السلام عليكم وعليكم السلام أتفضلوا ،، كيفكم إن شاء الله بخير قالت ليها والله تمام ،، قلت أدخل على الجيران كلهم أنا جارتكم بالحيطة جينا أمس أنا فاطمة ودي بتي ميان ،، قالت ليهم تشرفنا والله وانا أميرة الحي نور بيكم ،، ردت ليها ميان منور بناسو يا خالتو ،، يلا نحنا حنمشي عايزين نرتب البيت وننضف قالت ليهم خير وطلوا علينا طوالي ،، قالت ليها أن شاء الله ،، نزلت تحت ما لقيت زول غير ماما أميرة مع اني سمعت أصوات قلت ليها كان في زول هنا قالت لي اي جيران سكنوا جنبنا جديد قالت عايزة تتعرف على الجيران قلت ليها متين رحلوا قالت لي شكلهم جو امس بليل قلت ليها بكونوا محتاجين مساعدة ،، قلت ليها عندها بنات قالت لي شكلها بت واحدة اسمها غريب كده هيام ولا حاجة بالشكل ده قلت ليها حنمشي عليهم أنا ووريف 💓 ،، طلعت لي وريف فوق قلت ليها البسي اقرب عباية حنمشي نساعد الجيران ديل قالت لي وانتي مالك ومالهم قلت ليها البيت مقفل ليهو سنين وهم اتنين بس حيتعبوا يااخ قالت لي طيب يا حنينة أرح ،، مشينا ليهم فتحت لينا بت حلاتها وسنفورة وحلات النضارات فيها وريف بدل تسلم عليها قالت ليها حلااتك 😂 قلت ليها أنعل يومك ،، البت قالت لينا ما مشكلة عبرت عن الجواها بس وريف قالت ليها يلا انا حبيتك وحأستبدل بت خالتي الموقرة بيك ،، أمها نادتها قالت ليها يا ميان جيبي السياكة ،، قلت ليها يعني اسمك ميان وماما قالت لي هيام وبالمناسبة أنا كنت نازلة اسلم بس لقيتكم طلعتوا قالت لينا اتفضلوا ،، سلمنا على أمها وقلت ليها حنساعدكم قالت لينا كتر خيركم يا بناتي قلت ليها ولو ده الواجب ،، في غرفة عايزة أدخل أنضفها قالوا لي لاا دي نضيفة ،ما تدخليها ،، حسيت زي الفيها حاجة قلت ليها حاضر بعد خلصنا ،، وانا مارة بالغرفة القبيل سمعت صوت تلاوة جاي منها بدون ما أشعر أتلصقت بالباب وبقيت بسمع 😴 حاجة في منتهى الراحة بعد ما أنتهى بقى الصوت ببكي وبتنهد وبدعي "يا رب أنت عالم بحالي فأصلحه" ما جاني فضول أفتح الباب لانو ما طبعي بس الصوت ثبت في ذهني ،، بعدها خالتو فاطمة شكرتنا وقلت لي ميان تجي تزورنا وطلعت بتقرأ مع وريف في نفس الجامعة ونفس المجال بس هي برلومة قالت ليها ما تخافي بعزك والله 💓 ،، قالت لي وانتي بتقري وين قلت ليها لا انا شغالة قالت لي ما شاءالله صغيرة وشغالة وين في شركة أسمها(...) للاستيراد والتصدير قالت لي ما شاءالله قلت ليها عليك الله زورينا قالت لينا ما حأقصر معاكم 😘 ،، مشينا الببت وحالتنا كانت بالبلا ،، لاقينا راغب في الهول قال لينا طالعين من حرب ؟! وريف قالت لي واي برستجي اتدمر قلت ليها برستيج شنو عليك الله ما تبقي وهمية 😒 راغب قال ليها حلوة بكل حالاتك قلت ليهم لو سمحتو 😑 راغب قال لي وريف تطلع فوق عايز أتكلم معاك قلت ليهو خير قال لي فادي طلب يدك مني قلت ليهو منوو ؟! قال لي فادي المعاي في المكتب قلت ليهو سيريسلي 😂 قال لي انا بتكلم معاك جد ما تضحكي قلت ليهو حالياً انا ابتعدت كل البعد عن العلاقات والحاجات دي لكن حأفكر بعقل أول وأكلمك قال لي واسمعي أنا عايز أخطب وريف بس مستني رونق تجي ونكلم الحاج 😅💓 قلت ليهو عرفت تختار والله وربنا يسهل 💓 ،، طلعت فوق وريف قالت لي شنو قلت ليها ما حأقول الكلام العنك بس فادي طلب يدي قالت لي واي الولد شكلو محترم قلت ليها صاحب أحمد ومحترم كيف؟! قالت لي أحمد مالو قلت ليها إنسان تافه ولمن نكون ماشين مع بعض بقول لي شوفي واحد حلو زي ماشي جنبك ،وكان بقلل مني وبسببو انا كان حأدخل في إكتئاب ما قدرت أكمل معاه قالت لي ربنا حيعوضك بالأحسن ولا يهمك قلت ليها دايما عوض ربنا حلو 💓
______________
*البغلط عليك ، البقلل أحترامك والبشوفك دون المستوى ،، طوالي أحذفيه من قاموس حياتك حتى لو كنتي بتحبي ، مافي زول يستاهل يأخد من صحتك أو يخصم منك ، كملي مع البحترمك ، البحترم قراراتك ، البدعمك ، البشوف أصغر تفاصيلك حاجة كبيرة ما ترضي بالإهانة ❤️🍂*
