اثناء ما نحن في العربية قلت ليها مافي مستجدات بينكم قالت لي قصدك منو قلت ليها انتي وراغب قالت لي أبداً واخوك ده انسان ثقيل بس قلت ليها دي حاجة معروفة 😂 هو من زمان كده قالت لي خليني أنا أها أنتي قلت ليها حياتي فارغة وباني فيها العنكبوت قالت لي أنتي العملتي كده في نفسك ،،، بجد نفسي اعرف فهمك شنو قلت ليها ما عندي اي فهم قالت لي أسي احمد ده بفسخو منو خطوبة قلت ليها أخلاقوا ما عجبتني ،، قالت لي كيف قلت ليها خلاص لحدي هنا قالت لي حتموتي بالكتمان قلت ليها اهو حترتاحوا مني قالت لي اسكتي اصلا الكلام معاك لا بودي لا بجيب ،،، وصلنا بعد نص ساعة كده لقيت خالتو سلمى مستنياني في الباب ،، وحضنتني وقعدت تبكي وريف قالت لي كما اتلاقيتو الشهر الفات جاء اخوها ياسر ماري قال لينا والله اشتقت لدرامتكم دي خالتو قالت لي ما تشتغلي بيهم دي ما عندهم أحساس بس أمشي ارتاحي انا حأمشي أجهز الغدا قلت ليها حأجي أساعدك قالت لي لا أمشي أرتاحي بس ،، باستني في رأسي ومشت ،، خالتو دي حنينة جداً قلت لي وريف بختكم بيها والله قالت وبختنا بيك قلت ليها آي نو 😌 قالت لي طيب يا باشا ممكن تمشي قدامي عشان تختاري معاي لبسات للحنة والزفاف قلت ليها الحنة الليلة صاح قالت لي اي قلت ليها أنا حأظبطک ❤️
بالمساء فتحت دولابها قلت ليها دي شنو الحرب العالمية الحاصلة هنا دي قالت لي أنجزي يااخ أختاري لي فستان أو أي حاجة ظابطة ولو عايزة لنفسك برضو أختاري قلت ليها ما مستنياك تديني الأذن أصلاً 😌 والحفلة كانت مقفولة بنات بس أخترت ليها فستان أسترابلس،، ومكيجتها قالت لي حاجزاك يوم عرسي قلت ليها معليش بس أنا أنسانة مشغولة دائماً قالت لي أصلا راغب حيعزني بأحسن منك قلت ليها ماشي يا كلبة،، وبعدها جهزت نفسي وطلعنا الحفلة لاقانا ياسر تحت قعد يعاين لي لحدي ما وصلت الباب واتعترت وريف قالت ليهو سحرت البت، ،حك رأسو وقعد يضحك قال لينا أوصلكم، وريف قالت ليهو لا بنمشي بعربيتي ما يحتاج،، عاينت لوريف حسيتها عايزة تقول حاجة وكنت عارفها حتقول شنو قلت ليها لا مستحيل أنا وهو كده حلوين قالت لي البريحك بس طبعاً قالت لي مشينا قلت ليها يلا،، وصلنا الحفلة قلت ليها صحبتك طالعة رهيبة وأحلى حاجة أنها بسيطة، سلمت على شلتها وقعدت بعيد منهم وكنت بعاين ليهم بس ولي رهابتهم،، لمن جينا طالعين لقينا عربية وريف قاطعة بنزين بتوصلنا اول الشارع بس،، جاء علينا فادي قلت ليهو أنت في كل مكان قال لي صاحب العريس وكده قلت ليهو أيوااا قال لي أقدر أساعدكم في حاجة،، ميان حكت ليهو قال حيوصلنا قلت ليهو لا بضرب لياسر بعد إصرار منو ركبنا كان معاهو واحد بس للأسف ما شفناهو لانو كان في ضلام شديد ولا أتكلم،، طول ما نحنا راكبين فادي كان بعاين لي بالمرأة وريف تتبسم زي الكضابة وتقول لي شوفيهو بعد وصلنا شكرتوا وأتوجهت على السرير طوالي
