وخطوبتها أتفسخت بدون سبب واضح وحزينة أكيد عايزة البواسيها ياسر قال ليهو انت انسان مريض يا احمد وطوالي ركب عربيتو واتحرك على البيت،، مشى غرفة وريف لقاها قافلاها بجوه قال ليها انا ياسر أفتحي ،، فتحت ليهو ،، قالت ليهو انا ما غلطت يا ياسر والله ما غلطت في حاجة ،، قال ليها أهدي وأحكي لي فتحت ليهو رسالة في التلفون مكتوب فيها حأشوه سمعتك وخطيبك في عمرو ما حيفكر يرجع ليك قال ليها ده أحمد قالت ليهو اي بعد طلعنا من المستشفى لاقاني وقال عايز اواسيني وانو راغب فرط فيني واديتو كف وقال لي حتندمي قال لي البحصل ليكم ده كلو بسببي 💔 ،، ياسر مشى فتح بلاغ في أحمد بتهمة التهديد وقال لي أحمد تاني ما أشوف وشك ومرتو رفعت فيهو دعوة طلاق قالت ما بتقعد معاهو في بيت واحد ،، ياسر قال ليهو شايف حق أخواتي ما بضيع 😊
تاني يوم الممرضة نادت رونق قالت ليها الحاجات دي لقوهم مع المريضة وقت الحادث ،، كان عبارة عن كيس هدايا وأي زول هديتو مكتوب فيها أسمو رونق أدتو لراغب ،، أدى أي زول هديتو وخالتو فاطمة وميان وقصي الما أنقطعوا من الجية نهائي من يوم الحادث ،، أما ساعتو الجبتها ليهو ما بطلعها نهائي 🍂
