سألت رونق قلت ليها السفر متين قالت لي الأحد قلت ليها مالوا قريب كده أسى انا أجهز نفسي في تلاتة ايام كيف قالت لي يعني موافقة تسافري قلت ليها اي جهزي لي حاجاتي لمن بابا جاء بالمساء كلمتو قال ليها الحمدلله انها وافقت ياااخ قلت ليهو حأجيكم وانا بمشي أن شاء الله،، راغب قال لي وهو كذلك عاينت ليهو بس ما رديت عليو،، ضربت لي وريف قلت ليها تجي تقعد معاي الأيام دي قبل أسافر ولي ميان بس تلفونه مغلق ضربت لقصي قلت ليهو قول لي ميان تجي تقعد معاي يومين بس حأسرقها منكم قال لي ما عايزة تسرقيني أنا قلت ليهو أعمل بيك شنو كمان قال لي عشان تبكي براحتك قلت ليهو لو سمحت كلم ميان وأقطع وشك يا ظريف قال لي حاضر 💘،، ميان جاتني من بالليل وريف جات اليوم التاني هي وخالتو قلت ليهم بدري قالت لي بدري من عمرك قلت ليهم عايزة أطلع الصالة ساعدوني أقعد في الكرسي وقعدت برة وقعدنا نتونس للمغرب، راغب جاء داخل قال لينا لمة في الحرم أن شاء الله قلنا ليهو آمين،، ومن شاف خالتي مشى سلم عليها في رأسها ودي أكتر عادة حلوة عندو قلت ليهم أشعر بالغيرة جاء على وضماني قال لي ولا تغيري أها 😹❤️، ،كلهم قالوا ماشين أنوموا قعدت معاي وريف في التلفزيون قريب الساعة واحدة صباحاً،، حسيت بأنو رأسي حيتشق قلت ليها وريف رأسي ما قادرة قالت لي مالك وراغب كان نازل يشرب موية قال ليها رفقة مالها قالت ليهو قالت رأسها بوجعها قال ليها أمشي جيب الحبوب بتكون ما بلعتها الليلة،، بعد بلعتهم حتى حسيت بتحسن بس برضو كان بوجعني راغب شالني دخلني غرفتي و ريف قالت حتنوم معاي،، بعد حسيت أنو الصداع حيزيد وما قادرة أتكلم قلت ليها أتصلي على قصي،، قالت ليهو رفقة مصدعة وما قادرة تتكلم حالياً ما عارفة بس قالت لي أتصل عليك قال ليها تمام ممكن تختي التلفون جنبها أو لو عندها سماعات،، ركبت لي السماعة وبدأ يتلو في سورة يوسف الأنا بحبها جداً ♥️
صحيت لقيت وريف جنبي، ما حبيت أصحيها وقلت لازم أرجعهم لبعض هي وراغب،، فتحت قالت لي صحيتي متين قلت ليها قبل شوية قلت لي أصبحت كيف كويسة قلت ليها كويسة جداً قالت لي على فكرة راغب الليل كلو ما نام طالع ونازل قلت ليها يحليلو متعباكم معاي قالت لي أنتي هبلة وانا ما بتكلم معاك قلت ليها ماشي قالت لي وموضوع قصي ده شنو ها؟ قلت ليها مافي أي موضوع،، وبتقدري تساعديني أقعد في الكرسي ولا أضرب لي راغب عايزة أطلع يااخ قالت لي أضربي ليهو،، لمن جاء قال لي مالك حاسة بحاجة قلت ليهو أبرد مافي أي حاجة قال لي خفت عليك قلت احتمال حصلت ليك حاجة قلت ليهو عايزة أطلع بس قال لي كويس طيب،، قلت ليهو قبل أي شئ يا جوز اللوز لازم ترجعوا وأسي كمان،، وريف قالت لي بطلي وراغب قال لي عايزة تطلعي ولا أرجع أنوم قلت ليهم أنا لو زعلت حيجيني نفس الصداع وحأموت يرضيكم؟ راغب قال لي بعد الشر قلت ليهو أنت محسسني بالذنب وضميري مأنبني لاني السبب في الحصل وفكروا في الموضوع ولمن أرجع من السفر القاكم بأولادكم،، وريف عاينت لي بطرف عينها وطلعت 😹
راغب قال لي أوعدك حأفكر مشينا الهول،، وريف عملت الشاي حتى خالتو أتخلعت قالت ليها في البيت ما بتعملي كده قالت ليها عشان رفقة الكلبة بس قلت ليها حبيبي يااه 😹❤️ حأشتاق ليك والله،، ميان قالت لي وأنا ما بشتاقوا لي قلت ليها دي غيرة 😹 قالت لي بجد حتفرقي معاي قلت ليها أصبري حأجي وأكرهك، ،قالت لي حأستناك وريف قالت لينا بطلوا الدراما الرخيصة دي،، قلت ليهم ما عارفاهم بتغيروا على كده،، المهم بعدين أعملوا لينا برنامج ظابط لأخر يوم وكده قالوا لي زيت 😹،، قلت لي رونق بالمناسبة ماما أميرة وين قالت لي ده موضوع طويل وما عندي ليهو روح والله لمن يجي راغب ولا بابا أسأليهو قلت ليها ظابط بعد ينزلوا،، خالتو قالت لي ابوك نزل قبيل بس راغب رجع نام قلت ليها كويس....
