جاتنا لجين إلي هي بت مرت أبوي أميرة قالت لي كان عندكم لمة لي ما ناديتني ،، وريف ما بتطيقها نهائي قبل كده قالت لي البت دي قلبها اسود ردت ليها أنو اللمة أسرية بس ،، وما كنا عايزين زول غريب بينا قالت لينا وانا كمان من الاسرة قلت ليها تشرفنا قالت لي المهم مامتي وين قلت ليها علمي علمك والله وريف قالت ليها بكون فاتت تكفر عن ذنوبها قالت ليها قلتي شنو ،، لا ولا حاجة بتكون في البيت يعني حتمشي وين قالت لي خلاص استأذن وبعد شوية حأجي اتونس معاكم قلت ليها تنوري دخلت غرفتي انا ووريف وقفلت الباب 🌚 ،، قلت لي وريف بكرة حتمشي معاي الشغل قالت لي ظريف ،، اتونست معاها وحكيت ليها بالرقم الضرب لي ورسالتو واني ممشية حياتي عليها بقيت بتصرف بعقلي أكتر من أي حاجة 💓 قالت لي عاد تمام وماف كلام 😂قلت ليها طيب راغب قبيل كان عايزك لشنو قالت لي هو قال حيكلمك براهو ،، قلت ليها خير ويلا يلا ننوم قبل الاخت ديك تجينا ،،
المنبه رن واول مرة ما اسمعوا الا صحتني وريف قلت ليها قومي يا بيب نتمشى قالت لي أمشي براك قلت ليها كلنا كنا كده ما تستسلمي للكسل يلا قالت لي كلكم منو قلت ليها بابا وراغب قالت لي تمام ،، طلعنا أتمشينا قلت ليهم رأيكم شنو نشرب الشاي بره هنا كان في ست شاي 💓💓 وعاملة زلابية مشينا قعدنا معاها ،، أكلنا ربع الصينية قلت ليهم ده مشروع تسمين بس الزلابية رهيبة 💓 ودعناها وقلت ليها أنا عن نفسي كل يوم حأجي أشرب منك شاي 💓 قالت لي تتفضلي طوالي يا بتي ،،، بعد بعدنا منها سرحت بعيد ابوي قال لي سرحانة في شنو قلت ليهو اسي الخالة دي بتكون صحت من الساعة كم ،، وده كلو عشان لقمة عيش وبالحلال دي مكافحة جداً ،، وبتستحق التقدير قال لي فعلا وغيرها كتيرين 💔 قلت ليهو ربنا يفتحها عليهم 💓🍂 ،، ماما أميرة قالت لينا مشيتو وين راغب قال ليها رحلة عائلية ،، وريف مشت معاي الشغل قالت لي واي من مكتبك أنا عايزة زيو يااخ رهيـب قلت ليها في الأحلام خليك في الطب حقك ده قالت لي أحلى قراية 🙂🔥 ،، فادي جاب لي الملفات قال لي دي المزة الكانت معاك في الحفلة قلت ليهو ما تحتك مرتبطة 🐸 قال لي ماشي بس براحة علي يااخ أنتي ما اديتيني فرصة وكمان مانعاني من غيرك وغمز لي وطلع قلت لي وريف ده مالو ده قالت لي بري طايرة ليهو ساي قلت ليها اي والله 😂 راغب قال لينا ده ما مكان ونسة هنا اصواتكم واصلة مكتبي ،، قلت لي وريف أعرفك ده البوص 🙂💔 قال لي رفقة بطلي هبل أو اقول ليكم خلاص أمشوا أنا بتم الباقي قلت ليهو لا أصلا باقي ساعة للزمن حأكمل الدوام قال لي خلاص اوك ومشى ،، وريف قالت لي ده منو قلت ليها ده مدير الشركة أسمو راغب عبدالرحيم 😂 قالت لي فظيع يااخ وحلو وأحلى حاجة فيهو لحيتو وقطعيتها قلت ليها حيلك بتتغزلي في أخوي قدامي ،، من غير مطرود قالت لي خلاص ،، خلصت الملفات كلها ومع الزمن طلعت ،، وقلت ليها يلا نمشي نشوف المحل ومعانا ياسر حيكون مستنينا تحت قالت لي ياتو محل قلت ليها الحأعمل فيهو المشروع وموقعو قالت لي ظريف ،، فعلا لقيت ياسر واقف قلت ليهو معليش لو قطعت عليك شغلك بس انت اول زول عرف الفكرة وحتشهد تنفيذها خطوة بخطوة قال لي لي الشرف ،، مشينا قابلنا سيد المحل قلت ليهو انا عايزاهو وبشدة وما إيجار عايزة أشتريهو موقعو حلو واتخيلت اشكال الكيك والترابيز قال لي طوالي بس القروش كاش ونمشي المحامي قلت ليهو جداً 💓 قلت لي وريف وياسر اها كيف وكيف ،، ياسر قال لي الموقع ممتاز ، وحأجي أفتح صيدلية هنا أنتي تسممي وانا اداوي قلت ليهو غليظ قال لي انا جادي حأفتح واحدة هنا المكان ككل عجبني قلت لي وريف ما عايزة تفتحي عيادة هنا ؟! قالت لي لا كفاية ياسر 😂 ،، وصلنا البيت ورجع شغلو ،، ضربت لي رونق قلت ليها الأسبوع قرب أنتهي وانتي ما جيتي ولا حتى ضربتي قالت لي بعد بكرة بالكتير حأكون معاكم قلت ليها تصلي بالسلامة وبوسي لي يوسف وحان قالت لي حاضر 💓
