الصباح شلت شنطتي ولقيتهم بشربو في الشاي قالت لي ماشة وين ياابتي قلت ليها راجعة بيتنا قالت لي والاسبوع الوعدتيني بيهو قلت ليها بعوضو ليك مرة تانية قالت لي في زول سألك عاينت لياسر وقلت ليها أبداً بس راغب محتاج لي عندو شغل ضروري قالت لي خلاص اشربي الشاي قلت ليها ما عايزة اي حاجه بس ماشة قالت لي خلي ياسر يوصلك قلت ليها طلبت ترحال ومفروض يكون وصل قالت لي والله مشيتك ما حلوة زي الطاردنك قلت ليه اعفي لي ياا خالتو بس لو ما الموضوع مهم ما كان بمشي 🍂 قالت لي زورينا طوالي عليك الله بتملي علينا البيت قلت ليها ان شاء الله قالت لي عارفاك كذابة لو ما جيتي انا بجيك قلت ليها تنورينا وريف قالت لي حركتك خور يلا قلت ليها معليش يا بيب 😂 ،، طلعت لقيت العربية وصلت ركبت طوالي ما عاينت وراي خالص ،، وصلت في نص ساعة لقيت راغب قاعد قلت ليهو غريبة قال لي الزول بقول السلام عليكم أول يااخ قلت ليهو وين ماما اميرة قال لي طلعت قلت ليهو ظابط قال لي طردوك ولا حاجة ؟! قلت ليهو طردت نفسي قلت ليهو بما انك الليلة قاعد عايزة أسألك هل طبيخي والحلويات البعملها حلوة قال لي اكيد انتي تنافسي أكبر شيف في العالم قلت ليهو يلا عايزة أعمل محل حلو وحادق يعني كيك وفطاير حلوة ومالحة قال لي كويس والله انا بفتتحوا ليك قلت ليهو لا انا عايزة أبدأ برأس مالي انا يعني بقروشي بدون اي مساعدة قال لي انتي حالياً ما شغالة ولا عندك فهم قلت ليهو حأشتغل معاك في الشركة قال لي وأخيراً وافقتي 💓 قلت ليهو أختك عايزة تنجز يااخ وبتذكر أنو بابا قال ماما خلت قروش كتيرة في البنك فبيها بالاضافة للمرتب حأقدر افتح المحل وشوية شوية حيبقى كافي متكامل قال لي كويس والله وانا معاك في كل خطوة 💓
طلعت غرفتي وبقيت بتكلم مع نفسي ،، فعلا الحياة دي بتعلمنا كتير ودي اول خطوة جدية لي وحأكون قدها 😪 ،، بعدها جبت ورقة وكتبت أفكاري كلها فيها ولقيت كتير منها مفروض يتعدل ومفروض تنضاف حاجات ،، بذرت كمية ورق لحدي وصلت مرحلة الرضا ،، نادوني للفطور قلت ما عايزة وكان أول أهدافي أني أخس وشديد وقفت في المراية لأول مرة اتأمل نفسي وقلت هم الخونة ديلك حبوني كيف ؟! 😂💔 قلت اه ما علينا ،.
المساء جاتني ماما اميرة قالت لي حمدلله على السلامه قلت ليها الله يسلمك قالت لي لي بتردي علي كده قلت ليها كيف قالت لي يا بتي حاساك متغيرة معاي عملت ليك حاجة قلت ليها انا جواي نضيف تجاهك بس أنتي لاا عشان كده حأعمل حدود للتعامل بيناتنا وكده حلوين مع بعض 🙂قالت لي كويس طلعت خلتني بعدها ضبطت المنبه ورقدت نمت .
_______________
في جانب تاني ...
يا ٲمي ان شاء الله خير انا أتجاوزت حاجات كتيرة ما جات على دي قالت ليهو بس يا قصي يا ولدي دي العملية الكم ومافي اي نتائج قال ليها كلو لخير وده الربنا كاتبوا وانا متفائل شديد بس أنتي ادعي لي قالت ليهو ما بتوصيني على حتة من قلبي قال ليها أنا متفائل وصامد عشانك خليك واثقة برحمة ربنا ،، ميان بالله تعالي سوقي امي البيت خليها ترتاح وانتي كمان امشي ارتاحي ،، قالت ليهو حأودي أمي بس ما حأخليك برااك حأجي تاني قال ليها ما مشكلة ،، امو قالت ليهو مستحيل أمشي من جنبك وأنسى الفكرة تمام قال ليها حاضر ،، ميان أمشي جيبي أكل من الكافتريا أكل العيانين ده ما بنفع معااي ،، قالت ليهو قول عايزني اتخارج بس ،، قال ليها عليك نور ،، قال لي امه ما توقفوا حياتكم عشاني انا فلة وشغلي ظابط واموري مظبطة أنزلوا السودان وما تشغلوا بالكم بي المهم قراية ميان ومستقبلها 💓 قالت ليهو أنقل شغلك هناك قال ليها عندي أوراق حأجهزها وألحقكم قالت ليهو طيب ان شاءالله بعد أخرجوك من المستشفى نتناقش.
