بقيت مستنياهم في الشارع واضرب لي اي زول براه ،، راغب طلع قال لي نزلنا خلي الشفقة واهدي وعلى فكرة حيكون في تصوير قلت ليهو لي ما قلت لي 😭 كان اتجهزت قال لي كده طالعة حلوة 💓 ،، ابوي قال لي فخور بيك شديد أنا زي امك بالضبط بتحبي تتعبي في الحاجة براك عارفاها كانت بتقول "أحلى حاجة في النجاح الصعوبات والوقعات الفيهو دي البتخليك تحس بحلاوة نجاحك وانك أجتهدت وثابرت ووصلت" قلت ليهو دي أحلى حاجة أتقالت لي الليلة أني شبه ماما 💓 ،، ميان وخالتو فاطمة وماما اميرة وبتها في عربية وريف قصي وياسر ورونق في عربية راغب ،، وانا وبابا وخالتي 💓 ،، وصلنا لقينا كمية من الناس ،، بابا قال لي يلا اليوم ده حقك 💓 نزلت وتصوير مبالغة ،، وقالوا أقطع الشريط أديت بابا فهو ليهو الفضل هو وماما بأي حاجة وصلت ليها 💓🍂 حسيت بيهو حيبكي بس كان ثابت ،،، وطبعاً اليوم كان مفتوح والطلبات مجانية ،، أشتغلت انا ووريف قبل يومين كل انواع الحلوياات والفطائر ،، ياسر قال لي مبروك نجاحك قلت ليهو نجاحنا لأنو الحاصل ده تم بمجهود منك معاي 💓 قال لي ما عملت حاجة انا ،، قلت ليهو والله مالك طالع حلو كده كنت عارف انو في تصوير ولا عشان علا هنا قال لي الاتنين 😂💓 قلت ليهو خير ،، والخالة الكنا بنشرب عندها جبتها تشتغل معاي عسى ولعل أقدر أساعدها 💓🍂 رونق قالت لي أنجزتي ده كلو من وراي قلت ليها رأيك شنو ؟ مفاجأة ولا لا قالت لي مبالغة وربنا يوفقك ،،، جاتني واحدة كانت بتصور قالت عايزة تعمل مقابلة معاي قلت ليها طوالي ،، الأسئلة الروتينية أسمك والساعدك منو قلت ليها العائلة كلها حرفياً وقفت معاي 💓،، قالت لي ورؤيتك المستقبلية شنو؟! قلت ليها إن شاء الله حيكبر وحيبقى عالمي بإذن الله وحالياً حيكون فيهو برامج ،، قالت لي زي شنو ،، قلت ليها ليالي غنائية وشعرية 💓 قالت لي جميل وبتمنى ليك التوفيق قلت ليها آمين 💓
،، قصي قال لي أحلى حاجة فيك ثقتك بنفسك قلت ليهو وانا كمان عاجباني لأني وصلتها بعد تعب قال لي ما شاءالله قلت ليهو تسلم ،، قال لي على فكرة أنا كنت زيك كده ما عندي ثقة في نفسي وأقل حاجة بجوط وبعصب وبكسر أي حاجة قدامي ،، وزي موقفك القبيل لمن اديتيني كباية الموية كنت حأقول أنك شفقانة عليّ وأقل الاحتمالات أني حأطردك من البيت ده لو ما ضربتك وجرحتك بنفس الكباية ،، قلت ليهو والحصل شنو غيرك ،، قال لي بقيت بعاين للأمور من وجهة نظر تانية ومهما كان حتلقي الناس البستفزوك ويحبطوك بس الفن في انك تتعاملي معاهم كيف قلت ليهو نفس الحصل مع خطيبي وطوالي فسختها قال لي أحسن قرار ،، مهما كنت بتقدري تنجزي انا لقيت الناس البتقول لي أنت مقعد حتعمل شنو ؟! صاح أنا مشلول بس الأطراف السفلية يعني ما عقلي اشتغلت مع منظمات وشركات كتيرة في قطر ،، قلت ليهو ده الإنجاز الحقيقي بالجد ما شاء الله عليك ،، قال لي حأقول ليك حاجة طالما مشيتي بيها أمورك بتظبط ، "اسمعي كلام عقلك .. قلت ليهو وطبعاً القلب والعاطفة جحيم . قلت ليهو ما بصدق سمعت بالصدف بس أول مرة أعيشها قال لي أنتي ... قلت ليهو الرقم الغريب الاتصل علي والعرف جزو من حياتي ورسل لي الرسالة دي ده أنت قال لي سبحان الله ياخ ،، قلت ليهو ما اتخيلت بعمري اشوفك او اعرفك حتى ،، وضحك ،، لمن ركزنا لقينا العيلتين مركزين معانا قالوا لينا واصلوا خالتو فاطمة قالت لي الله يسعدك يا بتي أول مرة اشوف قصي بضحك كده من سنين ،، قلت ليها خليو معاي كمان شهر حتلقيهو جن وبتبسم الوقت كلو براو قالت لي طوالي 😂 ،، راغب قال لينا اسكتوا دقيقة ،، بالمناسبة السعيدة دي عايز اخليهم مناسبتين ،، طلع الدبلة ومشى لي وريف وهي تبكي قلت ليها يا بت أنتي هبلة مدي يدك دي وهي برضو لبستو قلت ليهم ما حأنسى اليوم ده خاالص ،، ابوي قال لينا كبرتو والله وبكى وبكينا معاه والبعرفنا والما بعرفنا بكى معانا ...💓
_____
أحلامك عشان تقدر تصلها وتحققها أول حاجة آمن بيها وآمن بأنو عندك القدرة تحققها ♡❀
