ياسر ضرب لي من الصباح قال لي ،، تمشي المحل أسي في مفاجأة هناك قلت ليهو في شنو ما رد وقفل الخط ،، صحيت وريف قلت لي قومي يلااا ياسر قال نمشي المحل قالت لي أمشي قلت ليها ما حألقى مواصلات وحتوصليني بعربيتك ،، قامت بعد تعب قالت لي ده آخر يوم لي معاك يومك ويوم ياسر يااخ 😑 قلت ليها أجهزي بسرعة ،، جهزت بعد ساعة وقالت لي يلا قلت ليها أخيراً ،، وصلنا المحل ،، لمن دخلت كأنوا ياسر دخل مخي وشاف تخيلي للمحل ،، قال لي هااا قلت ليهو ياسر وبكيت قال لي لو عارف ما كان قلت ليك تجي قلت ليهو واو ما عارفة اشكرك كيف ،، وما حأعرف والله ،، وريف قالت ليهو ياسر ود الـ زوقك طلع خورااافي ياااخ مبالغة ،، تتهني بيهو يا قلبي تستاهلي ،، ياسر قال لي أكيد ما لاحظتي للأسم قالت ليهو ماااا جادي حتى الأسم طلعت شفت اللافتة "خندريس" ، قلت ليهو عرفت كيف أني حأختار الأسم ده قال لي أنتي ناسية مسجلك بمنو قلت ليهو خندريس 💓 يعني يا ياسر ما قصرت وكل كلمات الشكر ما حتكفي ،، قال لي بعد كده كل العليك أنك تنزلي تشتغلي وتبدعي بس ،، والمحل الجنبك ده أشتريتو وحأفتتحو قريب ،، قلت ليهو ما حصلت مشاكل وقت البيع قال لي ابداً أتسهلت شديد ،، أنا أخدت أول مرتب من راغب ومكافأة والقروش الفي البنك أما حاجات الكافي كلها جابها ياسر حتى الفرن والحاجات الكهربائية 💓 قلت ليهو لو تعرف يااخ انا طايرة من الفرح قال لي ما بيناتنا وانا اخوك قبل أي شئ ،، والافتتاح حيكون متين قلت ليهو بعد رورو تجي طبعاً وحتصل الليلة،،، يعني ممكن نقول الاسبوع الجاي 💓 قال لي ربنا يسهل ،، يلا انا ماشي الشغل ،، قلت لي وريف أخوك ده عسل وانا ما بستاهل ده كلو قالت لي تستاهلي ونص وخمسة 💓 نحن أخوانك يهبلة قلت ليها أحلى اخوان والله 🍂 رجعنا البيت قريب العصر من المحل مشينا البحر ولقينا ناس بعملوا في سمك فضلونا وقعدنا معاهم 😘 ولفينا بالعربية حتى رجعنا ،، لقيت راغب جاء قال لينا وين من الصباح قلت ليهو كنا في المحل قال لينا معقولة للعصر وريف ما بتحب تكذب عليه قالت ليهو أي حاجة عملناها خلال اليوم قلت ليها أصيلة والله ،، قال لي أختك دي جاية ما عايزة تجهزي ليها حاجة حأمشي أستقبلها بعد صلاة العشاء قلت ليهو في زمن كافي حأجهز أي حاجة ،، بس بطل الاستجوابات دي 🌚 قال لي كويس ،، مشينا فوق غيرنا وعلى المطبخ طوالي قلت لي وريف أكتر حاجة بتحبي تعمليها شنو قالت لي الفطائر ،، قلت ليها لازم تعمليها على نوعين عندك النوتيلا والجبنة وانا حأعمل كب كيك وكنافة قالت لي ظابط ،،، أنتهيا قريب للعشاء ،، وطوالي مشينا رتبا ليهم غرفتهم قلت لي وريف البت الزفتة دي ليها خمسة سنوات ما جات كأنها عشرة والله قالت لي والله انا زاتي اشتقت ليها ،، قلت ليها رأيك شنو نضرب لي ميان ،، قالت لي حتخلي أمها براها قلت ليها ما أظن زي المعاهم زول تالت قال لي ما دام متأكدة اضربي ليها ،، في أقل من خمسة دقائق لقيناها معانا قالت لينا من قبيل بفكر اطلع بس ما عارفة وين ،، انقذتوني من الملل ،، قالت لي عندكم مناسبة ولا حاجة قلت ليها لاا بس أختي جاية من فرنسا ،، قالت لي لالا تمام تصل بالسلامة 💓 خلصتو التجهيزات يعني قلت ليها اي انا لو اتذكرتك قبيل كنت هلكتك بس الله ريحك قالت لي تعبك راحة ،، شوية كده وجو داخلين راغب ورونق جريت عليهاا قلت ليها السودان نور والله مشتاقين شديد شلت منها حان ضميتها شديد ويوسف قلت ليهم حبايب خالتو 😭💓 رونق فيها من ماما كتير 💓 ،، وعرفت رونق على ميان ،، ميان قالت لي حان دي بتشبهك شديد ،، قلت ليها أنا بالحلاوة دي يعني ،، حتى لوني الأسمر ماخداهو والشعر وكل تفاصيلها ،، مشينا المطبخ أنا وميان ووريف جهزنا العشاء والعصير والشاي ،، رونق قالت لينا ده كلو لي ،، ما بقدر يااخ ،،قلت ليها أويس مش كان جاي معاك قلت ليها فعلا بس عندو شغل كتير قلت ليها ربنا يساعدو ،، وديتها غرفتها وميان قالت ماشة شيلتها فطائر وكيك لخالتو فاطمة قالت لي تسلمي قلت ليها العفو يااخ ❤️
