ياسر كان متعلق بهديتو شديد وكل ما يعاين ليها يتذكرني يبكي ولمن يجي المستشفى راغب بطردو بقى بقعد في البوابة وبضرب لي وريف كل لحظة يطمن القالت لي راغب انو فعلا علاقتهم اتقطعت بس بيني وبينها لا ❤️ انا كنت بسمع كل الناقشات والكلام وبكى ابوي ورونق ،،، الكافيه راغب خلى مسؤوليتو لخالتو محاسن ...
بعد شهر تحديداً وعيي بدى يرجع ،، وفتحت بصوت قصي وهو بقرأ لي قران نهائي ما حبيت اتكلم لحدي ما خلص ،، قلت ليهو صوتك مريح ❤️ قال لي رفقة !!! الحمدلله قلت ليهو الحصل لي شنو قال لي حصل ليك حادث وليك شهر في غيبوبة قلت ليهو بس انا كل يوم بسمع صوتك قبل يرد جات داخلة وريف قالت لي فتحتي وحضنتني قلت ليها حتقتليني 🌚 قالت لي انتي كويسة في حاجة بتوجعك ،، طيب دقيقة دقيقة انادي رونق وعمو قلت ليها أهدي انا كويسة وأمشي ناديهم ❤️ بابا قعد جنبي وقال لي الحمدلله شفتك بخير ورونق بس بتبكي قلت ليها انا كويسة يا هبلة يا بكاية قلت ليهم راغب وين قالوا ما عارفين ،، بعديها جونا الأهل كلهم وحمدلو لي السلاامة ،، لحدي ما وقت الزيارة أنتهى ،، جاء داخل الدكتور قال لي اها كيف قلت ليهو تمام بدأ يفحص رجولي بدأ باليمين وقال حاسة بيها هزيت ليهو رأسي ،، والشمال كان بطعن بس ابداً ما كنت حاسة بحاجة قال لي مع الوقت حترجع ما دائمة ،، قلت ليهو قدر أخف من قدر الحمدلله ❤️ لقيت قصي بعاين لي وشبه متأثر بالحصل لي ،، ده القدرت أفهموا من نظراتو قلت ليهو قصي انا كويسة وربنا أراد كده ،، ما رد علي وطلع بره ....
بعد ساعتين راغب جاء داخل قلت ليهو أشتقنا ❤️ قال لي يقلبي حمدلله على سلامتك قلت ليهو الله يسلمك قال لي يا ريتني كنت أنا بدلك قلت ليهو أنا كنت حأموت لو حصل ليك كده ،، وكنت وين الزمن ده كلو قال لي ابقي كويسة بس وأنا بحكي ليك أي حاجة في حاجات كتيرة حصلت ،، قلت ليهو أنا حالياً كويسة بس أنتو المقلقين 🌼🖇️ قال لي أسيبك ترتاحي قلت ليهو تمام ،، المساء جاني ياسر قلت ليهو الجابك هنا شنو ؟! قال لي رفقة اسمعيني حأقول شنو وتاني عمرك ما حتشوفي وشي قلت ليهو ياسر أطلع بره ،،، حسيت بصداع حيشق رأسي بقيت بتنهد ،، قال لي مالك قلت ليهو أطلع ،، قصي كان بي ورا الباب وسامع الكلام كلو لمن سمعني بتنهد دخل وقال لي ياسر أنت شايف حالتها كيف أطلع خليها ،، قال ليهو وانت تطلع منو كمان قصي قال ليهو عارفك ود خالتها بس دي ما حاجة بتسمح ليك انك تخلي حالتها تبقى اسوأ فلو سمحت بره ولا بتصرف أنا ،، ياسر طلع وما قال ولا كلمة ،، قصي جاء جنبي ،، وقال لي مالك قلت ليهو رأسي حيتكسر يا قصي ما قادرة ،، خت يدو في رأسي وبدأ يقرأ قرآن ❤️🖇️ ،، لحدي ما نمت،، مشى للدكتور وسألوا من حالتي قال ليهو الجزء اليمين من المخ أتضرر وحصل ليها شلل نصفي للجزء الأيسر عضلات وشها كويسة بس اليد والرجل وبعلاج فيزيائي إحتمال تبقى أحسن من الاول ،، قال ليهو قبل شوية كانت بتشكي من صداع شديد قال ليهو من أثر الشق واحتمال يكون دائم قال ليهو مافي ليهو حل الدكتور قال ليهو تاني دعواتكم بس نحنا عملنا اي حاجة بنقدر عليها قال ليهو تمام ،،،، دعواتنا معاها ❤️
تاني يوم قلت ليهم انا عايزة امشي البيت جو المستشفيات ده ما بنفع معاااي ،، ميان قالت لي انتي تأمري أهم حاجة نفسياتك ❤️🖇️قلت ليها قلبي انتي والله ،، بعد تحنيس وكلام كتير راغب قدر أقنعهم أنو يخرجوني وحأواصل علاج في البيت ،، قصي قال لي أنا عندي صحبي معالج فيزيائي حيجي يبدأ معاك قلت ليهو وأنت قال لي انا ما مهم المهم أنتي ❤️ ،، قلت ليهو قصي عايزة اقول ليك حاجة قال لي ما اسي أنا مشغول قلت ليهو كويس ،،، بعد وصلت البيت قلت ليهم وين ماما أميرة مافي زول رد ،، راغب شالني طلعني غرفتي قلت ليهو لو عارفة كده من زمان كان عملت الحادث قال لي أنطمي يااخ قلت ليهو حااضر اي حاجة تانية ،،، بابا قال لي ارتاحي وما تعرضي نفسك لأي مجهود قلت ليهو أن شاء الله ،،، وريف ورونق قعدو معاي في غرفتي قلت ليهم احتليتوها خلاااص ....
