راغب صحى الضهرية كده قلت ليهو بدري قال لي بدري من عمرك، أمسيتي كيف قلت ليهو كويسة قال لي ورونق و وريف وين قلت ليهو بجهزوا في الشنط وميان في المطبخ،، قال لي كويس قلت ليهو أميرة وين قال لي فقدتيها يداب يعني قلت ليهو أي قال لي طيب يا ستي حأحكي ليك براحة،، في الفترة الكنتي في غيبوبة كانت عاملة أنها مهتمة بالمحل حقك هي وبتها وحاولت كتير أنها تزور أوراق عشان تسجلوا بأسم بتها وطبعاً الأكتشف الحاجة دي ياسر لأنو صيدليته هناك والخالة كانت بتحكي لي طوالي أنو بتحصل فيهو حاجات ما تمام وفي آخر مرة قالت خلت الشغل لأنها ما حتستحمل أميرة ومعاملتها،، قلت ليهو ما جادي وهم حالياً وين قال لي في المكان المفروض يكونوا فيهو السجن طبعاً قلت ليه والخالة وضعها كيف قلت ليها قلت ليها تقعد في البيت وانا متكفل بيها لحدي أموت♥️قلت ليهو خلينا من ده كلو المحل أقسم بالله نسيتو 💔قال لي في بنات شغالين أجرهم ياسر،، قلت ليهو ياسر برضو قال لي أحتمال حس بالذنب وحب يصلح أي حاجة خالتو سمعتنا قالت لينا ياسر ده ود بطني أنا وبعرفوا أكتر من نفسوا وعمروا ما بعمل حاجة ساي وأنتي آخر واحدة ممكن يأذيها قلت ليها بس يا خالتو قالت لي ما بس اسمعي منو وإذا هو بالجد غلطان أنا زاتي حأتبرا منو ليوم الدين ولا ولدي ولا حأعرفوا قلت ليها خلاص حأسمع منو،، راغب قال لي أنتي ما مضطرة تعملي حاجة ما عايزاهاا قلت ليهو وما من حقي أظلم زول ساي حتى لو الحالة الأنا فيها بسببو لي نمسك الخيط من النص خلينا نشوف الأطراف الباقية قال لي البريحك ♥️
أنت علاقتك شنو برفقة، مافي حاجة والله يا أمي،، ما حأقول ليك تعاطف لأنو هي قوية وأقوى مني بس حابي أقيف معاها لأنو أي شعور عايشاهو حالياً أنا مريت بيهو قبل كده وكان شديد على وكنت فاقد أنو زول يكون حاسي بي "فاقد الشئ يعطيه وبشدة" حأقيف معاها لحدي ما تمشي برجلها،، قالت ليهو يديك لمن يرضيك ياقصي،، قال ليها شوفي الصدفة دي،، شوفيها ضاربة لي،، قالت ليهو بت حلال،، قال لي أسى أنا وأمي كنا بنتكلم عنك قلت ليهو لو طريتو خزنة كان أحسن قال لي مافي أحسن منك قلت ليهو أنساني من الكلام القاطعوا من رأسك ده عازماك أنت وخالتو في بيتنا عاملين لمة وحتكون ناقصة بدونكم والله،، فأقل من دقيقة ألقاكم هنا قال لي طيب تمام.
بعد قفلت منو لقيت فادي ضارب لي قلت ليهو خير قال لي خيرين كنت حابي أقول ليك أني أتزوجت الأحسن منك لو كنت مستنيك كان أبتليت بيك وحدة معاقة زيك ما بتنفع معااي،، قلت ليهو أحسن أنا جسدياً وممكن أتعالج أو أتعايش مع المشكلة دي بس أنت يا فادي معاق عقلياً وحالتك ماشة لأسوأ صدقني وأبعد ما يكون أني أرد عليك بإساءة زيك،، قفل الخط ما عرفت أبكي ولا أضحك وكمية من المهزلة الكان حتكون في حياتي الحمدلله،، بعد شوية كلهم أتلموا في الحديقة القدامية وياسر جاء مع نهاية اللمة قال لي عايز أتكلم معاك لاحظت لقصي بعاين لي لمن هو كان بتكلم معاي قلت ليهو جداً،، بدأ يتكلم معاي قال لي سمعت انك مسافرة بكرة قلت ليهو فعلاً،، رفعت رأسي لقيتو ببكي قلت ليهو ياسر نحنا هنا عشان نتفاهم قال لي كل حاجة اتلخبطت ما كنت قاصد كده قلت ليهو أحكي وانا بسمعك قال لي أنا كنت عارف أنو أحمد دائماً كان بضايقك ولمن بحثت عنو عرفت أنو بتاع بنات وما بتم معاها أكتر من شهر ومعظمهم شكو منو وفي الرفع ضدو قضايا أنا كنت عايز أوقعوا هو وفادي بس أنا الوقعت وانتي اتأذيتي قلت ليهو أنا الاسفة والله فكرت فيك تفكير بعيد وغلط، أنا مسامحاك يا ياسر قال ليها وأنا أسامح نفسي كيف قلت ليهو أعرف أنك ما كنت غلطان أبداً،، بعد خلصنا مشينا تمينا قعدتنا مع الناس قصي قال لي أنتي كيف قلبك أبيض كده وقادرة تسامحي أي زول؟ قلت ليهو أخد الحياة ببساطة عشان ما تتعقد ليك وما تنسى ربنا قال:"والكاظمين الغيظ والعافين عن الناس" ♥️
