تابع جاسر السرد بطريقته
" فتحي كان بيكتب رواية في الفترة اللي كان فيها في المستشفى ، كان بيكتب كل يوم عشرة أو عشرين ورقة ، كنت كل مرة تعدي عليه تخرج و معاك ورق هو كاتبه من رواية .. كان المفروض إنك هتجمع الرواية و تعرضها علي أصحابكم في نادي الكتاب ده أو اسمه إيه مش متذكر ، عشان يناقشوها و تخرج بأفضل حاجة قبل ما تنشرها .. و جيتلي في يوم و كان معاك مجموعة ورق كتبهم فتحي ، عرضتهم عليا ، كانوا عشرين ورقة علي مجموتين عشر ورقات .. مكتوب فيهم نفس الكلام ، نفس العشر ورقات اللي كتبهم في يوم .. كررهم في اليوم اللي بعديه بنفس كل حاجة حتى الأخطاء الإملائية
قولتلك ساعتها إن دي إحتمال كبير تكون حالة زهايمر ، لأن الإبداع مبتكررش"
سكت برهة صغيرة كأنه يستريح ثم أكمل
" سألتني بعدها لو اتضح ان فتحي ممكن يكون عنده الزهايمر ممكن دا يأثر علي الوصية و فاعليتها .. و قولتلك إن الزهايمر مرض عقلي و أي مرض عقلي بيأكد إن مريضه لم يكن في كامل قواه العقلية وقت كتابتة الوصية و ساعتها بتكون الوصية غير عاملة .. المفروض "
ثم تابع " الكلام ده كان قبل ما فتحي يموت بيوم ، بعد ما مات جيت و سألتني هل لبنى عرفت بموضوع الإشتباه في الزهايمر ده و قولتلك أيوة ، لأنها موجودة معاه طول الوقت فأكيد لاحظت أي حاجة عليه حتى قبل ما تلاحظها إنت "
ثم غادر من السيارة بعد أن حاسبته علي المال الذي دفعه ثمن الكبتاجون الذي طلبته
قبل أن أنطلق بسيارتي تذكرت أنني أفتقد شيئاً .. نزلت أنا الآخر و ذهبت إلي أحد الماركتات الصغيرة لأشتري علبة سجائر .. كنت أفتقدها بشدة
أشعلت سيجارة في طريق عودتي و ركبت السيارة و إنطلقت إلي شقة الأنفوشي
أنت تقرأ
مخلوقات غريزية
Nouvellesالمبادئ لا تتجزأ إذا قررت القراءة عليك التركيز و الإنتباه لكل كلمة و كل حدث قصة غموض و تشويق و جريمة ما يجعلنا آدميين هي تلك الأخلاق و القواعد التي تقيدنا لكننا نملك الإختيارات و غير مقيدين عليك أن تفكر بطريقة واقعية و أيضاً أن توازن الشخصياات كما...
