صحيت بكل النشاط الفي الدنيا والفطور جنبي،، بعد فطرت راغب قال لي حاسة نفسك كويسة قلت ليهو جدا جدا الحمدلله قال لي وكمان مبسوطة أن شاء الله دائماً كده قلت ليهو عندك حاجة عايز تقولها ولا حاجة؟! قال لي أي قلت ليهو أحكي وما ح اتأثر إذا خايف من الحاجة دي قال لي بس عايز أختك في الصورة وتعرفي أنو أنا ووريف فسخنا الخطوبة قلت ليهو والسبب قال لي ما حأقدر أقولوا ليك أسى قلت ليهو أنت قلت لي الكبيرة فقول عادي قال لي خلاص يااخ قلت ليهو بسببي أنا وياسر صااح؟ ما رد قلت ليهو لو ده السبب خليك عارف أنك في حياتك ما حبيت وريف، وأفضل ليها أنك فسخت الخطوبة قال لي أنتي شاهدة انا بحبها ولا لا لكن لمن حاجة تتعلق بيك أنتي مستحيل أقعد أتفرج بس قلت ليهو ووريف الدخلها شنو ،،بتخاف على زيك كده ما تعاقب زول على حساب جريمة زول تاني أنا حأعتبر غلطان لحدي ما ترجعها ظابط؟ قال لي لعب عيال هو قلت ليهو ما حأرد عليك لأنك أنسان واعي وعاقل وبالله أقفل الباب معاك وأنت طالع وقول ليهم مافي زول يجيني خالص 🙂 بقيت سارحة في السقف وبيني وبين نفسي قلت المواضيع لي أتشربكت كده! وعاجزة عن أني أعمل أي حاجة وأخواني ما قادرة أقيف معاهم وده أبشع شعور في العالم....
تحت كان في راغب قاعد وسرحان رونق قالت ليهو مالك، حكى ليها بكلامي كلو قالت ليهو فعلا غلطان ووريف دي لو فرطت فيها ما حتلقاها تاني،، دخل عليهم قصي ومعاهو راجل كده قال ليهم ده المعالج الفيزيائي حيبدأ الجلسات مع رفقة قال،، سمعت صوت غرفتي بدق قلت ليهم مش أنا قلت ليكم مافي زول يجيني قال لي حتى أنا ما أدخل كان صوت قصي قلت ليهو أتفضل،، هو والراجل المعاهو وشرح لي حيعمل شنو وكده كان عايز أطلع قلت ليهو ممكن تقعد؟ ودموعي جرت ما عارفة العلاقة بينو وبين دموعي شنو الإنسان ده قال لي حأقعد تحت لحدي يخلص حأجيك،، غرفتي بعد الحادث حولها لي الطابق الأرضي عشان الحركة بالكرسي تكون لي ساهلة و رضيت بعد تحنيس،، الراجل بعد خلص جاني قصي قال لي ها أول يوم في العلاج كيف؟ قلت ليهو صعب يااخ وانت أبيت تقعد قال لي لو قعدت كنت حتقلبيها بكى قلت ليهو حقيقي ده الحيحصل،، وعلى فكرة بفكر أمشي أتعالج برة وأسافر مع رونق قال لي البريحك بس يا زولة،، قلت ليهو حيكون تغير جو أكتر من أنو علاج قال لي موفقة قلت ليهو تمام،، ما أتوقعت يكون ده ردوا قلت ليهو كويس يا قصي أقوم بس وأردح ليك قال لي لو مجنونة وريني عديل عشان نحجزك، أسى أنا سألتك قلت ليهو يلا من غير مطرود قال لي ماشي،، سمعتوا بتكلم مع راغب بره قاليهو الفترة دي حتكون حساسة زيادة عن اللزوم بسبب المرض حاولوا أتماشوا معاها وما تحسسوها أنكم شفقانين عليها واتمنى تفحصوا ليها النظر لأنو برضو بأثر عليهو،، كنت سامعة كل كلمة بقولها ما كنت عارفة أشكروا كيف وهل حيجي يوم أرد ليهو الدين ولا لا بس هو مريح للأبد ♥️
