الصباح خالتو جات صحتنا قالت لي كر علي يا بتي نايمة بملابس الحفلة ما متعودة على التعب ده كلو بسبب وريف ،، وريف قالت ليها ايوة انا ما شماعتكم قلت لي خالتو فعلا والله لي سنين ما حضرت حفلات وساهرت كده قالت لي لو قعدتي مع البت دي كل يوم حفلة وخروجات قلت ليها احسن ليها من الحبسة ،، خالتو قالت لي اها ما قررتي تجي تقعدي معانا نهائي قلت ليها ما بقدر اخلي راغب ،، راغب بتقوى بي وانا كمان و ما حأسيبوا براهو قالت لي ما مشكلة البريحك وانزلوا أشربوا الشاي لانكم بعد شوية حتقولوا طالعين قلت لي وريف طالعين وين؟! قالت لي حنمشي النادي حنشوف الحنك حق الزفاف والحفلة وحتمشي معاي وحنشيل حاجاتنا معانا قلت ليها كويس نزلنا تحت لقيت ياسر قاعد قلت ليهو الاخ الدرامي قال لي مشتااقين امس امي ما ادتنا فرقة نسلم عليك قلت ليهو انا زاتي طولت منك شدديد ي كعب ما بتجينا ولا بتسأل قال لي قاعد أصنع في المجد حالياً ما فاضي 😌 قلت ليهو دقيقة دقيقة بس اشرب الشاي وعايزة اتونس معاك بمزاج 🔥 قال لي دسيس بتلقيني في الجنينة البورا قلت ليهو كويس وريف قالت لي انتي خاينة قلت ليها لا ياسر ذكي وفاهم عندي افكار عايزة اشوف رايو قالت لي بس بسرعة عشان ما نتأخر قلت ليها من عيوني 💓
___________
"ياسر أخو وريف عمرو 22 سنة بقرا صيدلة وعقلو متفتح واكبر من عمرو دايما بستشيروا في حاجات كتيرة وكان زمان عايزني بس انا الفضلت نبقى كده عشان البينا ما يخرب "
___________
مشيت ليهو في الجنينة كان شغال باللابتوب قال لي اتأخرتي قلت ليهو عرفتني كيف قال لي حسيت قلت ليهو طيب ركز معاي ،، صلح نظارتو وقفل اللابتوب بتأني كده وقال لي والله بكل حواسي احكي وريتو أفكاري كلها والاقتراحات الجاتني ،، طلع النظارة وبقى بعاين لي قال لي ممكن أقول أنها جيدة جدا بس ما ممتازة مفروض تعدلي بعض الحاجات ،، وفي حاجات تكنصليها وانا ما حأقولها ليك ناو حاولي اكتبها في ورقة ورتبيها وبراك حتعرفي تعدلي انا عارفك انتي شنو ❤️ بحب ثقتو فيني 💓 قلت ليها ؤا عاقل يا رزين أنت حأفكر في كلامك يلا ما أشغلك قال لي قاعدة معانا كم قلت ليهو زهجت مني قال لي جاوبي وما عليك قلت ليهو اسبوع او اسبوعين قال لي ظابط عندي مشروع حأستعين بيك فيهو أحسن من الحفلات والكلام الفارغ قلت ليهو خير يا عم الما فارغ 😂😂 قال لي يلا من هنا ،، مشيت لـوريف قلت ليها اها كيف وكيف قالت لي انا جهزت بس مستنياك قلت ليها انا حألبس عبايتي بس قالت لي اوك ،، طلعنا مشينا النادي كان في العروس وصحباتها واصحابها وكان من ضمنهم فادي سلمت عليهم وقلت ليهم انا زي الاطرش في الزفة وما فاهمة أي حاجة ،، رد لي فادي قال عايزين يعملوا حركة لحفلة الزفاف وعايزين افكار وريف قالت ليهو واهو جبت ليكم أم الأفكار لحدي عندكم 😌قلت ليهم بالجد كده كلامها صاح بقو بضحكو قلت ليهم ثواني العريس الأنا ما عارفة اسمو منو للان حيدخل أول وحيستنى تمني في الصالة بعدها حتدخلو انتو طبعا الاولاد براهم والبنات براهم في واحد من اصحابها قال لي لا ده ظلم قلت ليهو أصبر أخلص حتتقسموا لثنائيات والعروس حتجي داخلة مع أبوها لمن تصل قريب الثنائي الاول حتكون في موسيقى سالسا شغالة فحيرقصوا عليها وبعدين يفتحوا ليها الطريق وهكذا لحدي ما تصل للعريس قلت ليهم بليز قولو بتعرفوا ترقصوها لقيتهم بعاينو لي كده 😲😳🙂 قلت ليهم تيك ات ايزي بيبس بتعرفوا ترقصوا سلو ؟😂😂 كلهم قالوا اي قلت ليهم اذا ما حتتعبوا فيها بس ايقاعاتها وحركاتها سريعة حتستمتعوا 😂💓 فادي قال لي الله الله خطيرة يااه قلت ليه كيف ياا اعجبك قلت ليهم قوموا إلى تدريبكم يرحمكم الله😂 وريف قالت لي بس الثنائيات قلت ليها اي زول يختار شريكو .........
