اي واحد اختار البت المربط معاها الا وريف مع واحد دفعتها وفادي قالوا في بت ما جات واضطريت أكون معاه ،، قال لي ربنا بحبني يااخ قلت ليهو بالنسبة قال لي شريكتي قلت ليهو كلها رقصة ما تامة الدقيقة فشنو أستكين 😘 قال لي لاااا معقولة دي تجي منك قلت ليهو بتعرف راغب اخوي وطبعوا صاح 🙂 يلا انا بت أخوي 💓🔥 ما تحاول تلعب معاي قال لي حاضر يا ستي ،، كنا بندرب للمغرب وتمني مشت خلتنا من العصر مشت الكوفير ونحنا كشباين العريس أتكفل بمكياجنا وأي حاجة شعر ، لبس قلت لي وريف تاني كان عندك اي عرس اضربي لي بجيك 😌 قلت ليها ما صدقتي طبعاً اي شئ مجان 🐸 قلت ليها بحبك للأبد بعد أتجهزنا اتصورنا اوت دور وقلت ليهم حيكون عرس في الذاكرة والله ،، مشينا الصالة ونفذنا الفكرة بس المفاجأة كانت بالنسبة لي العريس بقيت بضحك براي وريف قالت لي مالك قلت ليها فعلا عرس في الذاكرة 😂 قلت ليها كشفي للعريس بالله قالت لي أحمددد خطيبك!!! واااي مبالغة 🙂 قلت ليها الكان حاليا زوج صحبتك 😂😂 قالت لي ما عندك قلب والله قلت ليها وهو كذلك المهم أرح نتفرج ،، طبعا العروس قالت الا ترقص سالسا هي اصلا بتعرف وأحمد كمان فـبس ضحكتها وفرحتها الفي عيونها خلتني ما اتكلم معاها عن احمد وهو شنو قلت احتمال اتغير بعد الحفلة خلصت وريف ضربت لياسر يجي يسوقنا قال ليها ما شغال معاكم والله وانا اباريكم وفارغتكم دي زمني حيضيع اخدت منها التلفون قلت ليهو عاين بنجي برانا وقفلت الخط قلت ليها تاني عشان تجي بعربيتك نستاهل قالت لي خلاص نحنا حنمشي كيف قلت ليها ما عارفة بس اهم حاجة كرامتنا ما بسمح لزول يذلني فادي سمعنا وقال حيوصلنا قلت ليهو لالا بنمشي قال نفسو ما بتسمح ليهو مشي يجيب العربية بركنها بعيد المهم اتعاقبو هو وياسر انا ابيت اركب معاهو وركبت مع فادي ووريف مع أخوها فادي قال لي يا زين ما اخترتي قلت ليهو كلمة تانية وحأنزل 🌚 قال لي خلاص طول الطريق ساكتين لحدي ما وصلنا قال لي تصبحي على خير وعلى فكرة عندك عقل ما شاءالله أصرفي ذكاءك بحكمة قلت ليهو دواء هو !! قال لي مع السلامة .
مع دخلتي لقيت ياسر مستنيني قال لي كيف تركبي مع واحد غريب وبراك نص الليل ؟! ما حبيت اتكلم قدامو واحرجك مسكني من يدي وضغط عليها شديد قال لي ، لي بتعملي كده بتحبي تعاندي في أي حاجة ومافي زول مالي عينك ! رفقة أمشي عديل سامعة وفكي درب الاولاد ده وأطلعي فوق لي وريف وما أشوف وشك طول ما انتي قاعدة قلت ليهو حاضر بس أعرف يا ياسر كنت حاجة كبيرة في حياتي بس حالياً أستصغرتك شديد وعرفت الصورة الخاتيها عني في مخيلتك وأوعدك تاني نهائي ما حتشوفني ولا تسمع صوتي 💔 ،، طلعت فوق لوريف قالت لي ملامحك مالها متغيرة قلت ليها إرهاق بس 😪 مسكت تلفوني ضربت لي راغب أخوي قال لي رفقة حبيبي أخيرا اتذكرتيني قلت ليهو اشتقت ليك شدديد انا ،، انت صحبي وسندي الوحيد 💓 وبقيت ابكي قال لي ده كلو شوق قلت ليهو اكييد وبكرة جاياكم فشنو جهزوا لي البيت قال لي حااضر بس مش كان مفروض قلتي اسبوع قلت ليهو مليت بس قال لي ما مشكلة 💓 قفلت منو لقيت وريف بتعاين لي قالت لي ياسر اتكلم معاك قلت ليها لا قالت لي خليك متأكدة انا كان معصب بس لكن هو للآن باقي عليك وحركتك ما عجبتو قلت ليهو العصبية ما معناها اتجاوز حدودو معاي ،، وهو عموما قال الفي قلبوا وأي حاجة اتوضحت والعايزني تاني يجيني في بيتنا قالت لي لو ما كلمت أمي قلت ليها خلي حركات الشفع انا عايزة انوم وما عندي مزاج للنقاش 💓 تصبحي على خير ♡
