وريف جاتني بعد الضهر واليوم كان جمعة قالت لي يا بت مالك بقيتي كده قلت ليها كيف قال لي زي الضعفتي قلت ليها أحلفي قالت لي والله قلت ليها وهو المطلوب ،، قلت ليها أقعدي أظبط الكيكة والمنفوش واظبط ليكم القهوة قالت لي بجي بساعدك قلت ليها يلااا ،، قسمنا الشغل انا عملت الكيك والقهوة وهي المنفوش والشاي قلت ليها احياناً الزول بستفيد منك ،، راغب جاء لقانا شغالين قال لي بتعملوا في شنو قلت ليهو عايزة أعمل ليكم قعدة انا وانت والحاج والمزة دي وحنضرب لي ياسر قالت لي جاادة؟! قلت ليها ما بهظر أنا أضربي ليهو ،، راغب قال لي وريف بعد تضربي لي ياسر عايزك في موضوع قلت ليهم ايوة بقيتوا كده 🌚،، بعد ما جات نقلنا الحاجات،، طلعنا السطوح فوق فيهو مظلة وجلسة خليجية قلت ليهم ما تنكدو علي اليوم الظابط ده 🔥 ،، ياسر طول اللمة ما اتكلم قلت ليهو خير مالك ؟؟! قال لي لا ولا حاجة حاولت اخلي الجو حلو بس ما قدرت سكت خليتو ،، قلت لي وريف جيبي الجردل ده بالله بقيت أدق وأغني وراغب يضحك قال لي حسك حماري شديد 😂😂😭 قلت ليهو عارفة بس ما ممكن أقعد ساكتة يااخ ،، ياسر قال لي صدعتي بينا ما ممكن قلت ليهو طيب غني أنتي يا اب صوت سمح ،، وريف قالت لي ما تستهيني بيهو صوتو خنفشاري قلت ليها نسمع ونحكم ،، قال ما بغني وما حافظ اساسا وريف بقت تحنس فيهو قال ليها لا قلت ليهو اصلا ما مشكلة ،، وريف قالت لينا بالمناسبة دي ياسر قرر يخطب قلت ليهو دي منو تعيسة الحظ دي ،، ابوي استأذن قال بعد كده دي امور شباب وأنا عندي شغل قلت ليهو كويس ،، ياسر قال لي انا ما عارف رأيها ومشينا تعارف بس قلت ليهو أخيرا حيكون عندنا عرس والزول يفرفش ويلا هي محظوظة بيك جداً ويبختها 💓 راغب قال ليهو كان تخلي اخوك الكبير يعرس اول ما حرام عليك قال ليهو شد حيلك بس قال ليهو والعرس متين قال ليهو في عيد الأضحى ،، قلت ليهو بعد شهرين بتبااالغ يا ياسر انا ما عندي فساتين واكسسوارات وشعري لااااا 😪 قال لي انتي و وريف متكفل بيكم وحتى الكوفير ما تشيلوا هم علي انا،، راغب قال ليهو انا ان شاءالله حأكون بعدك بأسبوع وريف قالت لينا استأذن قلت ليها اسي قال انتي اهدي وابردي كدي استغفري واقعدي يااخ 😂😂 قلت لي وريف ما قلتو لي العروس منو ؟! ياسر قال لي علا ،، ما قدرت أمسك نفس وبقيت بضحك قلت ليهو علا علا 😂 بت عمك 😭😂 ما قادرة ما أضحك صراحة معليش بس علااا يا زين ما أخترت والله ما كنت متخيلة تختار واحدة بتشبهك ،، نفس طريقة الكلام والغتاتة omg 😪😂 لكن بالجد فرحت ليك من قلبي وعلا حلووة ربنا يهنيك يااخ قال لي اللهم آمين ،، ويلا يخوانا أنا استأذن بعد كده قلت ليهو لو زعلت آسفة انا ما عايزة قعدتنا تخرب أقعد يااخ لعبنا لعبة الورق والغاز لحدي المغرب ،، قلت ليهم انا اتبسطت وحنكررها كتير 😘 ياسر استأذن وقال عايزني في حاجة قلت ليهو اها قال لي آسف قلت ليهو على شنو وما بيناتنا يااخ قال لي يعني ديك كلها تمثيلية ؟! قلت ليهو اسمعني هي تقدر تقول كده بس اول زعلت بالجد تاني كنت عايزة اخليك تشوف حياتك بعيد مني قال لي خير يا زولة ....
________
هل ليوم فات عشقاً أن يعود ؟!♡
