ابوي قال لينا كبرتو والله وبكى وبكينا معاه والبعرفنا والما بعرفنا بكى معانا ،، بعدها رجعنا البيت ووريف جامعتها كانت الأحد طوالي ومعاها ميان واتفقوا انهم يتلاقوا 💗 ومشت مع أمها عشان تجهز حاجاتها قالت لي ما هاين علي أخليك براك لكن حأجي اقضي معاك الإجازات قلت ليها ظريف 😚 ودعتهم ،، وصلنا البيت ودعت خالتو فاطمة ودخلت ،، قلت لي أبوي كان يوم مرهق قال لي عقبال ما اشوف انجازاتك الكبيرة وانجازات أخوك قلت ليهو حأتشوفها أن شاء الله ،، راغب قال ليهو بإذن الله يا ابوي قلت ليهم يلا تصبحو على خير 💗 ،،،،
أول يوم شغل في الكافي ،، كان زحمة شديد ما كنت متخيلة أجونا ناس كتار كده ،، كنت أنا ومعاي خالتو محاسن وجابت معاها بتها ساعدتنا كتيرر ،، نهاية اليوم صرفتهم وأخدت الباقي ،، كأول مرتب من شغلي الخاص ،، دخلت السوق أشتريت ليهم هدايا وأولهم ياسر أشتريت ليهو سااعة ،، والجزء الفضل من القروش ختيتو في البنك ،، ومشيت لوريف أديتها الهدايا قالت لي ياسر قاعد أمشي سلميهو ليها براك قلت ليها قاعد وين قالت لي يعني ما عارفة ،، مشيت الجنينة البورا لقيتو قاعد ،، كان بتكلم بالتلفون ،، السمعتو من كلامو رفقة دي شنو كمان أتصدقت عليها بس ولانها بت خالتي أنا قاعد اعمل كده وانا كنت عايزها توافق علي عشان أقدر أكسر غرورها وثقتها دي يعني كنت حأأدبها ما أكتر وما حصل حبيتها أساساً ،،قلت ليهو ياسر ،، وقف وبقى يعاين لي قال لي رفقة أفهميني قلت ليهو ولا كلمة زيادة ومن الليلة ما عندك بت خالة تاني نهائي ،، أنت ما ممكن تكون كده💔 انا اعتبرتك زي راغب بس انت ما تستاهل وأكبر غلط عملتو أني سامحتك أول 💔 ،، طلعت من بيتهم ما شايفة قدامي أي حاجة
في جانب أبوي وراغب ...
راغب ضربت للبت دي شفتها وين أول مرة تتأخر كده ،، قال ليهو ضربت ليها يا ابوي بس ما بترد ،، أن شاء الله خير قلبي ماكلني شديد ،، قال ليهو خير يا ابوي بتكون في الزحمة أو ما لقت مواصلات حأمشي اشوفها ،، راغب مشى الكافي لقاهو مقفل ،، تاني ضرب لي بس مافي رد ،، ابوي قال ليهو لقيتها قال ليهو لااا ،، بس احتمال تكون مع وريف حأمشي اشوفها عندهم قال ليهو طيب بس اتصل طمني ،،، وصل فتح ليهو ياسر قال ليهو رفقة معاكم قبل يجاوب وريف قالت ليهو طلعت مننا قبل ٣سااعات كده وحتى ما ودعتني طلعت مستعجلة ،، راغب قال ليها وما جات البيت في حياتها ما عملتها ،، وريف قالت ليهو ضربت ليها ؟! قال ليها لي ساعة بحاول حأجرب تاني ،، جاهو صوت غريب قال ليهو لو سمحت صاحبة التلفون ده وين قال ليهو في مستشفى (....) ،، ما سأل حتى من التفاصيل ركب العربية ودور ،، وما فهم وريف وياسر حاجة بس ركب عربيتو ومشى ،، ياسر تابعو بعربيتو ،، لمن وصل سألهم قال ليهم الحاصل ليها شنو ،، الدكتور قال ليهو حادث قال ليهو حصل كيف الدكتور قال ليهو حسب كلام الشخص الجابها أنها كانت عايزة تقطع الظلط والشاحنة بتضرب ليها بوري ،، والمسافة ما كانت بعيدة وأضربت قال ليهو وهي وين اسي ،، قال ليهو في العناية المكثفة ،، ياسر قال لي راغب رفقة مالها وكان ببكي قال ليهو رفقة حصل ليها حاادث 💔 ،، قال ليهو انا اقول لي ابوي ورونق شنو انا ما بقدر أكلمهم ،، قال ليهو لازم يعرفوا أنا حأضرب ليهم ،، ضرب وراهم كلهم ،، ابوي لمن عرف ضغطو أرتفع الا جابو المستشفى برضو ،، قال ليهم أنا عايز أشوفها ،، راغب قال ليهو لسه في العناية ،، رونق قالت ليهم رفقة اختي قوية وحتقوم بالسلامة ،،، بعد الدكتور طلع قالوا ليهو بقت كيف يا دكتور ،، قال ليهم نزيف في الراس وشق في الجمجمة ،،، وحنعيد الصور تاني شاكين في حاجة وحيكون عندها عملية مستعجلة ،، وقال لي راغب أجي معاهو المكتب قال ليهو دي صور الأشعة حقت أختك وده الشق ظاهر ،، وده حينعكس عليها بعدين إحتمال يكون عندها صداع دائم او بين الفترة والتانية والصورة دي ،، السلسلة الفقرية أتأثرت بس ما شديد ،، قال ليهو يعني قصدك تاني ما حتمشي ،، قال ليهو ٱحتمال اي واحتمال لا قال ليهو كيف يعني قال ليهو ما بقدر أجزم أسي الا لمن تصحى
